San Juan 3:19 - Dibshon Mengi-kan Ni Pansigshan

¹⁹ Jet say kabol la keshosa‐an sha, sota eg sha kosto‐an so nonta inbetkag ali nen Apo Shiyos ja ondawag so ni nemnem sha. Say piniyan ni too et ngo mowan, sota pandegdeka ni ngaaw, ja angken eg medeẃagan i nemnem sha.

San Juan 3:19 Iomraidhean Croise

San Lucas 12:47

“Sota baga‐en ja amta toy piyan nonta apo ton dag‐en to, nem eg to pati‐en, embel‐at i shosa to.

San Lucas 16:14

Sota Parisiyo, epateg i pilak son si‐kara; isonga idi intenengan sha iyay ya inkowan nen Jesus, inbi‐ẃisan sha.

San Juan 1:4

Si‐katoy engi‐kan ni biyag jet sota biyag ja in‐akan to, si‐katoy dimawag so ni nemnem ni totoo.

San Juan 1:5

Emansidew sotan shi embolinget, jet sota embolinget, eg to mebedin na ebaken sota silew.

San Juan 12:31

Niman ma i panshoki ni keshosa ni tood ja dobong, tan niman i keshagshag nonta emengitoshay niya dobong ja si Satanas.

San Juan 12:43

Eg sha ipa‐sas ey ireka memati tep say pipiyan sha, sota kosto‐an so ni too son si‐kara, ey aliẃa et ta sota kosto‐an so nen Apo Shiyos son si‐kara.

San Juan 12:46

Dimawak alid jay ya may‐eshig ey silew ni tood ja dobong, say medeẃagan i nemnem sha. Jet sota ira memati son si‐kak, may‐eshig ey enshi ma ira shi embolinget.

San Juan 5:44

Isonga eg kayo emati son si‐kak, ta say pipiyan jo, sota shayaw ni kait jon too, ey aliẃa et ta sota kosto‐an shakejo so nen Apo Shiyos, ja istay topogen jo komen panshedjawan.

San Juan 7:17

Jet sota toon piyan ton onoren i kowan nen Apo Shiyos, idasin to no sipay edapo‐an niyay ya naka pan‐ikowan — no nemnem ko, ono si Apo Shiyos i edapo‐an to.

San Juan 7:7

Si‐kayo, aliẃen kontra shakejo niya tood ja dobong, nem si‐kak, kontra sha‐ak, tep naka pan‐ikowan son si‐kara sota ngaaw wa aramid sha.

San Juan 8:12

Si Jesus, intoloy ton nantoro so nonta ira totoo ja kowan to ey, “Si‐kak i silew wa ondawag so ni nemnem ni tood ja dobong. Sota memati ja on‐onod son si‐kak, may‐eshig ey enshi ired embolinget, ta edawagan may nemnem sha; isonga ẃaray biyag son si‐kara.”

San Juan 9:5

Niman ta ẃara‐ak pay laeng shiya dobong, si‐kak i may‐eshig ey silew wa ondawag so ni nemnem ni tood ja dobong.”

I-Roma 1:32

Angken amtaren pasiya ey inkowan nen Apo Shiyos ey sota mandeka niyay ya ngaaw wa aramid ket anam shen meshosa ingkatod ingka, si‐kato pay laeng i shaka dagdag‐a, jet shaka pay ikowan ey “siya kosto”, no onoran ni eshom.

I-Roma 2:8

Nem sota ira eg makakosto son Apo Shiyos, ja eg memati nonta kowan to, ja say pipiyan sha et ngo mowan ket sota ngaaw wa aramid, shosa‐en ali nen Apo Shiyos iren pasiya.

2 I-Tisalonika 2:12

Jet emin sota eg memati ni maypangkep nonta kinapodno, ja say pipiyan sha et ngo mowan, sota aramid ja ngaaw, kenshat ta meshosa ira.

1 San Pedro 2:8

Jet ẃara pay i naypadto nonta bayag da ja esel nen Apo Shiyos met laeng ja kowan to ey, “Sajay sota baton inba‐ngat ira nonta tooy katin jet naysokbab ira et eto‐dang ira.” Sotan i kowan nonta padton mepesamak son si‐kara ta oltimon eg ira memati nonta esel nen Apo Shiyos. Nem sigod ja amta nen Apo Shiyos ey sotan i medeka son si‐kara.

2 San Pedro 3:3

Say epateg ga nemnemnemen jo koma, sota maypangkep ni ka‐onoran alin timpo. Ta no sajay alin timpo, kenshat ta ẃara aliy onbo‐day ya totoon dedamsis bengat i amtara, ta sota pipiyan sha bengat i shaka kosto‐i ja dag‐en.