San Juan 5:34 - Dibshon Mengi-kan Ni Pansigshan

³⁴ Nem si‐kak, eg mesepol iya paneknek ni too ta pineneknekan towak nen Amak. Say kabol ni inkowanan ko so nonta inkowan nen Juan nontan da, say memati kayo et say maysedakan kayo.

San Juan 5:34 Iomraidhean Croise

San Lucas 13:34

Jet si Jesus, idi ninemnem toy kakedsel ni tood Jerusalem, dinekna toy toka pengisekit son si‐kara, jet kowan to ey, “Si‐kayon tood Jerusalem! Manshoki nonta bayag da ingkato niman, joka bono‐a ni olay ja kespigan ni bato iray inbetkag nen Apo Shiyos son si‐kayo, pati sota ira para padto. Ara, piga mangoy pesing ko son si‐kayo! Eminshakel la piyan kon i‐okong takejon i‐Jerusalem ja inges to sota kepengi‐okong ni manok ira ni kipkip to. Nem en‐asneng kayo!

San Lucas 19:10

Si‐kak sota kowan ni para padto nonta bayag da ey Anak ni Too, jet say kabol la inbetkagan towak so nen Apo Shiyos, say mengeẃisak nonta ira toon emantoshong shi keshosa‐an sha say maysedakan ngo ira.”

San Lucas 24:47

Tan say inpadtora pay, kowan sha ey maytosho shi emin na ka‐ili‐ilin sakop niya dobong ey mesepol la manbebawi komay totoo ni basol sha say pekawanan ira nen Apo Shiyos. Inpadtora pay ey say mengitosho, si‐kayon mengi‐edagey son si‐kak, jet ishogi jo konod Jerusalem. Si‐kayoy ondaga so niyay tep mismon inon‐an jo iya epasemak son si‐kak niman na timpo.

San Juan 20:31

Nem saja insolat kod jay ya dibsho, insolat ko say memati kayo ey si Jesus ket si‐kato sota naypadton mengisedakan ja ibetkag ali nen Apo Shiyos, tan say memati kayo ey si‐kato sota Anak nen Apo Shiyos. Jet say sakey pay ja insolatan ko so niyay, say no memati kayo, meẃad‐an kayo ni biyag ja enshiy to engintegan.

San Juan 5:32

Nem ẃares Amak ja kaonpaneknek son si‐kak, jet amtak ey sotan na paneknek to pangkep son si‐kak, podno.

San Juan 5:41

Si‐kak, aliẃen sota shayaw ni tooy naka en‐enapa,

San Juan 8:54

Nem si Jesus, simongbat ja kowan to ey, “No say naka pan‐ishayaw ket saja bakdang ko, enshiy silbi to. Say emengiredjaw son si‐kak, si Amak ja kowan jo ey Shiyos jo.

I-Roma 10:1

Si‐kayon a‐akik shi pamati, say ẃared nemnem ko ni olay, sota maypangkep ni kait kon Hodiyos. Naka ishawshawat so nen Apo Shiyos ey maysedakan ngo ira.

I-Roma 10:21

Nem no maypangkep nonta ira Hodiyos, kowan nen Apo Shiyos nonta bayag da ey, “Naka ipa‐sas ni olay ey piyan kon on‐oli iray took son si‐kak, nem eg sha kosto, shaka et ipilit i piyan sha.”

I-Roma 12:21

Aliẃen jo ibales, ja mandeka ngo ni ngaaw, ta no sajay i pesing jo, singa si‐kayoy inebak ni ngaaw. Isonga sota mapteng ni olay i ipa‐sas jo son si‐kara say maynemneman ira.

I-Roma 3:3

Agpayson ẃaray eshom ma kait kon Hodiyos ja eg memati nonta kowan nen Apo Shiyos, nem angken eg memati i eshom, aliẃen sotan i eg itoloyan so nen Apo Shiyos nonta sigod ja bindisiyon ja inkari to so ni poli nen Abraham.

1 I-Korinto 9:22

No ẃara‐ak ja naykadẃa so nonta ira eg pay laeng etod‐an ni kosto, ekak ipilit i kostok, say eẃisen ko iren onkedsang i pamatira son Jesucristo. Angken sipen too i kaydaokan ko, naka i‐anam i naka pesing son si‐kara, say ẃara koma iray eshom ma memati ja maysedakan.

1 Timoteo 4:16

Tanshaanim i itsora ni moka panbiyag, tan tanshaanim ma pasiya ey kosto sota moka pan‐itoro. Ta no sajay i pesing mo, bakdang mo met laeng i isalakan mo, tan maysedakan pay ira sota mengitneng ni ikowan mo.

1 San Juan 5:9

No tayoka pati‐a i kowan ni too pangkep ni inon‐an sha, mas epatpateg pay i kowan nen Apo Shiyos, jet say inkowan to maypangkep son Jesus, kowan to ey, “Si‐katoy Anak ko.”