San Juan 21:15 - Dibshon Mengi-kan Ni Pansigshan

¹⁵ Idi enaksheng nga engan ira, inbag‐an nen Jesus si Simon Pedro, ja kowan to ey, “Wa‐ẃa‐sha ngatay semek mo son si‐kak ey say sota semek ira niya kait mo?” Jet si Simon Pedro, simongbat ja kowan to ey, “Owen Apo, amtam met ey ensemek taka.” Jet si Jesus, kowan to son si‐kato ey, “Ajowanim ira sota emati son si‐kak, ta si‐kara, may‐eshig ey singa kalnirok.”

San Juan 21:15 Iomraidhean Croise

San Mateo 10:37

Sota pipiyan toy ameto, ono ineto nem say si‐kak, eg maykeshin took. Angken sota makapipiyan ni anak ton bii ono daki nem say si‐kak, eg maykeshi ngo ey took.

San Mateo 16:17

Jet si Jesus, kowan to so nen Pedro ey, “Si‐kam Simon ja anak nen Jonas, si Apo Shiyos i onbindisiyon son si‐kam tep si‐kato, ja Amak shi dangit, si‐kato i engipa‐amta niyay son si‐kam ja inkowan mo, aliẃen kait mon too i engikowan.

San Mateo 18:10

“Karejo damsisen ira ja toon nankebaba, ta si Apo Shiyos, eg to ira damsisen. Waray anghil iren jay ya nankebaba jet kepatki ira nen Amak shi dangit.

San Mateo 26:33

Nem si Pedro, kowan to ey, “Angken ibaing shaka ni emin na kait ko, eg taka mango ibaing.”

San Mateo 26:35

Nem si Pedro, kowan to ey, “Angken na pekibono sha‐ak son si‐kam, ekak ikowan ey eg taka am‐amta!” Jet sota ira kait to, sotan ngoy inonoran shen inkowan.

San Marcos 14:29

Nem si Pedro, kowan to ey, “Angken ibaing shaka ni emin na kait ko, eg taka mango ibaing!”

San Lucas 12:32

“Si‐kayon took ja naka banbantayi, karekayo ontakot. Angken ootik kayo, si Amejon ẃared naykayang, eman‐imdeng nga pasiya ja si‐kayoy mayda‐kam shi pantoshayan to.

San Lucas 22:32

Mebedin na ma‐adilaw ka Simon, ni sanka‐atikan, nem inshawat ko son Apo Shiyos ey eg mekolpin onkapoy i pamatim. Jet no may‐odi mowan i pamatim son si‐kak, si‐kam ngoy pekedsang so ni kait mo.”

San Juan 1:42

Si Andres, inodop to si Simon ja dimaw ira son Jesus, jet si Jesus, inningning tos Simon jet kowan to son si‐kato ey, “Si‐kam si Simon ja anak nen Juan. Jet say ingaran ko ma son si‐kam niman, si Cipas, ono Pedro.” (Nan‐inges i olog niya showen inngaran to son Simon, ja say piyan ton a‐seden, bato.)

San Juan 13:37

Si Pedro, kowan to mowan son Jesus ey, “Apay eg mebedin aya ja on‐onoshak niman shi daẃan mo? Ta si‐kak, esagana‐ak, ja angken meteyak ja mengibediw son si‐kam.”

San Juan 16:27

ta si Amak, mismon ensemek tokejo, ta ensemek jowak ngo, tan joka pati‐a ey si‐kak ket edapo‐ak son si‐kato.

San Juan 21:12

Jet si Jesus, tineẃal to ira ja kowan to ey, “Kalejo, mengan.” Jet nontan, angken sakey, enshiy engitoded son si‐kara ja engibeka son Jesus no sipa si‐kato, ta amtara ey si‐kato si Apo Jesus.

San Juan 21:7

Jet sota sakey ya apostol ja ensemek nen Jesus, inimatonan to ey si Jesus sota imesel, jet kowan to ey, “Si Apo Jesus met iman!” Idi intenengan nen Simon Pedro sota kowan to, insikkot to sota baro tod bakdang to, tep nandabos ni toka pannikay, jet imabtok da shima shanom ja nimangoy.

San Juan 8:42

Jet si Jesus, kowan to son si‐kara ey, “No si Apo Shiyos i Amejo, istay ensemek jowak koma, ta say edapo‐an ko, si Apo Shiyos. Jet aliẃen nemnem ko shorog ga dimaw alid jay, no diket si‐katoy engibetkag ali son si‐kak.

Inpaspasing 20:28

“Isonga niman, si‐kayon pangolo, asas joy bakdang jo shorog, tan asas jo pay sota ira emati son Apo Jesus ja inpiyal ni Ispirito Santo son si‐kayo ja bantayan jo. Singpet joy bantay son si‐kara ta kokowa ira nen Apo Shiyos. Nemnem jo ni olay ey kowinta ey binayshan to ira ni shala nonta Anak to ja imayos shi koros.

Inpaspasing 20:29

Amtak ey no idekjas takejo ma, ẃara aliy maysa‐dat, ja makedsel, jet peshasen shen kolpi‐en say enshiy mebay‐an so nonta ira emati ja inpabantay nen Apo Shiyos son si‐kayo.

