San Juan 4:18 - Dibshon Mengi-kan Ni Pansigshan

¹⁸ ta dimen daki i engaseẃa son si‐kam, jet sota dakin kadẃam niman, aliẃen si‐katoy aseẃam; isonga naka pati‐a ita kowan mo ey enshiy aseẃam.”

San Juan 4:18 Iomraidhean Croise

San Marcos 10:12

Tan kasta met sota bii: no isi‐jan to sota aseẃa to ngon daki, ey mengesawa mowan ni apil la daki, nanbasol met laeng ja inges to sota ekileki.”

San Juan 4:16

Jet si Jesus kowan to son si‐kato ey, “Daw ka, mo di olop si aseẃam.”

San Juan 4:17

Sota bii, simongbat ja kowan to ey, “Enshiy aseẃak.” Jet si Jesus, kowan to ey, “Kostoy insongbat mo, ja kowan mo ey enshiy aseẃam,

San Juan 4:19

Jet sota bii, kowan to ey, “Apo, naka eẃati ma ey si‐kam, para padto ka gayam nen Apo Shiyos.

I-Roma 7:3

Nem no sotan na bii ket ẃaray apil la daki to, angken na ẃara sota sigod ja aseẃa to shi biyag, ikowan sha ey ekileki sotan na bii. Nem no etey sota aseẃa ton daki, asan maki‐sawa mowan, eg sha ikowan ey daki to bengat sotan na maykadẃen aseẃa to.

Hodiyos 13:4

Sota maypangkep ni pengesawa, mesepol la ipateg jo. Isonga sota san‐aseẃa, mesepol la manpinateg ja enshi komay eshom ma sha peki‐esholan. Ta sota mekileki ono memii, agdalo no ẃaray aseẃa to, shosa‐en nen Apo Shiyos.