San Juan 5:23 - Dibshon Mengi-kan Ni Pansigshan

²³ say emin na too, si‐kak i shedjawen sha ja inges toy shaka pengiredjaw son Amak. Sota eg mengiredjaw son si‐kak, eg sha ngo ishayaw si Amak, ta si‐kak sota inbetkag to di.

San Juan 5:23 Iomraidhean Croise

San Mateo 10:37

Sota pipiyan toy ameto, ono ineto nem say si‐kak, eg maykeshin took. Angken sota makapipiyan ni anak ton bii ono daki nem say si‐kak, eg maykeshi ngo ey took.

San Mateo 11:27

Jet inkowan to pay ey, “Si‐kak bengat i inpiyalan so nen Amak ni emin. Si‐kak bengat i maka‐amta ni emin na maypangkep son si‐kato, tan si‐kato ngo bengat i maka‐amta son si‐kak ka Anak to. Isonga sota piyan kon pengitosho‐an maypangkep ni pantoshayan nen Apo Shiyos, si‐katoy itoro‐an ko so.”

San Mateo 12:21

Si‐kato pay i kawad‐an ni namnama ira nonta too ja eg nin maka‐amta son si‐kak.” Sajay i padto nen Isaias ja esel nen Apo Shiyos.

San Mateo 15:8

‘Sajay iren too, shi bongot bengat i engintegan ni shaka panshedjaw son si‐kak, nem shi nemnem sha, araẃi son si‐kak.

San Mateo 28:19

Isonga ikowan ko son si‐kayo ey daw kayo shi emin na ili shiya dobong, jet itoshoyo i maypangkep son si‐kak say memati ira. Bonjagi jo ira shi ngaran nen Apo Shiyos ja Amak, shi ngaran ko ja Anak to, tan shi ngaran ni Ispirito Santo.

San Lucas 10:16

Jet kowan nen Jesus so nonta ira ibetkag to ey, “No sipay mengitneng son si‐kayo, si‐kak i maybidang ey intenengan to. Tan no sipay ondamsis son si‐kayo, si‐kak i maybidang ey dinamsis to, tan no sipay ondamsis son si‐kak, maybidang ey dinamsis tos Amak ja engibetkag ali son si‐kak.”

San Juan 14:1

Jet kowan pay nen Jesus ey, “Karekayo meshanagan; pamati kayo et son Apo Shiyos, tan pamati kayo ngo son si‐kak.

San Juan 16:14

Ishayaw towak, ta si‐katoy mengiranon ni piyan kon ikowan son si‐kayo.

San Juan 17:10

Emin sota took, si‐kam ngoy makakokowa, jet angken sota ira toom, si‐kak ngoy makakokowa, jet si‐karay kayshedjawan ko.

I-Roma 1:7

Jet niman, sajay ya solat ko, para son si‐kayon tood Roma ja ensemek nen Apo Shiyos, ja pinidi ton manbedin ni too to. Jet say shawat ko son Apo Shiyos, sapay koma ta kaasi‐an tokejo, tan a‐shoman to sota talna ja ẃara son si‐kayo ja edapo met laeng son Apo Shiyos ja Ametayo, tan si Apo Jesucristo.

I-Roma 15:12

Jet ẃara pay i inpadto nen Isaias nonta bayag da, ja kowan to ey, “Wara aliy mengibengon so nen Ari David ja anak nen Jesse, jet say itorayan to, sota ira aliẃen Hodiyos. Jet sotan alin mismo i panshindan ira nonta aliẃen Hodiyos.”

I-Roma 6:22

Nem niman ma ja aliẃen basol i timengel son si‐kayo, si Apo Shiyos i naydowaman jon onoren, jet asdeg to may kinon‐od jo tep emanmapteng may ogadiyo, ja mebedin na ẃaray kay‐ingesan to son Apo Shiyos. Jet say panpa‐no‐an niyay, meẃad‐an kayo ni biyag ja enshiy to engintegan.

I-Roma 8:9

Nem si‐kayo, aliẃen say joka on‐onora ket sota sigod ja nemnem jo nonta eg kayo pay laeng emati, no diket sota pengitoshong ni Ispirito Santo nen Apo Shiyos. Ta agpayson sota Ispirito Santo nen Apo Shiyos ja ẃara son si‐kayo ket si‐katoy emengitoshong son si‐kayo. Nem sota ira enshiy Ispirito nen Cristo son si‐kara, enshi ngo ira so nen Cristo;

1 I-Korinto 10:31

Nem say kowan ko, no mengan kayo, ono menginom kayo, ono ngarantoy kowan jo ey dag‐en jo, nemnem jo nin no kayshedjawan nen Apo Shiyos.

