San Juan 4:6 - Dibshon Mengi-kan Ni Pansigshan

⁶ Jet nodtan na dogad, si‐katoy kawad‐an nonta ba‐ẃek ja asolan nen Jacob nontan da. Si Jesus, ta enabdey ni inpan‐akad sha ali, en timongaw nodta nay‐esop shi asolan na ba‐ẃek. Say oras nontan, alas dosi ni ka‐akawan.

San Juan 4:6 Iomraidhean Croise

San Mateo 27:45

Idi nonta alas dosi ni ka‐akawan, nanbolinget nodtan na dogad ingkato nonta alas tris ni mama‐shem.

San Mateo 4:2

Jet nontan si Jesus, eg eng‐engan ni epat ta polon akew, tan epat ta polon dabi, tep epaladoy kepemeshas nen Satanas. Jet idi naksheng iyay, na‐agang si Jesus.

San Mateo 8:24

Jet idi nonta ẃara ired ma baybay, ebiglen kimedsang i shagem nodta baybay, tan makedsang ngo i shadoyon shi baybay, isonga sota bangka, shanshanin sa‐neben ni shanom. Nem si Jesus, en‐amis i ogip to.

San Lucas 2:7

Jet say in‐anak to, daki, ja si‐katoy besag. Dinampinan to et inparokol tod panganan ni animal. Sinodngan to iyay tep enshiy mebedin na ka‐okipan sha nodta baley ya koston shiẃesan.

San Lucas 9:58

Jet si Jesus, simongbat ja kowan to son si‐kato ey, “Pannemnem ka nin, ta saja obdak, edigat. Onito pay sota atap pa animal, tan titit, ta ẃaray koston shaka pan‐iyani. Nem si‐kak enshiy koston baley ko ja pansalshengan ko.”

San Juan 11:9

Si Jesus, simongbat ja kowan to ey, “No ka‐akawan i pan‐ekad, eg kita maysokbab, ta aliẃen embolinget. Wara met i sampolo tan showen oras ja ka‐akawan; isonga no oras ni ka‐akawan i pan‐ekad, eg kita maysokbab ta ma‐esas i shalan ja pan‐akshan, tep sinilẃan ni sekit.

San Juan 4:12

Say kimaot so niyay ya asolan, si Jacob ja makapoli son si‐katejo, jet sajay ya ba‐ẃek i toka pan‐esoli da nontan, tan shiyay pay i pan‐esoli ira nonta annak to, tan pan‐inomi ira nonta animal to. Apay engatngato ka aya ey say si Jacob da?”

San Juan 4:5

Jet nontan na inpanshalan shed man, minotok shay Sikar ja sakop met laeng ni Samaria. Sotan na dogad, nay‐esop nodta bo‐day nen Jacob nonta bayag da, ja in‐akan to so nen Jose ja anak to.

San Juan 4:7

Jet emin sota too nen Jesus, dimaw ired siyodad ja en menongkal ni kenen sha. Jet si Jesus ngo nontan, ka‐onong nga ẃara nodta nay‐esop shi ba‐ẃek. Naytompong nga ẃaray biin i‐Samaria ja dimaw alin en man‐esol nodtan. Jet si Jesus, inkowan to so nonta bii ey, “I‐aknimak ka di ni shanom ma inomen ko.”

2 I-Korinto 8:9

Eg mesepol la piditen takejo ta amtayo met sota maypangkep ni kaasi nen Jesucristo ja Apo tayo. Si‐kato, baknang nontan da shi dangit, nem inbaba toy bakdang to ja nanbalin ni ebiteg kabol ni pansigshan jo. Jet niman ma, si‐kayoy may‐eshig ey baknang.

Hodiyos 2:17

Si‐katoy para tolong nonta ira a‐aki ton annak nen Apo Shiyos; isonga si Apo Shiyos, ninemnem ton mesepol la i‐inges to son si‐kara, jet mismon ininges toy katoora, say mebedin na kaasi‐an to ira, ta pineshas to ngoy digat. Arig nen Jesus sota kangeto‐an na pari ni pamati ni Hodiyos ja emansilbi son Apo Shiyos ni koskosto, tep si‐katoy engikesho ni basol ni totoo, say eg ma ibilang nen Apo Shiyos sotan na basol.

Hodiyos 4:15

Jet sotan na kangeto‐an na pari tayo, amta toy kasesaad tayo, ja ekapoy kito, ta angken si‐kato, ẃaray pinsak ja nanbalinan ton too. Amta ton mengisekit son si‐katejo, tep angken si‐kato, pinedpeshas nen Satanas ja panbesol ja inges toy kepespesing nen Satanas ja memeshas son si‐katejo niman.