San Juan 6:5 - Dibshon Mengi-kan Ni Pansigshan

⁵ Idi ẃimingi si Jesus, inon‐an to ali ira sota eshakel la toon emandaw son si‐kato, jet kowan to ey, “Felipe, toway pengal‐an ni mekan ja on‐anay ya kenen ira niman na totoo?”

San Juan 6:5 Iomraidhean Croise

San Mateo 15:33

Jet sota ira too nen Jesus, kowan sha ey, “Toway pengal‐an tayod jay ni kenen sha ey enshiy baley shiyay? Eshakel met iren pasiya.”

San Marcos 6:32

Jet siya, nandogan ired bangka et dimaw ma ira shima naydasin na dogad ja enshiy totoo.

San Lucas 9:10

Sota ira apostol nen Jesus ja inbetkag to, imoli ira di jet inkowan sha son Jesus i emin na dingdingkara nodta dinedaẃan sha. Jet inodop to iren abos sha ja ondaw shi siyodad ja kowan sha ey Bitsaida.

San Juan 1:43

Idi eẃa‐ẃa mowan, si Jesus, ninemnem ton ondaw shi Galilia, jet simbi to si Felipe shiman ja kaidiyan nen Andres nen Pedro ja i‐Bitsaida. Kowan nen Jesus son Felipe ey, “Kala, kay‐olop ka son si‐kak say manbedin ka men took.”

San Juan 1:45

Jet si Felipe, simbi tos Natanael, jet inkowan nen Felipe son si‐kato ey, “Wara ma niman sota inpadto nen Moises ja insolat tod dinteg tan insolat nonta ira para padto. Jet inaspol mi! Say ngaran to, Jesus. Si‐kato ket i‐Nasarit ja potot nen Jose.”

San Juan 1:46

Jet si Natanael, simongbat ja kowan to ey, “Apay ẃara ayay mapteng nga mandepod Nasarit?” Jet kowan ngo nen Felipe ey, “Eti, mo asas.”

San Juan 1:48

Jet si Natanael, inbag‐an tos Jesus ja kowan to ey, “Ita et mangon amtamak?” Si Jesus, simongbat ja kowan to ey, “Nonta ẃara ka pay laeng ja nansirom shi kadasan, ja eg toka pay laeng inodop nen Felipe, inon‐an taka.”

San Juan 4:35

Si‐kayo, ẃara met sota joka ikowan no mantatabtabal kayo, ja kowan jo ey, ‘Ondabas pay i epat ta bolan, asan timpo ma ni ani.’ Nem no si‐kak, niman i timpo ni ani. Idmang jo kari ira ja totoo. Sota timpon pematira son si‐kak, shanshani ma; may‐eshig shi edowem men pagey ja mebedin na ma‐eni.