San Juan 21:22 - Dibshon Mengi-kan Ni Pansigshan

²² Jet si Jesus, simongbat ja kowan to son Pedro ey, “Kaspangarigan ey piyan kon si‐katoy manbiyag ingkato alid imotok ko mowan, enshiy mo naybiyangan. Si‐kak i onoren mo.”

San Juan 21:22 Iomraidhean Croise

San Mateo 16:24

Inkowan pay nen Jesus so nonta too to ey, “No sipay makapiyan ja on‐onod son si‐kak ja took ni olay, mesepol la si‐kak bengat i nemnemnemen to ja ibiyang ton emin i kompormi. Tan mesepol la enosan to pay ya angken maybebaing ono mebono ja inges to sota toon emasan ni koros ja kaydansa‐an to.

San Mateo 24:27

Ta say itsora ni idaw ali mowan nonta kowan ni padto ey Anak ni Too, inges toy bagidat ja silẃan to shagos i emin na naykayang.

San Mateo 24:3

Idi pinsak ja ẃares Jesus ja timongaw shima shontog ja kowan sha ey Olibas, jet dimaw ira di sota too to ni abos sha, jet kowan sha son si‐kato ey, “Piyan min amta‐an no pigan ali ita kowan mo. Jet nganto pay i amta‐an mi so nem pigan aliy idaw mo mowan ja mo pengisaad ni pantoshayan mo? Tan nganto pay i amta‐an mi so ey shanshanin mantepos i dobong?”

San Mateo 24:44

Isonga angken si‐kayo, mesepol la mansekana kayo, ta si‐kak ja kowan ni para padto ey Anak ni Too, ondawak alin palibdibag.” Kowan nen Jesus.

San Mateo 25:31

Kowan to pay ey, “Sota timpon idaw mowan ali nonta kowan ni para padto ey Anak ni Too, ondaw ali ja inges tos Apo Shiyos. Emin sota anghil, may‐odop ali son si‐kato, jet isaad toy pantoshay to ja enshiy to kay‐ingesan.

San Mateo 8:22

Nem si Jesus, simongbat ja kowan to ey, “Kala et, olay ngo ira sota toon eg sha amtes Apo Shiyos ja mengisingpet nonta etey. Maybidang ey etey ira, jet anam shen mengibka ni etey ya too.”

San Marcos 9:1

Jet kowan pay nen Jesus ey, “Agpayson ẃaray eshom son si‐kayod jay ja eg metey ingkatod asen sha sota pantoshayan nen Apo Shiyos, jet ebadeg ga pasiya aliy panakabalin nen Apo Shiyos no timpo alin ketongpalan to.”

San Juan 21:19

(Sajay i inkowan nen Jesus, ta piyan ton eẃatan koma nen Pedro i itsora ni ketey to ali, ja si‐katoy kayshedjawan nen Apo Shiyos.) Jet si Jesus, kowan to pay so nen Pedro ey, “Onod mowak.”

1 I-Korinto 11:26

Isonga niman na ka‐enshi nin nen Apo Jesus, ingkatod idaw to mowan ali, no mandilikob kayon emati ja mengan ni tinapay tan menginom shi tasa, joka panpa‐amta shi totoo i inkatey to la.

1 I-Korinto 4:5

Isonga eg tayo iba‐ngat ja ikowan i kamapteng ono kangaaw ni sakey tan sakey son si‐katejo niman na timpo, ta no onmotok alis Apo Jesucristo, emin sota nay‐emot, tan angken pay sota pangkep ni toon toka nemnemnema, ma‐amta‐an. Sotan aliy amta‐an tayo so no siyen pan‐imdengan nen Apo Shiyos sota dingka tayo, ono enshi.

1 I-Tisalonika 2:19

Say naka pemasigi ja ondaw da son si‐kayo, enshiy eshom ma kawad‐an ni namnama mi, ono imdeng mi, ono singa primiyo mi ni idaw ali nen Apo Jesus, no eg si‐kayo bengat.

Santiago 5:7

Si‐kayon a‐akik shi pamati, pan‐anos kayo nin, ingkatod idaw mowan ali nen Apo Jesus. Jet say nemnemnemen jo koma ja i‐arigan jo so ni anos jo, sota toon nanmola: toka enosin mansesked ni i‐oran to, ja onsibog ni moleto, tan toka enosin mansesked mowan ni i‐apit to so. Eg on‐ekdas ni seked to tep amta to ey mapteng i panpa‐no‐an to ali.

Santiago 5:8

Pan‐anos kayo ngo, karekayo medismaya, tep sota akew wa idaw mowan ali nen Apo Jesus, shanshani ma.

Inpa-Amta Nen Jesucristo 1:7

No ka‐onoran alin timpo, ondaw mowan ali ja metaksholan ni kolpot et emin na too, tan angken pay sota toon timebek son si‐kato nontan da, asen sha. Jet emin na tood ja dobong, onnangis ira ni daringit sha. Siya, sajay aliy medeka.

Inpa-Amta Nen Jesucristo 2:25

Nem mesepol la sota mapteng nga amtayo, si‐katoy nemnemnemen jo ni olay ingkatod idaw ko mowan ali.

Inpa-Amta Nen Jesucristo 22:20

Si Apo Jesus ja engipedawag niyay ya emin, pininshowa ton inkowan sota kari to, ja kowan to ey, “Tala‐ak den shagos: sigorado!” Jet say kowan ko ngo, “Siya Apo Jesus, daw ka di!”

Inpa-Amta Nen Jesucristo 22:7

Kowan nen Apo Jesus ey, “Tala‐ak den shagos et sota toon memati niya naypadto ja naysolat shiyay, bindisiyonan nen Apo Shiyos!”

Inpa-Amta Nen Jesucristo 3:11

Magenoy i‐olik ali mowan, isonga sota ẃara son si‐kayo, si‐katoy nemnemnemen jo, say sigoradon eẃaten jo sota konkona jo.