San Juan 5:25 - Dibshon Mengi-kan Ni Pansigshan

²⁵ “Kinapodpodno iya ikowan ko son si‐kayo. Say too, singa may‐eshig ey etey pangkep ni basol, nem no itenengan sha niman sota ikowan ko, may‐aknan ira ni biyag, ta si‐kak sota Anak nen Apo Shiyos.

San Juan 5:25 Iomraidhean Croise

San Lucas 15:24

Sajay ya anak ko, kowan ko nem etey, nem iyay gayam ma sibibiyag. Istay ya nan‐atiw, nem iyay ya nay‐oli di!’ Kowan nen ameto. Jet nayshogi may piyasta.

San Lucas 15:32

Mesepol la dag‐en tayo iyay; pandadsak ka et, tep si agim, kowan ko nem etey, nem ẃara gayam ja sibibiyag. Istay nan‐atiw, nem imoli di.’ ”

San Lucas 9:60

Si Jesus, simongbat ja kowan to ey, “Olay ngo ira sota toon eg sha amtes Apo Shiyos ja mengisingpet nonta etey. Maybidang ey etey ira, jet anam shen mengibka ni etey ya too. Nem si‐kam, daw ka et, mo ikowan i maypangkep ni pantoshayan nen Apo Shiyos.”

San Juan 13:1

Shanshani ja manshoki sota piyasta ni Hodiyos ja kowan sha ey Paskowa, jet si Jesus, amta to ey sotan may timpo ja idekjasan to so niya dobong, ja on‐oli ma so nen Ameto shi dangit. Nontan na timpo i pengipa‐sas to ey enshiy kolang ni semek to so ni totoo ton ẃared ja dobong, ta sigod ja ensemek to ngoreshan ira.

San Juan 17:1

Idi naksheng nga inkowan nen Jesus iyay, timangkak shi dangit ja kowan to ey, “Ama, simabi ma sota timpo ja si‐kam met laeng i mengi‐kan ni kayshedjawan ko, say si‐kak ngoy mengi‐kan ni kayshedjawan mo.

San Juan 4:21

Jet si Jesus kowan to so nonta bii ey, “Patim iya naka pan‐ikowan. Waray timpon onsabi ali ja say panshedjaw son Apo Shiyos, aliẃen sota idaw nodta shontog shiyay, ono shi Jerusalem.

San Juan 4:23

Jet niman, simabi ma sota timpo, ja say koston panshedjaw son Apo Shiyos ja Ama, mesepol la sota podno ja mandepod poso, tep si Apo Shiyos ja Ametayo, sajay i piyan ton pesing nga manshedjaw son si‐kato.

San Juan 5:21

Si Amak, si‐katoy ememiyag nonta nanketey, jet angken si‐kak ja Anak to, mengi‐kanak ni biyag so nonta toon piyan kon pengi‐kanan.

San Juan 5:28

Karekayo messhaaw ni sajay ya inkowan ko la, ta ẃaray onsabi alin timpo, ja sota ira nanketey, itenengan shay esel ko,

San Juan 6:60

Jet eshakel so nonta ira too nen Jesus i eg makakosto niyay. Idi itenengan sha iyay ya toro to, kowan sha ey, “Polibas ira jay ya toro to. Enshi emoy makabaal la on‐awat so!”

San Juan 8:43

Si‐kayo, eg jo eẃatan, ta eg jo koston itenengan iya naka pan‐ikowan.

San Juan 8:47

Sota ira annak nen Apo Shiyos, pati‐en sha sota kowan nen Apo Shiyos. Nem si‐kayo, eg jo met pati‐en sota kowan nen Apo Shiyos, ta aliẃen annak shakejo.”

San Juan 9:27

Simongbat sotan ja kowan to ey, “Inkowan ko met da son si‐kayo. Nganto pay laeng i ipinpinshow‐an ko so, no eg jo met laeng pati‐en? Apay piyan jo mowan na itenengan aya? No kasta, piyan jon manbedin ni too to?”

I-Roma 6:4

Sota inpanbonjag tayo, say kay‐eshigan to, singa etey kiton nayda‐kam so nen Cristo ja naybeka. Jet say sakey pay ja kay‐eshigan ni inpanbonjag tayo, singa nayda‐kam kito so nen Cristo nonta inpanbiyag so nen Apo Shiyos maypangkep ni panakabalin to, say mebado‐an ngoy biyag tayo niman na ẃara kitod biyag.

I-Ipiso 2:1

Nonta eg kayo pay laeng emati, may‐eshig ey singa etey kayo kabol ni basol jo. Nem niman, si Apo Shiyos, inpanbiyag shakejo.

I-Ipiso 2:5

isonga angken singa etey kito kabol ni basol tayo, say inpasing to, inda‐kam shakito so nen Cristo ja nay‐aknan ni biyag. Isonga say naysalakanan tayo, sota maypangkep ni kaasi nen Apo Shiyos.

I-Ipiso 5:14

Sajay i kaytoshongan nonta kowan to ey, “Si‐kam ma may‐eshig ey na‐ogip, bangon ka, panpawil ka did patey, jet si Cristo, deẃagan toka.”

I-Kolosas 2:13

Nontan da, enshi kayo son Apo Shiyos, isonga may‐eshig ey singa etey kayo pangkep ni basol jo, nem niman, inda‐kam shakejo nen Apo Shiyos son Cristo ja nay‐aknan ni biyag, ta pinekawanan ton emin i basol tayo.

Inpa-Amta Nen Jesucristo 3:1

“Iyay ngoy isolat mo so nonta pangolo ni emesa‐sa‐nop pa emati shi Sardis: ‘Say kowan nen Apo, ja kawad‐an ni kedsang ni Ispirito Santon eg nagshengan, tan kawad‐an nonta piton talaw, kowan to ey, “Si‐kak, amtak ka emin i joka dagdag‐a. Say kowan ni eshom ma too, ẃaray biyag jo, nem say agpayso, etey kayo.