San Juan 5:18 - Dibshon Mengi-kan Ni Pansigshan

¹⁸ Idi intenengan sha iyay ya inkowan nen Jesus, ema‐ma et ta piyan shen bono‐en. Aliẃen sota eg to inpangonod ni dinteg bengat i inokesan sha son si‐kato, no diket in‐inges to pay i bakdang to son Apo Shiyos ja kowan to ey Ameto.

San Juan 5:18 Iomraidhean Croise

San Mateo 12:5

Jet say sakey pay, apay eg jo aya amtay dinteg tayon Hodiyos ja no timpo ni akew wa ngilin, sota ira pari shima Timplo ket mebedin na man‐obda ira? Jet sotan na dag‐en sha no akew ni ngilin, aliẃen basol sha.

San Juan 1:19

Sota ira pangolo ni Hodiyos shi Jerusalem, engibetkag ira ni papashi tan sota ira kaontolong so nonta papashi, ja en mengiro‐pet son Juan nem ngarantoy koston saad to.

San Juan 10:30

Si‐kamin Amak, saksakey kami.”

San Juan 10:33

Sota ira Hodiyos, simongbat ira ja kowan sha ey, “Aliẃen sota obden mapteng i kespigan mika so, no diket sota moka pengikokowani so ey si‐kam ket inges mos Apo Shiyos, ey anta nga too ka ngo met bengat ja inges mi. Satan i ebadeg ga basol mo.”

San Juan 14:23

Jet si Jesus, simongbat ja kowan to ey, “Sota toon ẃaray semek to son si‐kak, pati‐en to sota ikowan ko son si‐kato, jet si Amak, ensemek to ngo sotan na too. Jet si‐kak tan si Amak, man‐iyan kami son si‐kato.

San Juan 14:9

Si Jesus, simongbat ja kowan to ey, “Felipe, ebayag ga naykadẃa‐ak met son si‐kayo, ket eg mowak pay laeng gayam amta? Sota engasas son si‐kak, amtara may itsora nen Amak. Apay nga ikowan mo ey ipa‐sas kos Amak son si‐kayo?

San Juan 19:7

Jet sota ira toray ni Hodiyos, simongbat ira ja kowan sha ey, “Waray dinteg min Hodiyos ey sota toon mengikowan ey si‐kato ket Anak kono nen Apo Shiyos, mesepol la mebono, jet satan na too, si‐katoy inkowan to.”

San Juan 5:15

Jet sajay ya toon mimapteng, bimo‐day jet to inkowan so nonta ira pangolo ni Hodiyos ey say inpamapteng son si‐kato, si Jesus gayam.

San Juan 5:16

Sajay i kabol la kinontra‐an ira nonta Hodiyos son Jesus, ta inpamapteng to iya toon istay emansekit nonta akew wa ngilin sha.

San Juan 5:17

Jet si Jesus, inkowan to son si‐kara ey, “Say kowan jo, no timpo ni ngilin tayon Hodiyos, eg kita man‐obda. Nem si Apo Shiyos ja Amak, eg onsalsheng i obda ton mengaasi ni too; isonga mesepol la si‐kato ngoy dag‐en ko.”

San Juan 5:23

say emin na too, si‐kak i shedjawen sha ja inges toy shaka pengiredjaw son Amak. Sota eg mengiredjaw son si‐kak, eg sha ngo ishayaw si Amak, ta si‐kak sota inbetkag to di.

San Juan 7:1

Idi enshiy bayag to, shi Galilia bengat i nan‐ak‐akshan nen Jesus, ta eg to kosto ja manshedan shi Jodia, ta sota ira pangolo ni Hodiyos shiman, piyan shen bono‐en si Jesus.

San Juan 7:19

Idi enaksheng iyay ya inkowan nen Jesus, kowan to so nonta ira pangolo ni Hodiyos ey, “Sota dinteg nen Moises, ẃara son si‐kayo ja joka ad‐ashala, nem angken sakey son si‐kayo, enshiy emati nontan na dinteg nen Moises, ta no ẃara koma, apay nga kowan jo ey bono‐en jowak?”

San Juan 8:54

Nem si Jesus, simongbat ja kowan to ey, “No say naka pan‐ishayaw ket saja bakdang ko, enshiy silbi to. Say emengiredjaw son si‐kak, si Amak ja kowan jo ey Shiyos jo.

San Juan 8:58

Simongbat si Jesus ja kowan to ey, “Kinapodpodno iya ikowan ko son si‐kayo. Nonta eg pay laeng nay‐anak si Abraham, sigod ja ẃara‐ak ngoreshan.”

I-Pilipos 2:6

Si Cristo Jesus, sigod ja inges toy itsora nen Apo Shiyos, nem eg to inpilit ja on‐onong nga inges nen Apo Shiyos.

Inpa-Amta Nen Jesucristo 22:1

Sota anghil, inpa‐sas to son si‐kak sota shanom ma emengi‐kan ni biyag et sajay ya shanom, emandining ja singa sota kowan sha ey kristal. Edapo ali sotan na shanom nodta tongawan nen Apo Shiyos, tan nodta kad‐an ni Kalniro.

Inpa-Amta Nen Jesucristo 22:3

Jet sota toon engi‐kan ni digat ni totoo nontan da shi dobong, enshi nodtan na siyodad, ta si Apo Shiyos, tan sota Kalniro, ẃara nodtan ja timongaw. Jet sota ira emansilbi son si‐kato, manshedjaw iren mismo son si‐kato.