San Juan 5:44 - Dibshon Mengi-kan Ni Pansigshan

⁴⁴ Isonga eg kayo emati son si‐kak, ta say pipiyan jo, sota shayaw ni kait jon too, ey aliẃa et ta sota kosto‐an shakejo so nen Apo Shiyos, ja istay topogen jo komen panshedjawan.

San Juan 5:44 Iomraidhean Croise

San Mateo 23:5

Emin na shaka dagdag‐a, piyan shen asen ni totoo say i‐etek sha ira. Singa agpayson epateg i pamatira son Apo Shiyos, ta ẃaray shaka itaktakin ni olay ja papil la naysolatan ni esel nen Apo Shiyos, nem shaka peba‐deg say on‐an ni totoo. Tan shaka arti‐i i kajaran ni baro sha say ikowan ni too ey sota bilin nen Apo Shiyos noman i pipiyan sha.

San Lucas 19:17

Kowan nonta ari ey, ‘Siya, mapteng i dingkam; mapteng ken baga‐en ko. Kaka mepiyal la mengimanshal ni otik ka banag, isonga niman, panbedin taken mengitoshay ni sampolon siyodad.’

San Juan 12:43

Eg sha ipa‐sas ey ireka memati tep say pipiyan sha, sota kosto‐an so ni too son si‐kara, ey aliẃa et ta sota kosto‐an so nen Apo Shiyos son si‐kara.

San Juan 17:3

Jet no meẃad‐an ma ira ni biyag ja enshiy to engintegan, si‐kato may amta‐an sha son si‐kam, ey si‐kam i podnon Shiyos ja enshiy eshom, tan si‐kato ngoy amta‐an sha son si‐kak, ey si‐kak si Jesucristo ja inbetkag mo alid ja dobong.

San Juan 3:20

Jet sota ira ngaaw i aramid sha, shaka a‐dema ja on‐esop son si‐kak ta entakot ira ey deẃagan koy aramid shen ngaaw.

San Juan 5:41

Si‐kak, aliẃen sota shayaw ni tooy naka en‐enapa,

San Juan 8:43

Si‐kayo, eg jo eẃatan, ta eg jo koston itenengan iya naka pan‐ikowan.

I-Roma 2:10

Nem sota ira toon mandeka ni mapteng, may‐a‐tek ira jet ẃara pay son si‐karay talna. Jet say pilmiro met laeng, sota ira Hodiyos, jet asan sota ira aliẃen Hodiyos ma.

I-Roma 2:29

no diket say podnon too nen Apo Shiyos, sota inpanbaliw ni Ispirito Santo nen Apo Shiyos i ẃared poso to. Ipinshowak ey aliẃen sota pengonod ni ogadi ni Hodiyos i kaybidangan ni too son Apo Shiyos. Si Apo Shiyos i mengiredjaw nonta toon panbediw ni Ispirito Santo to, nem mebedin na eg mango ishayaw ni kait ton too.

I-Roma 2:7

Jet sota toon enganos ja nandaga ni mapteng, tep toka kamkamkamiy kay‐a‐tek tod dangit, ono sota kon‐oren to ingkatod ingka, si‐katoy may‐aknan ni biyag ja enshiy to engintegan.

1 I-Korinto 4:5

Isonga eg tayo iba‐ngat ja ikowan i kamapteng ono kangaaw ni sakey tan sakey son si‐katejo niman na timpo, ta no onmotok alis Apo Jesucristo, emin sota nay‐emot, tan angken pay sota pangkep ni toon toka nemnemnema, ma‐amta‐an. Sotan aliy amta‐an tayo so no siyen pan‐imdengan nen Apo Shiyos sota dingka tayo, ono enshi.

2 I-Korinto 10:18

Isonga sota mengisekot shorog ni bakdang to, karejo pati‐en; say koskoston pati‐en jo koma, sota insagot nen Apo Shiyos.

I-Pilipos 2:3

Nemnem joy pansigshan ni kait jo, aliẃen sota bakdang jo bengat i jo nemnemnemen, eg kayo ondastog. Pankombaba kayo et mango, jet ibidang jo ngoy eshom ey ẃaray amtara nem say si‐kayo.

1 I-Tisalonika 2:6

Aliẃen sota pengiredjaw jo son si‐kami i mika kamkamkami nonta ẃara kami shita kawad‐an jo, ono sota pengiredjaw ni eshom.

1 Timoteo 1:17

Isonga no mebedin koma, si Apo Shiyos komay i‐aknan tayo so ni shayaw tayo, ta si‐katoy ari ingkatod ingka, ja eg metmetey, tan eg ma‐sas. Si‐katoy podnon Shiyos, enshiy eshom. Si‐katoy panshedjawan ingkatod ingka! Siya, satan da.

Hodiyos 3:12

Si‐kayon a‐akik shi pamati, mesepol la mantanshaan kayo, ta baka et ey ẃara son si‐kayo i ngaaw i nemnem to, ja eg memati son Apo Shiyos. Tanshaaniyo ta sotan na eg to pemati, sotan met laeng i kabol la kaysi‐janan to shorog son Apo Shiyos ja sibibiyag.

Santiago 2:1

Si‐kayon a‐akik shi pamati, say piyan nen Apo Shiyos ja dag‐en jon emati son Jesucristo, ja Apon Kangeto‐an, man‐i‐inges komay pesing jon menintil ni totoo.

1 San Pedro 1:7

Sajay ya digat, inpalobos nen Apo Shiyos ja medeka son si‐kayo, say ma‐sas no agpayso met laeng i pamatiyo son si‐kato. Isonga may‐eshig nodta balitok ja epalit i bayad to. Tep say balitok, shaka epoyi say ma‐amta‐an no poro met laeng. Sajay i kay‐eshigan nonta pamatiyo, nem say balitok, aliẃen ingkatod ingka. Isonga angken eshakel i digat ja joka da‐da‐kami, no makedsang i pamatiyo, ishayaw shakejo nen Apo Shiyos no ondaw mowan ali si Jesucristo, jet ikowan sha pay ey si‐kayo i shaka pan‐imdengi.

San Judas 1:25

Si‐katoy mengisedakan son si‐katejo tep emati kito so nen Jesucristo ja Apo tayo. Angken sipa, enshiy maka‐inges son Apo Shiyos: si‐katoy Kangeto‐an, kakedsangan so ni emin na toray, enshiy eshom. Ebadeg i panakabalin to ngo eshan, angken nonta eg pay laeng epalsowa iya dobong, isonga si‐katoy sigod ja emayshedshedjaw nontan da ingkato niman et ingkatod ingka. Siya, satan da.