San Juan 6:61 - Dibshon Mengi-kan Ni Pansigshan

⁶¹ Enshiy engikowan son Jesus ey sajay i shaka pankototi, nem amta toy ẃared nemnem sha; isonga inkowan to ey, “Sota inkowan ko la, si‐katoy kabol ni eg jo ma pati‐an son si‐kak?

San Juan 6:61 Iomraidhean Croise

San Mateo 11:6

Si Apo Shiyos i onbindisiyon so nonta enshiy showashowa to son si‐kak.” Kowan nen Jesus so nonta ira inbetkag nen Juan.

San Mateo 17:27

Isonga si‐kak, mebedin na dibshi‐ak ni alos ni Timplo nen Apo Shiyos ja Amak. Nem say kowan ko, say eg mesekitan i nemnem ira nonta totoo, daw ka shima baybay et mo ipekat sota bengẃit mo. Jet sota pilmiron nigay ya mekna, si‐katoy al‐en mo. Panga‐ẃab mo et ẃaray on‐an mon pilak nodta bongot to. Si‐katoy al‐en mo ja mo i‐akan ja alos ten showa.”

San Juan 16:19

Nem si Jesus, amta to ey piyan nonta ira apostol ton ibaga i olog nonta inkowan to, isonga kowan to son si‐kara ey, “Jet kayoka manbibinaga no ngantoy olog da nonta inkowan ko ey eg jowak ma nin asen ni sanka‐atikan, nem asen jowak met laeng nga shagos?”

San Juan 21:17

Jet nonta maykepintedo, kowan nen Jesus mowan so nen Pedro ey, “Simon, ja anak nen Juan, ẃaray semek mo son si‐kak?” Si Pedro, nandaringit ma, ta emintedo ja inbaga nen Jesus iyay son si‐kato, jet si Pedro, simongbat ja kowan to ey, “Apo, amtam ma emin, angken nganto. Amtam ey ensemek taka.” Jet si Jesus, kowan to ma son Pedro ey, “Ajowanim sota ira emati son si‐kak ta si‐kara, may‐eshig ey singa kalnirok.

San Juan 6:64

Nem amtak ey ẃara son si‐kayoy eg memati son si‐kak.” Kowan nen Jesus. (Sajay i inkowan nen Jesus, ta sigod ja amta to sota ira totoon eg memati, tan amta to sota toon mengibaag son si‐kato ali so nonta toon makakontra son si‐kato.)

Hodiyos 4:13

Isonga angken nganton palsowa, eg mebedin na i‐emotan to si Apo Shiyos. Singa dabos ira, ta toka asa i emin, angken nganto ja shaka dagdag‐a, jet no ngantoy dingkara, si‐katoy songbatan sha di son si‐kato.

Inpa-Amta Nen Jesucristo 2:23

Tan angken sota ira annak to, shosa‐en ko, et metey ira. Sajay i dag‐en ko say sota emin na emati son si‐kak, amta‐en sha ey si‐kak ket amtak i emin na ẃared nemnem tan poso ni too, tan say amta‐en sha ey si‐kak i onsobadit ni dingka ni sanseskey son si‐kayo.