San Juan 21:5 - Dibshon Mengi-kan Ni Pansigshan

⁵ Jet kowan to son si‐kara ey, “Towa? Waray kinnayo?” Simongbat ira ja kowan sha ey, “Enshi.”

San Juan 21:5 Iomraidhean Croise

San Mateo 14:15

Nonta enasẃil malay akew, sota ira too nen Jesus, dimaw ira di son si‐kato jet kowan sha ey, “Apo, araẃi met iyay ya dogad shi kabalebaley, isonga pansisi‐jan mo ira jay ya totoo say ira di koma mengenap ni tongkalen shen kenen sha shima kad‐an ni totoo. Edabi met mala.”

San Marcos 8:7

Jet ẃara pay i piskaw, nem aliẃen eshakel. Nan‐iyaman mowan si Jesus son Apo Shiyos, jet inkowan to so ira nonta too to ey iẃaris sha ngo sota piskaw so ira nonta eshakel la totoo.

I-Pilipos 4:19

Si Apo Shiyos, ja naka panshedjawi, si‐katoy mengi‐kan ngo ni emin na mesepol jo, ta ẃara kayo son Cristo. Jet eg nagshengan sota kabedinan ton mengi‐kan ni kompormi so ni too to.

Hodiyos 13:5

Aliẃen sota pilak koma i mengebak ja jo nemnemnemen; sota ẃara son si‐kayo, si‐katoy enosan jo. Amta nen Apo Shiyos i kasapolan tayo; isonga kowan to ey, “Eg takejo baybay‐an, ono i‐oway.” Kowan to;

1 San Juan 2:13

Mebedin na mansodatak son si‐kayon amma tep amtayos Jesus ja ẃara ngoreshan nonta eg pay laeng epalsowa iya dobong. Mebedin na mansodatak son si‐kayon bedoleki tep inebak jo sota ngaaw i aramid to ja si Satanas.

1 San Juan 2:18

Si‐kayon annak ko, entikey may timpo! Intenengan jo ey ẃara nin ali sota sakey ya sinan Cristo ja kontra to kariy obda nen Cristo, jet niman, eshakel ira ma shiya dobong. Isonga sajay i amta‐an tayo so ey shanshani may tapos ni dobong.