San Juan 5:10 - Dibshon Mengi-kan Ni Pansigshan

¹⁰ isonga sota ira pangolo ni Hodiyos, inkowan sha so nonta toon mimapteng ey, “Apay nga pinesan mo ita shokolan mo, ket maypeshit shi dinteg tayo ita inpasing mo no akew wa ngilin tayon Hodiyos?”

San Juan 5:10 Iomraidhean Croise

San Mateo 12:10

jet simbi tod man i too ja eki‐ngoy i sakey ya takday to. Jet ẃara ngoy too nodtan ja makakontra son Jesus ja nansalodsod son si‐kato ta piyan shen balang nem ẃaray isongbat to ja ibasalan sha so ey basol nen Jesus; isonga kowan sha ey, “Ngaaw aya i pemapteng so ni toon ẃaray sakit to no timpon akew ni ngilin tayon Hodiyos? Ngantoy moka pengi‐odog ni dinteg tayo?”

San Marcos 2:24

Nem sota ira Parisiyo, kowan sha son Jesus ey, “Asas mo kari ira ma toom! Apay nga dingkara iman ey kaiparit ni dinteg tayon Hodiyos i mengetod no akew wa ngilin?”

San Marcos 3:4

Jet kowan to so nonta ira emeniim son si‐kato ey, “Ngaaw aya i pandeka ni mapteng, ono pemiyag ni too, no timpon ngilin? Enshi: say ngaaw ja kaiparit ni dinteg tayo, sota pandeka ni ngaaw tan pemono ni too.” Nem enshiy shaka isongbat.

San Lucas 13:14

Nem sota pangolo nodtan na sa‐nopan, bimonget tep inpamapteng nen Jesus sota bii nontan na akew ja timpon ngilin. Jet say inkowan to so nonta ira totoo, kowan to ey, “Enem ma akew i koston timpo ja pan‐obdayo, jet si‐kato ngo diy idaw jon en manpa‐ekas, aliẃen niman na timpon akew ni ngilin!” Kowan nonta pangolo.

San Lucas 23:56

Jet imakad ma ira ja ira mansekana ni emanseng‐ew wa dana ja kowan sha ey ipoyok sha nodta bakdang nen Jesus. Idi eẃa‐ẃa, nan‐inana ira tep si‐katoy akew wa ngilin ni Hodiyos.

San Lucas 6:2

Jet sota eshom iren Parisiyo, kowan sha son si‐kara ey, “Apay nga joka dagdag‐a itan ey kaiparit ni dinteg tayon Hodiyos i mengetod no akew ni ngilin?”

San Juan 1:19

Sota ira pangolo ni Hodiyos shi Jerusalem, engibetkag ira ni papashi tan sota ira kaontolong so nonta papashi, ja en mengiro‐pet son Juan nem ngarantoy koston saad to.

San Juan 5:11

Nem sajay ya too, simongbat ja kowan to ey, “Sota inpamapteng son si‐kak, si‐katoy engikowan ey al‐en ko sota shinokolan ko, jet inkowan to pay ey man‐ekarak.”

San Juan 5:15

Jet sajay ya toon mimapteng, bimo‐day jet to inkowan so nonta ira pangolo ni Hodiyos ey say inpamapteng son si‐kato, si Jesus gayam.

San Juan 5:16

Sajay i kabol la kinontra‐an ira nonta Hodiyos son Jesus, ta inpamapteng to iya toon istay emansekit nonta akew wa ngilin sha.

San Juan 7:23

Jet no timpo ni ngilin joka pandag‐a iyay ya kogit, say eg koma mesheshal i dinteg pangkep ni kogit, apay nga no ẃara mangoy dag‐en ko ja panmaptengan ni toon emansekit ni akew ni ngilin ket kayoka onbonget?

San Juan 9:16

Jet sota ira eshom ma Parisiyo, kowan sha ey, “Sotan na too, aliẃen si Apo Shiyos i edapo‐an to, ta no si Apo Shiyos komay edapo‐an to, apay nga eg to met onoren sota kowan ni dinteg tayo, pangkep ni akew ni ngilin?” Nem sota ira eshom ma Parisiyo, kowan sha ey, “Enshi. Sota ngaaw wa too, eg mebedin na todongan nen Apo Shiyos sa dag‐en toy kaskasshaaw, ja inges niya dingka niyay ya too.” Nontan ma, sajay iren too, nanshowa ira ja eg man‐inawatan.