San Juan 3:4 - Dibshon Mengi-kan Ni Pansigshan

⁴ Jet si Nikodimo, simongbat ja kowan to ey, “Toway pesing ni toon may‐enak mowan ey bima‐deg ma? Apay mebedin aya, ja on‐oli mowan shi anakan nen ineto jet asan may‐anak mowan?”

San Juan 3:4 Iomraidhean Croise

San Juan 3:3

Jet si Jesus, simongbat ja kowan to ey, “Kinapodpodno iya ikowan ko son si‐kam. Angken sipa, eg mebedin na asen toy pantoshayan nen Apo Shiyos, no eg may‐enak mowan.”

San Juan 3:5

Si Jesus simongbat, ja kowan to ey, “Kinapodpodno iya ikowan ko son si‐kam. Angken sipa, eg mebedin na mayda‐kam shi pantoshayan nen Apo Shiyos, no eg may‐enak mowan, ta say kedepo‐i niya biyag, shanom tan Ispirito Santo nen Apo Shiyos.

San Juan 6:53

Isonga si Jesus, kowan to son si‐kara ey, “Kinapodpodno iya ikowan ko son si‐kayo. No eg jo kenen iya bakdang ko, tan eg jo inomen sota shalak, enshi son si‐kayo i biyag.

San Juan 6:60

Jet eshakel so nonta ira too nen Jesus i eg makakosto niyay. Idi itenengan sha iyay ya toro to, kowan sha ey, “Polibas ira jay ya toro to. Enshi emoy makabaal la on‐awat so!”

1 I-Korinto 1:18

Amtak ey sota toro maypangkep ni inkatey nen Cristo shi koros, endedamsis ira nonta toon shanshanin shosa‐en nen Apo Shiyos; nem say amta tayon emati ja shanshanin isalakan to, sota toro ja maypangkep ni inkatey nen Cristo, si‐katoy kawad‐an ni panakabalin nen Apo Shiyos.

1 I-Korinto 2:14

Nem sota toon eg emati, enshi son si‐kara sota Ispirito Santo, isonga eg sha eẃatan sota kaitoro ni Ispirito Santo nen Apo Shiyos, ta kowan sha ey enshiy silbi to kono son si‐kara. Eg mebedin na eẃatan sha tep no enshiy Ispirito Santo so ni too, eg ma‐eẃatan tep sota Ispirito Santoy mengi‐odog so.