San Juan 21:12 - Dibshon Mengi-kan Ni Pansigshan

¹² Jet si Jesus, tineẃal to ira ja kowan to ey, “Kalejo, mengan.” Jet nontan, angken sakey, enshiy engitoded son si‐kara ja engibeka son Jesus no sipa si‐kato, ta amtara ey si‐kato si Apo Jesus.

San Juan 21:12 Iomraidhean Croise

San Mateo 22:46

Jet angken sakey son si‐kara, enshiy makabaal la onsongbat son si‐kato. Jet manipod ma nontan na akew, polos malen eg sha intoled ja nansalodsod son si‐kato, ta ineẃatan sha ey eg sha kabaalan na ebaken.

San Marcos 9:32

Nem eg sha ineẃatan iyay ya kowan nen Jesus. Piyan shen ibaga nem ngarantoy olog niyay ya inkowan to, nem embaing iren mengibeka.

San Lucas 9:45

Nem nay‐emot son si‐karay piyan ton ikowan, jet eg sha ineẃatan. Piyan shen ibaga nem ngarantoy olog to, nem embaing iren mengibeka.

San Juan 16:19

Nem si Jesus, amta to ey piyan nonta ira apostol ton ibaga i olog nonta inkowan to, isonga kowan to son si‐kara ey, “Jet kayoka manbibinaga no ngantoy olog da nonta inkowan ko ey eg jowak ma nin asen ni sanka‐atikan, nem asen jowak met laeng nga shagos?”

San Juan 21:11

Jet si Simon Pedro, dimaw nodta bangka jet to inkoyod ali nodta naykilig sota nigay ja enakna ja kakembaleg, jet say bilang nonta nigay, sandasos tan dimen polo, tan tedo. Enapno sota balshew, nem mapteng ta eg epi‐kat.

San Juan 21:15

Idi enaksheng nga engan ira, inbag‐an nen Jesus si Simon Pedro, ja kowan to ey, “Wa‐ẃa‐sha ngatay semek mo son si‐kak ey say sota semek ira niya kait mo?” Jet si Simon Pedro, simongbat ja kowan to ey, “Owen Apo, amtam met ey ensemek taka.” Jet si Jesus, kowan to son si‐kato ey, “Ajowanim ira sota emati son si‐kak, ta si‐kara, may‐eshig ey singa kalnirok.”

San Juan 4:27

Jet nontan na maramen emekitbal si Jesus so nonta biin i‐Samaria, mimotok sota ira too nen Jesus ja en enongkal ni mekan shi siyodad, jet nasshaaw iren pasiya ta ẃaray biin toka pantabtabala. Nem angken sakey nodta too nen Jesus, enshiy en engibeka son Jesus, no ngarantoy mesepol nonta bii, ono apay nga emekitbal so nonta bii.

Inpaspasing 10:41

Nem aliẃen emin na too ket inon‐an sha. Say engasas bengat son si‐kato, si‐kami ja shinotokan nen Apo Shiyos ja mengikowan ni maypangkep son si‐kato. Nonta naksheng nga nanbiyag, ekipengan pay son si‐kami.