San Juan 6:2 - Dibshon Mengi-kan Ni Pansigshan

² Jet eshakel la pasiyay toon imonod son si‐kato, ta inon‐an sha sota kaskasshaaw wa dingka to, ni inmapteng ira nonta emanpansekit.

San Juan 6:2 Iomraidhean Croise

San Mateo 12:15

Nem si Jesus, amta toy pangkep sha, isonga indekjas to sotan na dogad. Nem eshakel iray imonod son si‐kato, jet sota ira manpansekit, inpamapteng to iren emin.

San Mateo 13:2

Eshakel ngo i toon imonod ja sha binongolan si Jesus, jet kasoreng si Jesus ma ey man‐a‐tan nodta bangka ja ẃara nodta shanom, jet timongaw nodtan. Sota ira too, ẃara iren esalpag nodta kilig ni shanom.

San Mateo 14:14

Idi ondisaag si Jesus nodta bangka, inon‐an to ira sota eshakel la toon nay‐aspol et naysemekan na pasiya son si‐kara. Isonga sota ira emanpansekit son si‐kara, inpamapteng to ira.

San Mateo 8:1

Idi shimalong si Jesus nodta shontog, eshakel la pasiya ira sota toon imonod son si‐kato.

San Marcos 1:45

Nem sota toon na‐kal i bayang to, inpaleẃag to ey inpamapteng nen Jesus i bayang to. Jet sajay ya shamag, asdeg ton nayẃaris pay shima angken araẃin dogad. Nakol ni si Jesus, eg mala maka‐edaw shi angken nganton siyodad. Nan‐iyan ni olay shi naybetaw iren dogad, nem angken ẃared naybetaw, eg ngoreshan ma‐enshiy eshakel la totoon kaondaw son si‐kato ja emedepod kompormin dogad.

San Marcos 6:33

Nem eshakel i toon engasas ni indaw sha la, jet inimatonan sha ira. Jet say inpasing ira nonta toon nankedapo shi eshakel la dogad, kinano‐an sha ngon nan‐akad, jet epangdo iren mimotok nodta dogad ja daẃan nen Jesus.

San Juan 11:47

Jet nontan ma, sota ira Parisiyo, tan sota apo ira ni papashi, nanmimiting ira nonta toray ni Timplo, jet kowan sha ey, “Ngantoy pesing tayo aya so nen Jesus? Eshakel ma i dingdingka to ja kaskasshaaw.

San Juan 12:37

Eshakel i kaskasshaaw wa dingka nen Jesus, nem eg patpati‐en ira nonta totoo.

San Juan 2:11

Sajay ya dingka nen Jesus shi Kana, si‐katoy pilmiron dingka ton milagro. Inpa‐sas toy kina‐Shiyos to et sota ira too to, emati ma iren koskosto son si‐kato.

San Juan 2:23

Jet nontan na timpo ni piyasta ni Hodiyos ja kowan sha ey Paskowa, eshakel i emati son Jesus shi Jerusalem, ni in‐asas sha so nonta kaskasshaaw ja dingka to.

San Juan 20:30

No sota maypangkep ni dingka nen Jesus, eshakel i dingka ton kaskasshaaw wa mismon inon‐an nonta ira too to, nem ekak insolat ta emin shiyay ya dibsho.

San Juan 3:2

Sajay ya too, dimaw son Jesus ni edabi, jet kowan to ey, “Maistoro, si‐kam, amta mi ey inbetkag token Apo Shiyos ja menosho son si‐kami, ta angken sipa, enshiy ondaga so nonta dingkam ma kaskasshaaw, no enshis Apo Shiyos son si‐kato.”

San Juan 6:14

Sota ira totoo, idi inon‐an sha iyay ya dingka nen Jesus, ja inpara‐kel to sota mekan, nasshaaw ira, jet kowan sha ey, “Kinapodpodno to ey sajay sota para padto ja inpadtora nonta bayag da ey ondaw alid ja dobong.”

San Juan 6:22

Nonta na mama‐shem, sota ira eshakel la totoo, inon‐an shay inda‐jat nonta ira too nen Jesus jet inon‐an shen enshis Jesus ja ekilokan nodtan. Isonga singked sha si Jesus nodta kawad‐an shen nay‐esop nodta enganan sha ni tinapay nonta naksheng nga nan‐iyaman si Jesus son Apo Shiyos. Kowan sha ey ẃares Jesus pay laeng nodtan na dogad, ta sakey bengat nonta bangka ja nandoganan ni too nen Jesus, enshiy eshom. Nem idi eẃa‐ẃa, enshi met gayam si Jesus. Isonga idi ẃara iray simalsheng nga bangken edapod Tibirias nodta kad‐an sha, nandogan ngo ira ja en mengenap son Jesus shi Kapirnaom.

San Juan 6:26

Si Jesus, simongbat ja kowan to ey, “Kinapodpodno iya ikowan ko son si‐kayo. Amtak ey jowakka en‐enapa ta engan kayo nontan ni tinapay, jet nanpesel kayon kosto; aliẃen sota kaskasshaaw wa dingkak i jowaksoka en‐enapi so.

San Juan 6:30

Nem sota ira totoo, kowan sha ey, “Ngaranto ngarod i ipa‐sas mo pay son si‐kami, say pati‐en mika? Ngantoy dag‐en mo ja inges toy dingka nen Moises nonta bayag da?