San Juan 4:7 - Dibshon Mengi-kan Ni Pansigshan

^7-8 Jet emin sota too nen Jesus, dimaw ired siyodad ja en menongkal ni kenen sha. Jet si Jesus ngo nontan, ka‐onong nga ẃara nodta nay‐esop shi ba‐ẃek. Naytompong nga ẃaray biin i‐Samaria ja dimaw alin en man‐esol nodtan. Jet si Jesus, inkowan to so nonta bii ey, “I‐aknimak ka di ni shanom ma inomen ko.”

San Juan 4:7 Iomraidhean Croise

San Mateo 10:42

Jet agpayso iyay. Sota toon mengi‐kan ni angken shanom ma inomen nonta sakey ya kabeba‐an na took, ta amta to ey si‐kak i makatoo son si‐kato, sotan na toon mengi‐kan ni shanom, sigoradon ẃaray kon‐oren to ja i‐akan nen Apo Shiyos son si‐kato.”

San Juan 19:28

Jet nontan ma, amta nen Jesus ey nontan ma i kepospos nonta obda to, jet inkowan to ey, “Na‐keẃak ni shanom.” Ta piyan ton metongpal sota inkowan ni padto ja naysolat nonta bayag da ja pangkep son si‐kato.

San Juan 4:10

Jet si Jesus, simongbat ja kowan to ey, “No amtam koma sota pan‐i‐akan nen Apo Shiyos, ono amtam koma sota emanbeka son si‐kam niman ni shanom, istay ibag‐an mowak koma, jet i‐aknan taka ni shanom ma mengi‐kan ni biyag.”

San Juan 4:6

Jet nodtan na dogad, si‐katoy kawad‐an nonta ba‐ẃek ja asolan nen Jacob nontan da. Si Jesus, ta enabdey ni inpan‐akad sha ali, en timongaw nodta nay‐esop shi asolan na ba‐ẃek. Say oras nontan, alas dosi ni ka‐akawan.