I-Roma 14:1

No ẃara son si‐kayo i toon ekapoy i pamati to ta eg etod‐an ni kosto, awat jo sotan na too. Karekayo mekisongbat son si‐kato, no diket ipeteg jo sota ẃared nemnem to.

I-Roma 15:1

Si‐katejon etod‐an ni kosto, ja makedsang i pamati to, mesepol la enosan tayo ira sota toon eg etod‐an ni kosto, angken bimaki ira. Eg tayo koma ipilit i kosto tayo.

1 I-Korinto 8:11

medismaya shi pamati to. Isonga sotan na inpakipangan mo kabol ni kowan mod nemnem mo ey amtam i kasesaad ni sinan shiyos, si‐katoy singa esharalan ni pamati nonta kait mo. Aliẃen mapteng sotan na dingkam, ta sotan na agim shi pamati, si‐katoy sakey ya eteyan nen Cristo.

I-Galasia 5:6

Jet no memati kito son Cristo, say epateg bengat ja nemnemen tayo, sota pamati son si‐kato. Ta sotan na pamati, si‐katoy kedepo‐i ni semek. No sota maypangkep ni pengonod nonta bilin ni Hodiyos, enshiy to naykamitan shi pamati son Cristo.

I-Ipiso 4:14

Aliẃen kito on‐onong koma ja singa nga‐nga ni olay, ja edaken i‐owapan ni toon matekal la mengi‐owap, ono edaken ma‐eẃis nem ẃaray badon toro. Sajay ya itsora, may‐eshig nodta barkon sini‐bok ni shagem, ja olay toy toshongen to.

I-Ipiso 6:24

Jet sapay koma ta kaasi‐an pay nen Apo Shiyos ja emin sota ẃara ni olay i semek to son Apo Jesucristo.

Hodiyos 13:20

Jet niman, say shawat ko ngo son Apo Shiyos, si‐katon mismo komay mengi‐kan son si‐kayo ni emin na kasapolan jo, say dag‐en jo ni olay sota piyan to; tan say shawat ko pay, panbedin tokejo koma ni toon masi‐met ja mandeka ni olay nonta mengi‐kan met laeng ni pan‐imdengan to, pangkep son Jesucristo. Sajay i shawat ko son Apo Shiyos tep si‐kato met laeng i mismon kedepo‐i ni talna. Si Apo Shiyos, inpan‐ongal to si Jesus nonta etey shi koros. Nonta etey si Jesus shi koros, naybokbok i shaleto ja engipilmi nonta badon bilin ja insa‐dat nen Apo Shiyos nodta sigod jet ẃara ni olay iyay ya bilin ingkatod ingka. Jet niman ma, si Apo Jesus i Kangeto‐an na emengiredan ni too to, jet si‐katoy mayshedjaw ni olay ingkatod ingka. Siya, satan da.

Hodiyos 4:13

Isonga angken nganton palsowa, eg mebedin na i‐emotan to si Apo Shiyos. Singa dabos ira, ta toka asa i emin, angken nganto ja shaka dagdag‐a, jet no ngantoy dingkara, si‐katoy songbatan sha di son si‐kato.

1 San Pedro 1:8

Amtak ey ingkato niman pay laeng ket eg jo inon‐an si Jesucristo nem ẃaray semek jo son si‐kato, tan joka pati‐a i bilin to. Enshiy kay‐ingesan ni imdeng jo — eg kabaalan ni esel ni too ja mengikowan ni kaba‐deg to tep edapo nodta namnama tayon mayda‐kam son Apo Shiyos shi dangit.

1 San Pedro 2:2

Say pipiyan jo koma ket sota ketod‐an jo ni koston pannemnem, ja inges to sota nga‐ngen ikaybo‐day to ja say pipiyan to ket sota menoso. No metod‐an kayon kosto, onba‐deg i pamatiyo ingkatod ka‐enayan ni kaysedakan jo.

1 San Pedro 2:25

Ta nonta eg kayo pay laeng emati, may‐eshig ey singa kalniro kayon apil i tinoshong to. Nem niman ma, nay‐oli kayo mowan ali so nen Cristo et si‐katoy emengajowan tan emanbantay son si‐kayo.

1 San Juan 4:19

Si Apo Shiyos i epangdon ẃaray semek to son si‐katejo, isonga ẃara ngoy semek tayo.

1 San Juan 5:1

Sota ira ememati ey si Jesus, si‐kato sota inbetkag ali nen Apo Shiyos shiya dobong, si‐karay podnon annak nen Apo Shiyos, jet sota ira ẃaray semek to son Apo Shiyos ja Maka‐anak son si‐kara, ẃara ngoy semek sha so nonta kait shen annak to.

Inpa-Amta Nen Jesucristo 2:23

Tan angken sota ira annak to, shosa‐en ko, et metey ira. Sajay i dag‐en ko say sota emin na emati son si‐kak, amta‐en sha ey si‐kak ket amtak i emin na ẃared nemnem tan poso ni too, tan say amta‐en sha ey si‐kak i onsobadit ni dingka ni sanseskey son si‐kayo.