San Juan 6:36 - Dibshon Mengi-kan Ni Pansigshan

³⁶ Nem si‐kayo, angken inon‐an joy dingkak, eg kayo memati son si‐kak. Sajay, inkowan ko son si‐kayo nontan et inpinshowak mowan.

San Juan 6:36 Iomraidhean Croise

San Lucas 16:31

Nem kowan mowan nen Abraham ey, ‘No eg sha pati‐en sota bilin nen Moises, tan sota ira esel ni para padto, angken ẃaray manpeẃil la etey, eg sha met laeng pati‐en.’ ”

San Juan 12:37

Eshakel i kaskasshaaw wa dingka nen Jesus, nem eg patpati‐en ira nonta totoo.

San Juan 15:24

No eg sha inon‐an i dingkak ja kaskasshaaw, ja eg mebedin na dag‐en ni angken sipa, istay mebedin na ikowan sha ey enshiy basol sha. Nem angken na inon‐an sha iyay ya dingkak, iso met laeng nga kontra sha‐ak, tan kontra sha pay si Amak.

San Juan 6:26

Si Jesus, simongbat ja kowan to ey, “Kinapodpodno iya ikowan ko son si‐kayo. Amtak ey jowakka en‐enapa ta engan kayo nontan ni tinapay, jet nanpesel kayon kosto; aliẃen sota kaskasshaaw wa dingkak i jowaksoka en‐enapi so.

San Juan 6:30

Nem sota ira totoo, kowan sha ey, “Ngaranto ngarod i ipa‐sas mo pay son si‐kami, say pati‐en mika? Ngantoy dag‐en mo ja inges toy dingka nen Moises nonta bayag da?

San Juan 6:37

Sota ira i‐awat nen Amak son si‐kak, si‐karay memati son si‐kak, jet sajay ira ja ondaw ali son si‐kak, man‐imdengak ja mengeẃat son si‐kara.

San Juan 6:40

Say piyan pay nen Amak, emin ira sota toon eẃatan toy maypangkep son si‐kak, jet memati, may‐aknan ira ni biyag ja enshiy to engintegan, tan panbiyag ko ira di shi ka‐onoran na akew.” Kowan nen Jesus.

San Juan 6:64

Nem amtak ey ẃara son si‐kayoy eg memati son si‐kak.” Kowan nen Jesus. (Sajay i inkowan nen Jesus, ta sigod ja amta to sota ira totoon eg memati, tan amta to sota toon mengibaag son si‐kato ali so nonta toon makakontra son si‐kato.)