San Juan 4:41 - Dibshon Mengi-kan Ni Pansigshan

⁴¹ Jet sota inpan‐iyan tod man, mas eshakel pay i emati son si‐kato, ta intenengan shen mismo i toro to.

San Juan 4:41 Iomraidhean Croise

San Lucas 4:32

Emesshaaw sota totood man ni toka pengitosho tep agpayson ẃaray pateg ni toka ikowan.

San Juan 4:40

Jet nontan ma, sota ira i‐Samaria, pinidit sha ey meki‐iyan nin si Jesus son si‐kara. Jet si Jesus, eki‐iyan shiman son si‐kara ni showen akew.

San Juan 4:42

Sota ira totoo, kowan sha so nonta bii ey, “Nonta pilmiro, emati kami son Jesus kabol nonta inkowan mo, nem niman, mas pay ya emati kami ma son si‐kato, ta mismon intenengan miy inkowan to, jet amta mi ma i maypangkep son si‐kato, ey si‐kato sota mengisedakan ni tood ja dobong.”

San Juan 6:63

Say emengi‐kan ni biyag ni bakdang, sota jasjas to. No eg onjasjas, enshiy silbi ni bakdang. Sajay i kay‐eshigan ni inkowan ko, ta emengi‐kan ngo ni biyag.

San Juan 7:46

Sota ira kowadja, simongbat ira ja kowan sha ey, “Angken sipen too, enshiy mi inon‐an ja inges toy kepantosho niyay ya too.”

Inpaspasing 1:8

Nem iyay i ikowan ko son si‐kayo. Sota Ispirito Santo nen Apo Shiyos, man‐iyan so ni sakey tan sakey son si‐kayo say ẃaray panakabalin jon mengikowan ni maypangkep son si‐kak shi totoo, manshoki shi Jerusalem, Jodia, Samaria, tan shi emin na sakop niya dobong.”

Inpaspasing 15:3

Sajay iren inbetkag sha, nanshalan ira shi Ponisia, tan shima Samaria, jet inistoriyara so ni totood man i inpamati ira nonta toon aliẃen Hodiyos son Cristo. Idi intenengan sha iyay, ebadeg i imdeng ira nonta a‐aki shi pamati ja ẃara nodtan na dogad.

Inpaspasing 8:12

Nem idi emati ira sota i‐Samaria nonta toro nen Felipe maypangkep ni pantoshayan nen Apo Shiyos, tan maypangkep son Jesucristo, nanpabonjag ira sota daleki tan sota ira bibii.

Inpaspasing 8:25

Jet idi naksheng nga inkowan shay maypangkep so nen Jesucristo shiyay ya dogad, nay‐oli mowan shi Pedro nen Juan shi Jerusalem. Jet sota mapteng nga shamag maypangkep so nen Jesucristo, intoro sha ngo shi emin na nanshandan shen dogad shi Samaria.

Hodiyos 4:13

Isonga angken nganton palsowa, eg mebedin na i‐emotan to si Apo Shiyos. Singa dabos ira, ta toka asa i emin, angken nganto ja shaka dagdag‐a, jet no ngantoy dingkara, si‐katoy songbatan sha di son si‐kato.