San Juan 4:38 - Dibshon Mengi-kan Ni Pansigshan

³⁸ Isonga si‐kayo, si‐kayoy ibetkag ko, ja singa en mengepit nonta dames ni in‐esek ni eshom, angken na aliẃen si‐kayoy nandigat.” Sajay i kowan nen Jesus so nonta ira too to.

San Juan 4:38 Iomraidhean Croise

San Mateo 4:23

Si Jesus, pinasiyal ton emin i sakop ni Galilia, jet nantoro pay shima sa‐nopan ira nonta Hodiyos nodta dinadaẃan to. Inpaleẃag tod man sota mapteng nga shamag maypangkep ni pantoshayan nen Apo Shiyos. Jet angken sota ira toon ekalkalasiy sakit sha, inpamapteng to ira.

San Juan 1:7

Sajay ya too, si‐katoy inbetkag nen Apo Shiyos ja en mengikowan so ni totoo maypangkep nonta ondaw alin toon may‐eshig ey emansidew shi embolinget ja ondawag ni nemnem ni totoo, say emin na mengitneng ni kowan nen Juan, memati ira nonta toon ondaw ali.

San Juan 17:18

Si‐kam i engibetkag son si‐kak shiya dobong, jet inges to ngon ibetkag ko ira shiya emin na sakop niya dobong.

San Juan 4:37

Agpayso sota kowan ira nonta too nonta bayag da ey, ‘Apil i man‐a‐sek, jet apil ngoy mengepit nonta dames ni nay‐esek.’

San Juan 4:39

Jet sota ira tood Samaria, ja i‐Sikar, eshakel iray emati son Jesus, pangkep nonta inkowan nonta bii ey, “Emin sota dingdingkak nontan da, amta nontan na too, jet inkowan to son si‐kak.”

Inpaspasing 2:41

Jet sota emati ni inkowan nen Pedro, binonjagan sha ira, jet say kabebilang sha ja nay‐eshom so nonta sigod ja emati son Jesus nontan na akew, tedon dibo.

Inpaspasing 4:32

Jet emin ira sota emati, nansaksakey i pangkep sha tan nemnem sha, ja ayshiy kowan ni sakey tan sakey son si‐kara ey sota kokowa to, mos‐an to, no diket kokowaren emin.

Inpaspasing 4:4

Nem eshakel mala iray toon emati nonta inteneng sha sota inkowan nen Pedro nen Juan pangkep so nen Jesus, jet say kabebilang ira nonta ematin daleki, dimen dibo.

Inpaspasing 5:14

Nem asdeg to ngoy daleki tan bibii ja nay‐eshom so nonta ira sigod ja emati, jet mas shimakel ira.

Inpaspasing 6:7

Jet nontan ma, emankaiweshis sota esel nen Apo Shiyos maypangkep son Jesus shi eshom ngon dogad, jet angken shi Jerusalem met laeng, ẃara ni olay i emankai‐shom ja emati so nonta ira sigod ja emati. Tan ẃara pay i eshakel la papashi ni Hodiyos ja emati.

2 I-Korinto 10:15

Aliẃen kowan mi ey obda mi sota inobda ni eshom, ta enshiy mi kaybiyangan nodtan. Nem shita Korinto, say namnama mi, no onkedsang koma i pamatiyo, mebedin na si‐kami mowan may nemnemnemen jo.