San Juan 5:28 - Dibshon Mengi-kan Ni Pansigshan

²⁸ Karekayo messhaaw ni sajay ya inkowan ko la, ta ẃaray onsabi alin timpo, ja sota ira nanketey, itenengan shay esel ko,

San Juan 5:28 Iomraidhean Croise

San Juan 3:7

Kareka messhaaw niya inkowan ko ey si‐kayon too, mesepol la may‐enak kayo mowan.

San Juan 4:21

Jet si Jesus kowan to so nonta bii ey, “Patim iya naka pan‐ikowan. Waray timpon onsabi ali ja say panshedjaw son Apo Shiyos, aliẃen sota idaw nodta shontog shiyay, ono shi Jerusalem.

San Juan 4:23

Jet niman, simabi ma sota timpo, ja say koston panshedjaw son Apo Shiyos ja Ama, mesepol la sota podno ja mandepod poso, tep si Apo Shiyos ja Ametayo, sajay i piyan ton pesing nga manshedjaw son si‐kato.

San Juan 5:20

Ta si Amak, ensemek towak; isonga emin na obda to, inpa‐amta so son si‐kak. Jet no ma‐onod alin timpo, ẃaray obden pedeka to son si‐kak, jet mas kaskasshaaw wa pasiya nem say sota dingkak niman, jet si‐kayo, messhaaw kayo.

San Juan 5:25

“Kinapodpodno iya ikowan ko son si‐kayo. Say too, singa may‐eshig ey etey pangkep ni basol, nem no itenengan sha niman sota ikowan ko, may‐aknan ira ni biyag, ta si‐kak sota Anak nen Apo Shiyos.

Inpaspasing 24:15

Jet ẃaray namnamak son Apo Shiyos ey sota ira nanketey ya maronong ono makedsel, manbiyag mowan ira, jet angken saja ira nansharom son si‐kam, sajay met laeng i pamatira.

Inpaspasing 3:12

Jet idi asen nen Pedro ey eshakel aliy totoon emankesa‐nop ali son si‐kara, kowan to so nonta totoo ey, “Si‐kayon kait kon Hodiyos, apay nga kayoka messhaaw niyay ya banag? Apay nga jokamika iningning? Karejo ipangkep ey ẃaray panakabalin mi, ono eshiyosan kami, ja si‐katoy kabol la nan‐akashan niyay ya too.

1 I-Korinto 15:22

Say nanshogi‐an ni ketey ni too, si Adan jet si‐katoy singa tineẃid ni emin na too son si‐kato. Nem say nanshogi‐an ngo ni panbiyag mowan shi patey, si Cristo jet emin na toon ẃara son si‐kato, nayda‐kam ngo ira son si‐kato.

I-Pilipos 3:21

Si‐kato aliy onsa‐dat niya bakdang tayon kabeba‐an ja manbedin ni inges toy bakdang tod dangit ja emenenili. Jet sajay alin pesing to, osalen toy panakabalin to et sotan na panakabalin i toka osala met laeng niman ja mengitoshay so ni emin.

Inpa-Amta Nen Jesucristo 20:12

Jet inon‐an ko ira sota nanketey, ja nankengato tan nankebaba, ja dimayat ired sango‐an nonta empotin tongawan. Jet ẃara iray dibshon na‐okdag. Jet ẃaray apil la dibshon na‐okdag ja si‐katoy naysolatan ira ni ngaran nonta nay‐aknan ni biyag ja enshiy to engintegan. Jet sota ira nanketey, no ngarantoy naysolat nodta ira dibsho ja aramid sha nonta ẃara ired biyag, si‐kato ngoy kaybetayan ni panbenagan sha.