San Juan 3:27 - Dibshon Mengi-kan Ni Pansigshan

²⁷ Simongbat si Juan ja kowan to ey, “No si‐kak, ekak ma‐epal nonta eshakel la emandaw son si‐kato, ta emin na too, say kedepo‐i ni saad sha, si Apo Shiyos.

San Juan 3:27 Iomraidhean Croise

San Mateo 21:25

Jet sipa ngarod i engibetkag so nen Juan ja en memonjag nontan — nemnem to ngo shorog ono si Apo Shiyos?” Nem sota ira apo ni papashi tan sota eshom ma pangolo ni Hodiyos, nantatabtabal ira ja kowan sha ey, “No ikowan tayo ey si Apo Shiyos, mesampolo kito tep ikowan to ey, ‘No kasta, apay nga eg jo ngarod pinati si Juan?’

San Mateo 25:15

Sota sakey, in‐aknan to ni dimen dibo, jet sota maykadẃa, in‐aknan to ni showen dibo, jet sota maykatdo, in‐aknan to ngo ni sandibo, ta say in‐akan to son si‐kara, sota mebedin na kabaalan shen ibiyaki, asan ka‐edaw shi daẃan to.

San Marcos 13:34

May‐eshig i kasesaad jo nodta baga‐en nonta baknang. Sota baknang, ẃaray daẃan ton nay‐araẃin ili, isonga indekjas to sota baley to et sota ira baga‐en toy maka‐amta so. In‐epeng toy obda son si‐karen emin et inbilin to ey sota para dekeb ni baley, singpeten ton manbantay ni baley.

San Juan 10:41

Jet nonta ẃares Jesus shiman, eshakel iray totoon dimaw son si‐kato jet say kowan sha ni tabtabal sha, kowan sha ey, “Si Juan, enshiy to dingken milagro ja inges to jay, nem emin sota inkowan to ni maypangkep niyay ya too, nay‐agpayso.”

San Juan 6:65

Tan say kowan to pay, “Isonga inkowan ko son si‐kayo ey, angken sipa, enshiy en ondaw ali son si‐kak ja memati, no si Apo Shiyos ja Amak ket eg to pannemnem ira ja ondaw ali son si‐kak.”

I-Roma 1:5

Si Cristo i kabol la engaasi‐an towak so nen Apo Shiyos; isonga shinotokan towak ja en mengikowan ni maypangkep son si‐kato so nonta ira totoon eg maka‐amta, say si‐katoy pati‐en sha, tan say si‐katoy mayshedjaw shi emin na ili.

I-Roma 12:6

Isonga say in‐akan nen Apo Shiyos so ni sakey tan sakey son si‐katejo ja itolong shi eshom ma emati, ekalkalasi; jet mesepol la osalen tayon emin. No say in‐akan nen Apo Shiyos ket sota baal mon mengipa‐amta nonta inpa‐amta nen Apo Shiyos son si‐kam, sotan i dag‐en mo, ja may‐enam nodta pamati tayo.

1 I-Korinto 1:1

Si‐kak si Pablo ja makasolat niyay, jet si Sostinis ja agi tayod pamati, si‐katoy kadẃak. Sajay ya solat ko, para son si‐kayon kait ko ja too nen Apo Shiyos ja ẃared ta siyodad ni Korinto. Si Apo Shiyos i joka topogen panshedjawan niman na inpamatiyo son Cristo Jesus. Pinidi shakejo nen Apo Shiyos ja manbedin ni too to; isonga naykait kayo so nonta ira emin na emati so nen Apo Jesucristo shi kompormin dogad, tep si Jesucristo, si‐katoy Apo tayon emin ja emati. Itnengi jo iyay ya ikowan ko tep si‐kak i sakey ya apostol nen Cristo Jesus, jet si Apo Shiyos i mismon enotok son si‐kak. Say shawat ko son Apo Shiyos, sapay koma ta kaasi‐an tokejo, tan a‐shoman to sota talna ja ẃara son si‐kayo ja edapo met laeng son si‐kato ja Ametayo, tan si Apo Jesucristo.

1 I-Korinto 12:11

Emin iyay ya pesing, sakey i edapo‐an to: sota Ispirito Santo nen Apo Shiyos bengat. Jet toka i‐akan iyay ja iẃaris so ni sakey tan sakey ya piyan ton pengi‐kanan.

1 I-Korinto 15:10

Nem ebadeg i kaasi nen Apo Shiyos son si‐kak, isonga sajay i nanbalinan ko, jet sotan na kaasi to son si‐kak, ẃaray nanbanagan to. No i‐inges koy obdak so ira ni kait kon apostol, asdeg to met i dingkak. Nem aliẃen si‐kak ka mismo i maka‐obda nontan, no diket si Apo Shiyos ja engaasi son si‐kak ni olay.

1 I-Korinto 3:5

Nemnem jo kari iyay. Apay sipa kami nen Apolos? Si‐kamin showa, kamika bengat emansilbi so nen Apo Jesucristo. Agpayson si‐kamiy kabol la emati‐an jo, nem say mika pandag‐a bengat, sota obda ja kowan nen Apo Jesucristo ey dag‐en mi.

1 I-Korinto 4:7

Nem edastog kayo et ngo mowan, jet ngantoy kabol? Ngarantoy nandasinan jod eshom? Emin na ẃara son si‐kayo, edapo son Apo Shiyos, jet eg jo koma idastog — ta apay si‐kam ma mismo i edapo‐an to?

I-Galasia 1:1

Si‐kak si Pablo ja makasolat niyay, jet sajay ya solat ko, para son si‐kayon kait ko ja emati son Cristo ja emesa‐sa‐nop shita ka‐ili‐ili ni probinsiya ni Galasia. Itnengi jo iya ikowan ko ta apostol towak nen Cristo et aliẃen too iray enotok son si‐kak ja manbedin ni apostol, ono engisekot son si‐kak, no diket saja inpan‐apostol ko, mismon edapo son Jesucristo, tan si Apo Shiyos ja Ama, ja inpan‐ongal son Jesus. Sota ira a‐aki tayod pamati ja kait kod jay, inkowan sha ey pekikowan koy semek sha son si‐kayo.

I-Ipiso 1:1

Si‐kak si Pablo ja makasolat niyay et sajay ya solat ko, para son si‐kayon kait kon too nen Apo Shiyos ja ẃared siyodad ni Ipiso, ja makedsang i pamati to so nen Cristo Jesus. Jet say shawat ko son Apo Shiyos, sapay koma ta kaasi‐an tokejo, tan a‐shoman to sota talna ja ẃara son si‐kayo ja edapo met laeng son si‐kato ja Ametayo, tan si Apo Jesucristo. Itnengi jo iyay ya ikowan ko tep si‐kak i sakey ya apostol nen Cristo Jesus, jet si Apo Shiyos i mismon enotok son si‐kak.

1 Timoteo 2:7

Jet sajay i kabol la shinotokan towak son manbedin ni apostol ja mengitosho tan mengikowan ni podnon pamati so nonta ira toon aliẃen Hodiyos. Jet sajay ya inkowan ko, agpayso; aliẃen naka man‐o‐owap.

Santiago 1:17

Ta emin na kompormin mapteng nga banag ja kaonsabi son si‐katejo, si Apo Shiyos i toka kedepo‐i. Si‐katoy Ametayo ja emalsowa so ni emin na kaonniyal alid naykayang. Mapteng ni olay i aramid nen Apo Shiyos; eg manbinaliw i itsora to.