San Juan 21:19 - Dibshon Mengi-kan Ni Pansigshan

¹⁹ (Sajay i inkowan nen Jesus, ta piyan ton eẃatan koma nen Pedro i itsora ni ketey to ali, ja si‐katoy kayshedjawan nen Apo Shiyos.) Jet si Jesus, kowan to pay so nen Pedro ey, “Onod mowak.”

San Juan 21:19 Iomraidhean Croise

San Mateo 10:38

Jet sota toon eg to enosan i kaybebaing to ono kebitay to maypangkep son si‐kak, eg maykeshin took, ta eg to onoran i inges ni pengenos ko.

San Mateo 19:28

Jet si Jesus, kowan to son si‐kara ey, “Podno iya ikowan ko son si‐kayo. No sota badon dobong ali ket sota kowan sha ey Anak ni Too, ipakat toy kina‐Shiyos ton mantoshay, jet si‐kayon took ja nay‐ol‐olop son si‐kak, mekitoshay kayo. Si‐kayoy mengigsheng ni panbenagan ni emin na Hodiyos ja poli nonta sampolo tan showa ja annak nen Israel.

San Mateo 8:22

Nem si Jesus, simongbat ja kowan to ey, “Kala et, olay ngo ira sota toon eg sha amtes Apo Shiyos ja mengisingpet nonta etey. Maybidang ey etey ira, jet anam shen mengibka ni etey ya too.”

San Juan 12:26

Sota toon makapiyan ja mansilbi son si‐kak, mesepol la si‐kak i onoren to. No toway kad‐an ko, si‐kato ngoy kawad‐an to, jet sota ira toon emati ja emansilbi son si‐kak, i‐aknan nen Amak ni shayaw sotan na too.”

San Juan 12:33

Sajay i inkowan nen Jesus ta piyan ton say eẃatan koma ira nonta totoo i itsora ni ketey to.

San Juan 18:32

(Sajay i ketongpalan nonta inkowan met laeng nen Jesus pangkep son si‐kato shorog ey say itsora ni ketey to ket maydansed koros.)

San Juan 21:18

Ikowan ko son si‐kam i kinapodpodno. Nonta nga‐nga ka, si‐kam ngoy emengi‐mag shorog ni balkes mo, jet sota piyan mon daẃan, si‐katoy toshongen mo. Nem no ma‐ema ka ali, apil ngo. Onshepa ka jet bedoren shaka, asan idaw shaka shima dogad ja eg mo koston daẃan.”

San Juan 21:22

Jet si Jesus, simongbat ja kowan to son Pedro ey, “Kaspangarigan ey piyan kon si‐katoy manbiyag ingkato alid imotok ko mowan, enshiy mo naybiyangan. Si‐kak i onoren mo.”

I-Pilipos 1:20

Jet say ẃared nemnem kon pasiya, namnamak ey ekak onkapoy ja mansilbi son Cristo, no diket onkedsangak ni olay ja inges toy naka pesing nontan da ingkato niman. Namnamak ey si Cristoy mayshedjaw shi emin na naka dagdag‐a, ni kawashak pay laeng shiyay ya biyag, ket no si‐katoy kabol la keteyan ko.

2 San Pedro 1:14

Ta amtak ey say ketey ko, shanshani may timpo to, ta si‐katoy inpa‐amta nen Jesucristo ja Apo tayo son si‐kak nontan da.