1 I-Korinto 16:22

No sipa iray toon enshiy semek sha so nen Apo Jesus, si Apo Shiyos komay onshosa son si‐kara. Apo Jesus, angka et nem magenon ondaw ka di!

1 I-Korinto 6:19

Baka et ey dinibkan jo ey say bakdang jo ket, Timplo ni Ispirito Santo ja inpan‐iyan nen Apo Shiyos son si‐kayo. Isonga say bakdang jo, aliẃen kokowayo.

2 I-Korinto 1:9

Mika dekna‐a ey patey ma i panpa‐no‐an mi. Nem sajay i epasemak say eg kami manshinel shorog shi bakdang mi, no diket si Apo Shiyos bengat i panshindan mi. Ninemnem mi ey si‐kato met ngoy onbiyag so ni nanketey, jet amta mi ey kabedinan ton memiyag son si‐kami.

2 I-Korinto 13:14

Jet say shawat ko son Apo Shiyos, sota kaasi nen Apo Jesucristo, tan sota semek nen Apo Shiyos, ja ẃara son si‐kayon emin, sapay koma ta si‐katoy ma‐shoman, tan kasta met sota inpankagait jo ta ẃara sota Ispirito Santo nen Apo Shiyos so ni sakey tan sakey son si‐kayo.

2 I-Korinto 5:14

Sota semek nen Cristoy emengitoshong son si‐kami, isonga aliẃen bakdang mi bengat i mika nemnemnema, angken ngarantoy dag‐en mi. Ebadeg i semek to son si‐katejo, isonga etey para so ni emin na totoo. Isonga mika kowinta‐a ey singa etey kiton emin et no sotan, eg mi nemnemen i pansigshan mi shorog. Jet aliẃen si‐kami bengat, no diket si‐katejon emin ja ẃara pay laeng shi biyag, aliẃen tayo nemnemen ma i pansigshan tayo shorog, no diket si Cristo i nemnemen tayo, ta etey maypangkep ni pansigshan tayo, nem nan‐ongal met laeng.

2 I-Korinto 5:19

Say olog nonta inkowan ko la, nonta etey si Cristo, si Apo Shiyos, toka pandag‐a i pesing ton mengi‐sop met laeng so ni emin na totoo son si‐kato, say eg to ma ibilang sota ngaaw den aramid sha. Jet sajay i inpiyal ton itoro mi.

I-Ipiso 6:24

Jet sapay koma ta kaasi‐an pay nen Apo Shiyos ja emin sota ẃara ni olay i semek to son Apo Jesucristo.

2 Timoteo 1:12

jet sajay i kabol la naka da‐da‐kami so ni digat niman. Nem ekak ibaing ta amtak ka mismo i pinatik, jet ebadeg i namnamak ey eg towak baybay‐an pangkep nonta obden inpiyal to son si‐kak, ingkatod imotok to di, ta kabaalan ton emin.

Hodiyos 1:6

Jet nonta shanshanin ibetkag nen Apo Shiyos alid ja dobong sota Anak to, ja si‐katoy singa pangodowan ja mandesin ni shayaw, say inkowan to, kowan to ey, “Emin na anghil ko, manshedjaw ira son si‐kato.”

2 San Pedro 1:1

Si‐kak si Simon Pedro ja makasolat niyay, jet sajay ya solat ko, para son si‐kayon tinodongan nen Jesucristo ja emati son si‐kato. Epateg i pamatiyo son si‐kato ja inges toy pamati mi. Tinodongan shakejo nen Cristo ta nan‐i‐inges i toka pesing so ni totoo. Jet niman ma, si‐kato may Shiyos tayon emin, ja engisedakan son si‐katejo. Si‐kak i sakey ya apostol nen Jesucristo ja shinotokan ton mansilbi son si‐kato, isonga itnengi jon pasiya iya ikowan ko.

2 San Pedro 3:18

Niman ma, pakedsang joy pamatiyo nodta kaasi nen Apo Jesucristo ja engisedakan son si‐katejo, say ma‐shoman i amtayo maypangkep son si‐kato. Si‐katoy panshedjawan tayo niman ingkatod ingka. Siya, satan da.

1 San Juan 2:23

Nem say nemnemen jo, sajay. No sipay too ja eg memati ey si Cristoy Anak nen Apo Shiyos, eg maybidang ey Ametos Apo Shiyos. Nem no sipay toon ememati ey si Jesus i Anak nen Apo Shiyos, si‐katoy maka‐ama so nen Apo Shiyos.

2 San Juan 1:9

Sota eg meki‐onod nonta koston toro nen Cristo, ja toka da‐to‐i, enshis Apo Shiyos son si‐kato. Nem sota ka‐onong shi koston pamati son Cristo, ẃara son si‐kato si Apo Shiyos ja Ama, tan si Jesucriston Anak to.