San Juan 5:22 - Dibshon Mengi-kan Ni Pansigshan

²² Si Amak, aliẃen si‐katoy mengigsheng no sipay maysedakan, no diket in‐akan ton emin son si‐kak i kanebengan kon mengigsheng ni panbenagan ni emin na too ingkatod ingka,

San Juan 5:22 Iomraidhean Croise

San Mateo 11:27

Jet inkowan to pay ey, “Si‐kak bengat i inpiyalan so nen Amak ni emin. Si‐kak bengat i maka‐amta ni emin na maypangkep son si‐kato, tan si‐kato ngo bengat i maka‐amta son si‐kak ka Anak to. Isonga sota piyan kon pengitosho‐an maypangkep ni pantoshayan nen Apo Shiyos, si‐katoy itoro‐an ko so.”

San Mateo 16:27

Epateg, ta no sakey alin timpo, emin sota aramid ni too, si‐kak met laeng i onsobadit son si‐kara. Agpayson si‐kak sota kowan nonta para padto nonta bayag da ey Anak ni Too, jet sota idaw ko ali mowan, say kasesaad ko, inges ko met laeng i kasesaad nen Apo Shiyos. Jet may‐odop ali sota anghil ko son si‐kak.

San Mateo 28:18

Jet si Jesus, imesop son si‐kara, jet kowan to ey, “Say inkowan nen Apo Shiyos, si‐kak i mengitoshay ni emin na ẃared dangit tan shiya dobong.

San Juan 17:2

Ta si‐kam Ama i engi‐kan son si‐kak ni panakabalin na mengitoshay so ni emin na too, jet si‐kak i mengi‐kan ni biyag ja enshiy to engintegan so nonta totoon piyan mon meẃad‐an ni biyag.

San Juan 3:35

Si Apo Shiyos, ensemek to sota Anak to, isonga emin na banag, in‐awat to so nonta Anak to.

San Juan 5:27

tan in‐aknan towak pay ni kanebengan kon mengigsheng no sipay maysedakan, tep si‐kak, nanbalinak ni too.

San Juan 9:39

Jet si Jesus, intoloy ton kowan to ey, “Say kabol la dinaẃan ko did ja dobong, say mandinasin i toon memati tan toon eg memati. Dimawak ali say sota singa ekorab, maka‐asas, nem sota toon kowan to ey eman‐esas, si‐kara et ngo mowan i may‐eshig ey ekorab.”

Inpaspasing 10:42

Jet si‐katoy mismon engibetkag son si‐kami ja mengikowan shi totoo ni maypangkep son si‐kato, tan mengikowan ey si‐katoy pinidi nen Apo Shiyos ja mengigsheng ni panbenagan ali ni totoon ẃara pay laeng shi biyag tan angken sota toon nanketey da.

Inpaspasing 17:31

Si Apo Shiyos, shinotokan to sota sakey ya too ja si Jesus, jet si‐katoy maka‐amten mengigsheng ni koston panbenagan ni tood ja dobong ingkatod ingka, jet ẃaray akew ja inkesheng nen Apo Shiyos ja ketongpal to ali. Si Apo Shiyos, inpanbiyag to si Jesus shi patey; isonga amta ni emin na too ey agpayson si Jesus i shinotokan to.” Kowan nen Pablo.

I-Roma 2:16

Jet no onsabi ali sota timpo ja pengigsheng nen Apo Shiyos no sipay maysedakan, angken sota aramid sha, ono pangkep shen in‐em‐emot sha, po‐jasan nen Cristo Jesus. Sajay ya pemo‐jas nen Cristo i sakey nodta naka pan‐itoro ni olay, maypangkep son si‐kato.

2 I-Korinto 5:10

Ta emin kito, onsango kito so nen Cristo, jet bisna‐en toy dingdingka tayo nonta kawasha tayod biyag shiya dobong, no mapteng ono ngaaw, jet eẃaten tayoy sobadit nonta dingka tayo.

2 Timoteo 4:1

Jet iyay pay i ibilin ko son si‐kam Timoteo, jet sajay ya naka pemidin son si‐kam, kaon‐os‐osshong ali si Apo Shiyos tan si Cristo Jesus. Jet mesepol la nemnemen mo ey eg medamsis si Cristo, ta to di ita‐shel i pantoshayan to jet sotan may pengigsheng to ni panbenagan ingkatod ingka ni toon ẃara pay laeng shi biyag tan sota ira nanketey da.

1 San Pedro 4:5

Nem aliẃen sotan i jo nemnemnemen, ta emin na aramid sha, songbatan sha di so nen Apo Shiyos shi ma‐onod alin timpo. Tep si Apo Shiyos, esagana ja menosa so nonta ira totoon ngaaw i aramid sha, angken sota ira nanketey da, tan sota ira ẃara pay laeng shi biyag niman.