San Juan 3:3 - Dibshon Mengi-kan Ni Pansigshan

³ Jet si Jesus, simongbat ja kowan to ey, “Kinapodpodno iya ikowan ko son si‐kam. Angken sipa, eg mebedin na asen toy pantoshayan nen Apo Shiyos, no eg may‐enak mowan.”

San Juan 3:3 Iomraidhean Croise

San Mateo 16:17

Jet si Jesus, kowan to so nen Pedro ey, “Si‐kam Simon ja anak nen Jonas, si Apo Shiyos i onbindisiyon son si‐kam tep si‐kato, ja Amak shi dangit, si‐kato i engipa‐amta niyay son si‐kam ja inkowan mo, aliẃen kait mon too i engikowan.

San Mateo 19:24

Sota animal ja kowan sha ey camel, no kas‐anoy kalikat to ja on‐osok shi ebot ni shakom, mas edigdigat pay ya onsekep i bebaknang shi pantoshayan nen Apo Shiyos!”

San Mateo 21:31

Jet sipa so nonta ira showa i dimaga so nonta piyan nen amesha?” Simongbat ira ey, “Sota pangodowan.” Jet si Jesus, kowan to son si‐kara ey, “Ikowan ko son si‐kayo i podno. Sota ira para singil ni bowis ja makedsel, tan sota ira bibiin maleki, si‐karay epangdo et ngo mowan ja mayda‐kam shi pantoshayan nen Apo Shiyos nem say si‐kayo.

San Mateo 5:18

Ikowan ko et i podno son si‐kayo. No ẃara pay laeng iya dangit tan dobong, eg mepokaw i angken sakey ya ko‐nit shima dinteg ja in‐awat nen Moises ingkatod metongpal la emin.

San Marcos 10:14

Nem idi inon‐an nen Jesus iyay, ngaaw i dekna to, jet inkowan to son si‐kara ey, “Baybay‐iyo ira di sota a‐anak ja ondaw ali son si‐kak; eg jo iparit. Tep inges iren jay ya a‐anak bengat ja ekombaba i mayda‐kam shi pantoshayan nen Apo Shiyos.

San Marcos 9:47

Kasta met sota sakey ya matam: no si‐katoy mengi‐kan ni panbesolan mo, okit mo et ibong mo. Ta no pa‐onong mo, si‐katoy kayteknalan mod impiyarno. Mapmapteng sota ka‐enshi ni sakey ya matam, no si‐katoy kayda‐kaman mod pantoshayan nen Apo Shiyos.

San Juan 1:13

Say itsora ni kaybidangan ni totoo ey annak nen Apo Shiyos ket kabol nonta panakabalin nen Apo Shiyos; aliẃen inges toy itsora ni kay‐enak ni too so ni maka‐anak so, tep say too, ẃaray nemnem sha ey man‐enak koma ira, tan sakey pay, shaka i‐onod i dekna ni bakdang sha; isonga sotan i kabol la kay‐enaki ni too.

San Juan 1:5

Emansidew sotan shi embolinget, jet sota embolinget, eg to mebedin na ebaken sota silew.

San Juan 1:51

Kinapodpodno to iya ikowan ko son si‐kam. Asen jo i dangit ja medo‐katan, jet asen jon ẃaray anghil nen Apo Shiyos ja ondespag ali son si‐kak jet on‐oli mowan shi dangit, ta si‐kak sota kowan sha ey Anak ni Too.”

San Juan 3:4

Jet si Nikodimo, simongbat ja kowan to ey, “Toway pesing ni toon may‐enak mowan ey bima‐deg ma? Apay mebedin aya, ja on‐oli mowan shi anakan nen ineto jet asan may‐anak mowan?”

2 I-Korinto 4:4

Sota kepatpati‐a ira niya eg emati son Cristo ja si Satanas, si‐katoy singa simekdin so ni nemnem sha say eg sha eẃatan sota mapteng nga shamag pangkep son Cristo, say eg medeẃagan i nemnem sha. Si Cristo, ja engipa‐sas ali ni itsora nen Apo Shiyos,

2 I-Korinto 5:17

Jet angken sipen too ja memati so nen Cristo, mebediwan i ẃared nemnem to; singa badon palsowa ma. Sota sigod ja ogadin ngaaw, enshi mala, jet sota bado, si‐katoy naysa‐dat ma.

