San Juan 4:42 - Dibshon Mengi-kan Ni Pansigshan

⁴² Sota ira totoo, kowan sha so nonta bii ey, “Nonta pilmiro, emati kami son Jesus kabol nonta inkowan mo, nem niman, mas pay ya emati kami ma son si‐kato, ta mismon intenengan miy inkowan to, jet amta mi ma i maypangkep son si‐kato, ey si‐kato sota mengisedakan ni tood ja dobong.”

San Juan 4:42 Iomraidhean Croise

San Mateo 1:21

Say i‐anak to ali, daki et say ingaran mo son si‐kato, Jesus (ja say olog to, mengisedakan), ta si‐kato diy mengisedakan ira nonta too to say eg ira meshosa pangkep ni basol sha.”

San Lucas 2:32

Si‐katoy may‐eshig ga silew ja ondawag ni toon eg maka‐amta son si‐kam Apo Shiyos, tan si‐katoy mengi‐kan ni kayshedjawan ni toom ja Israel.” Sajay i iyaman nen Simeon.

San Juan 1:29

Idi nonta eẃa‐ẃa, si Juan, inon‐an tos Jesus ja emandaw son si‐kato, jet kowan to ey, “Sajay sota mengikesho ni basol ni totood dobong ni ketey to di. Si‐katoy may‐eshig ey singa kalniron in‐akan nen Apo Shiyos ja maydeton.

San Juan 11:17

Idi mimotok ma si Jesus shi Bitania, epat ta akew malen naydiyang si Lazaro.

San Juan 17:8

Ta inkowan ko son si‐kara sota inkowan mo son si‐kak jet ineẃat sha, jet amtara ma ey podno ja si‐kam i edapo‐an ko, tan si‐kam i engibetkag ali son si‐kak shiya dobong.

San Juan 4:29

ja kowan to ey, “Kalejo, jo asas kari sota tood man. Sajay ya too, amta ton emin sota dingdingkak nontan da, jet inkowan to son si‐kak. Sigosho, sajay sota kowan sha ey ibetkag ali nen Apo Shiyos ja mengisedakan.”

San Juan 4:41

Jet sota inpan‐iyan tod man, mas eshakel pay i emati son si‐kato, ta intenengan shen mismo i toro to.

Inpaspasing 13:23

Jet sajay ya si David, si‐katoy makapoli nonta mengisedakan ja inkari nen Apo Shiyos son si‐katejon Hodiyos, jet si Jesus sotan.

Inpaspasing 4:12

Enshiy eshom ma tood ja dobong nga inbetkag ali nen Apo Shiyos ja mengisedakan, nem eg si Jesus bengat.” Kowan nen Pedro.

Inpaspasing 5:31

Si Apo Shiyos, inpanbiyag tos Jesus, jet niman, inpansaad to; isonga ẃara shi apit ni kanawan nen Apo Shiyos, ja si‐katoy Pangolo tan Mengisedakan. Jet in‐aknan toy tood Israel ni ẃaya sha ja manbebawi, say omasen nen Apo Shiyos i basol sha.

2 I-Korinto 5:19

Say olog nonta inkowan ko la, nonta etey si Cristo, si Apo Shiyos, toka pandag‐a i pesing ton mengi‐sop met laeng so ni emin na totoo son si‐kato, say eg to ma ibilang sota ngaaw den aramid sha. Jet sajay i inpiyal ton itoro mi.

1 Timoteo 4:10

Sajay i kabol la tayoka ikalkalikatin mengitosho ni eshiyosan na nemnem, ta si Apo Shiyos i tayoka panshindi ja sibibiyag. Si‐katoy mengisedakan ni emin na too, agdalo sota ira emati son Jesucristo.

1 San Juan 2:2

Si‐katoy engikesho ni basol tayon emati son si‐kato ni inkatey to shi koros jet aliẃen si‐katejo bengat, no diket angken sota basol ni emin na totood ja dobong.

1 San Juan 4:14

Isonga amta tayo ey sota Anak nen Apo Shiyos ja inbetkag to di, si‐katoy mengisedakan ni emin na tood ja dobong. Inon‐an min mismo jet si‐katoy mika ikokowan so ni totoo.

1 San Juan 5:20

Jet amta tayo pay ey sota Anak nen Apo Shiyos, dimaw ali shiya dobong jet engi‐kan son si‐katejo ni koston pannemnem say eẃatan tayo i maypangkep son Apo Shiyos, ey si‐kato i podno. Jet say kawad‐an tayo ma niman, sota podnon Shiyos, tan si Jesucristo ja Anak to. Sajay i podnon Shiyos, ja emengi‐kan ni biyag ja enshiy to engintegan.