San Juan 21:6 - Dibshon Mengi-kan Ni Pansigshan

⁶ Jet kowan to ma son si‐kara ey, “I‐kas jo ita balshew shita apit ni kanawan nita bangka, say ẃaray kekna‐en jo.” In‐ekas sha nga agpayso nodta kanawan ni bangka, jet idi natnaten sha ma sota balshew, eg ira makakoyod, ta eshakel i enakna.

San Juan 21:6 Iomraidhean Croise

San Mateo 7:27

Jet idi imoran ali, et nandayos, shinepos to sotan na baley. Eshagem pay sotan na baley jet kolpin etowang.” Emin iyay, sajay i intoro nen Jesus so nonta ira too to nonta ẃara ired shontog.

San Juan 2:5

Jet si Maria ja ina nen Jesus, inkowan to so nonta ira emankemakam nodta kasal ey, “No ngantoy ikowan nen Jesus, patiyo.”

Inpaspasing 2:41

Jet sota emati ni inkowan nen Pedro, binonjagan sha ira, jet say kabebilang sha ja nay‐eshom so nonta sigod ja emati son Jesus nontan na akew, tedon dibo.

Inpaspasing 4:4

Nem eshakel mala iray toon emati nonta inteneng sha sota inkowan nen Pedro nen Juan pangkep so nen Jesus, jet say kabebilang ira nonta ematin daleki, dimen dibo.