I-Galasia 6:15

Ta no ẃara kito son Cristo, say epateg bengat ja nemnemen, sota binado‐an nen Apo Shiyos ja biyag tayo, aliẃen sota pengonod ni ogadi ni Hodiyos ono sota eg pengonod i epateg.

I-Ipiso 2:1

Nonta eg kayo pay laeng emati, may‐eshig ey singa etey kayo kabol ni basol jo. Nem niman, si Apo Shiyos, inpanbiyag shakejo.

Tito 3:5

ni insalakan tokito so. Jet sajay ya dingka to son si‐katejo, aliẃen sobadit ni kompormin mapteng ja dingdingka tayo, no diket dingka to iyay ta ebadeg i kaasi to son si‐katejo. Inomas toy basol tayo, tan inpan‐iyan to pay sota Ispirito Santo to son si‐katejo; isonga ẃara ma son si‐katejo i badon biyag, ja singa ikay‐anak kito.

Santiago 3:17

Nem no si Apo Shiyos i edapo‐an ni daing ni too, poro mapteng i ogadira. Si‐kara, eg sha ibalnay i kait shen mekibekal, jet amtaren mengibeba ni bakdang sha. Eg sha ipilit i kostora, amtaren mengaasi, jet ẃaray mapteng nga panbenagan ni aramid sha. Enshiy showashowa sha maypangkep ni pamatira son Apo Shiyos, jet shi poso sha, ẃaray nemnem shen ontolong.

1 San Pedro 1:3

Man‐iyaman kito ni olay so nen Apo Shiyos ja Ama nen Jesucristo ja Apo tayo, ta ebadeg ga pasiyay kaasi to son si‐katejo. Isonga in‐aknan shakito ni biyag ja bado kabol ni inpamati tayo son Cristo. Jet niman ma, ebadeg i namnama tayo ey man‐ongal kito ali tep si Jesucristo, si‐katoy epangdon nan‐ongal nontan da.

1 San Juan 2:29

Amtayo met ey si Apo Shiyos, poro mapteng i toka dagdag‐a. Isonga niman, say koskoston pengimatonan jo nonta ira annak nen Apo Shiyos, si‐kara sota kaon‐onod ni mapteng ja kowan nen Apo Shiyos.

1 San Juan 3:9

No sipay toon si Apo Shiyos i Ameto, eg ma mandeka ni ngaaw, ta nan‐inges i ogadiren san‐ama, jet eg ma mebedin na itoloy ton manbesol ni olay, tep anak ma nen Apo Shiyos.

1 San Juan 5:1

Sota ira ememati ey si Jesus, si‐kato sota inbetkag ali nen Apo Shiyos shiya dobong, si‐karay podnon annak nen Apo Shiyos, jet sota ira ẃaray semek to son Apo Shiyos ja Maka‐anak son si‐kara, ẃara ngoy semek sha so nonta kait shen annak to.

1 San Juan 5:18

Amta tayo ey si‐katejon annak nen Apo Shiyos, inbi‐jag tayon manbesol ma, ta si Jesucristo ja Anak nen Apo Shiyos, si‐katoy emengitoshong son si‐katejo shi mapteng. Jet si Satanas, enshiy pesing ton onsharal son si‐katejo.

1 San Juan 5:4

ta si‐katejon annak nen Apo Shiyos, si Apo Shiyos i ontolong son si‐katejo tep ẃaray pamati tayo son Cristo. Isonga eg kito ontolok ja ma‐ebak ja mandeka ni ngaaw ja inges toy kedagdag‐a ni karakdan na tood ja dobong.

Inpa-Amta Nen Jesucristo 3:14

“Iyay ngoy isolat mo so nonta pangolo ni emesa‐sa‐nop pa emati shi Laodisia: ‘Iyay i kowan nen Apo ja podnon emin i ẃara son si‐kato. Podnon emin i toka ikowan, isonga emepiyal.