San Juan 20:30 - Dibshon Mengi-kan Ni Pansigshan

³⁰ No sota maypangkep ni dingka nen Jesus, eshakel i dingka ton kaskasshaaw wa mismon inon‐an nonta ira too to, nem ekak insolat ta emin shiyay ya dibsho.

San Juan 20:30 Iomraidhean Croise

San Juan 2:11

Sajay ya dingka nen Jesus shi Kana, si‐katoy pilmiron dingka ton milagro. Inpa‐sas toy kina‐Shiyos to et sota ira too to, emati ma iren koskosto son si‐kato.

San Juan 21:25

Nem eshakel pay i dingdingka nen Jesus ja ekak insolat shiyay, ta no sa‐sa‐keyen kon isolat ja emin shi kedibdibsho, eg emo on‐anay iya dobong ja kaytedo‐an sha.

San Juan 6:2

Jet eshakel la pasiyay toon imonod son si‐kato, ta inon‐an sha sota kaskasshaaw wa dingka to, ni inmapteng ira nonta emanpansekit.

I-Roma 15:4

Jet sota ira naysolat nonta bayag da, naysolat ja mengitosho ni panmaptengan tayo niman. Ta sajay iren naysolat i emengi‐kan ni anos tan kedsang no timpo ni digat, say eg medingding i tayoka panshinel son Cristo.

1 I-Korinto 10:11

Sajay ya edaga son si‐kara, si‐katoy banshaan so ni emin na maysa‐dat son si‐kara, jet inpaisolat nen Apo Shiyos iyay ya edaga nonta bayag da say eg tayo onoran sotan na dingkara. Pan‐ashalan tayo komen emin sota epalabas den epasemak.

1 San Juan 5:13

Insolat ko la iyay son si‐kayo ja emati so ni ngaran nen Jesus ja Anak nen Apo Shiyos, say penigorado‐an jo ey si‐kayo, ẃaray biyag jon enshi to engintegan.