San Juan 20:19 - Dibshon Mengi-kan Ni Pansigshan

¹⁹ Jet nontan na mama‐shem ni Domingko, sota ira too nen Jesus, na‐olnong ira, jet nanbagat ira tep entakot ira so nonta ira pangolo ni Hodiyos. Jet nontan na inka‐olnong sha, ebigla ja dimaw alis Jesus jet dimayat shi sango‐an sha; jet kowan to son si‐kara ey, “Sapay koma ta sota talna ket si‐katoy meẃesha son si‐kayo.”

San Juan 20:19 Iomraidhean Croise

San Mateo 10:13

Jet no satan na too ket anam toy inkowan mon bindisiyon ta maronong, sota inkowan jon bindisiyon nen Apo Shiyos, ontoloy son si‐kato. Nem no eg to anam ta ngaaw wa too, bebawi jo sota bindisiyon nen Apo Shiyos ja inkowan jo son si‐kato.

San Mateo 18:20

Ta sota showa ono tedo ja esa‐nop pangkep son si‐kak, ẃara‐ak son si‐kara nontan na inkasa‐nop sha.” Sajay den emin, inkowan nen Jesus.

San Marcos 16:14

Idi naksheng nga nanpa‐sas si Jesus so iren jay, nanpa‐sas mowan so nonta ira sawal ni sakey ya apostol to nonta maramen ireka mengan. Jet inseg‐ang to ira ni eg sha so pinati‐an so nonta insodsod nonta ira engasas son si‐kato ni inpan‐ongal to; kowan to ey epaladoy katangken ni toktok sha.

San Juan 14:27

Idekjas takejo ma, nem sota talna ja enshiy maka‐inges so, ja medepo son si‐kak, si‐katoy isepak son si‐kayo. Sajay ya talna ja i‐akan ko son si‐kayo, aliẃen inges to sota talna ja kai‐akan niya dobong. Karekayo manshanag, ono karekayo ontakot.

San Juan 16:22

Sajay i kay‐eshigan jo. Niman, kayoka mandeshingit, ta idekjas takejo, nem asen takejo met laeng nga shagos, jet man‐imdeng kayo mowan na pasiya ma. Jet sotan na imdeng jo, enshiy en ondingding so, angken sipa.

San Juan 16:33

Insigod kon inkowan iyay son si‐kayo, say meẃad‐an kayo nonta talna ja edapo son si‐kak. Shiya dobong, pedigaten shakejo, nem karekayo manshanag, ta si‐kak ngoreshan i emengebak ni olay, aliẃen sota toon eg memati son si‐kak!”

San Juan 20:21

Jet si Jesus, inpinshowa to mowan ja kowan to ey, “Sapay koma ta sota talna ket, si‐katoy meẃesha son si‐kayo.” Tan kowan to pay ey, “Ibetkag takejo, ja inges toy inpangibetkag nen Amak son si‐kak.”

San Juan 20:26

Idi edabas day makadomingko, na‐olnong mowan sota ira too nen Jesus, ja nanbagat, jet ẃara ma nodtan si Tomas. Jet si Jesus, ebigla ja nanpa‐sas mowan son si‐kara. Dimayat shi sango‐an sha, ja kowan to ey, “Sapay koma ta sota talna ket si‐katoy meẃesha son si‐kayo.”

San Juan 21:1

Idi edabas i pigen akew, nanpa‐sas mowan si Jesus so nonta ira too to shima kilig ni baybay shi Galilia. Jet say inpasing nen Jesus ja nanpa‐sas son si‐kara, iyay i istoriya to.

San Juan 21:14

Sajay i maykatdon inpanpa‐sas nen Jesus so nonta ira too to, manipod nonta inpan‐ongal to.

San Juan 7:13

Nem sajay iren too, eg sha inkowan shi karakdan i maypangkep son Jesus, tep entakot ira so nonta pangolo ni Hodiyos.

Inpaspasing 1:3

Idi naksheng nga nanbiyag shi patey, eminshakel la nanpa‐sas son si‐kara ni oneg ni epat ta polon akew, say pati‐en sha ey agpayson ẃara ma shi biyag. Jet nantatabtabalan sha mowan i maypangkep ni pantoshayan nen Apo Shiyos.

I-Roma 15:33

Jet say shawat ko pay, sapay koma ta si Apo Shiyos ja kedepo‐i ni talna, si‐katoy ẃara ni olay son si‐kayon emin. Siya, satan da.

1 I-Korinto 15:5

Jet inkowan ko pay son si‐kayo ey nanpa‐sas si Cristo so nen Pedro asan ma manpa‐sas so nonta ira emin na apostol to.

I-Ipiso 2:14

Si Cristo, si‐katoy engi‐kan ni talna tayon Hodiyos tan aliẃen Hodiyos, say manseksekey kito, ta sota istay eg tayo pan‐i‐inawatan, ja sima‐din, ingkal to.

I-Ipiso 6:23

Si Apo Shiyos ja Ametayo, tan si Apo Jesucristo, sapay koma ta a‐shoman shay talnayo ja a‐aki mi shi pamati, tan kasta met sota semek jo ni emin na kait jon emati.

I-Pilipos 1:2

Say shawat ko son Apo Shiyos, sapay koma ta kaasi‐an shakejo, tan a‐shoman to pay sota talna ja ẃara son si‐kayo ja edapo met laeng son Apo Shiyos ja Ametayo, tan si Apo Jesucristo.

2 I-Tisalonika 3:16

Jet say shawat ko pay, si Apo Jesucristo ja kedepo‐i ni talna, si‐kato komay mengi‐kan na mismo ni talna son si‐kayo ni olay. Jet sapay koma ta si‐katoy onbantay son si‐kayon emin shitan.

Hodiyos 7:2

Jet si Abraham, in‐akan to son Milkisidik i ikasampolon parti nonta inebak to alid kobatan. Say olog nonta ngaran ja Milkisidik, “arin inges toy ogadi nen Apo Shiyos”. Si‐kato pay i ari shi Salim, jet say olog ni Salim, “olnos”, isonga si Milkisidik, ari ngo ni olnos.

3 San Juan 1:14

Waray namnamak ka ondaw shagos ja manbisita da son si‐kam et mantabtabal kita ja mismo.

Inpa-Amta Nen Jesucristo 1:4

Si‐kak si Juan ja mismon makasolat niyay et sajay ya solat ko, si‐kak i engisodat para son si‐kayon piton gropo ja emati son Cristo shi piton siyodad shi Asiya. Say shawat ko son Apo Shiyos, sapay koma ta sota kaasi, tan talna ja edapo son si‐katon ẃara son si‐kayo, si‐katoy ma‐shoman. Si Apo Shiyos, si‐kato sota sigod ja ẃara ngo eshan, ingkato niman et si‐kato met laeng aliy ondaw shi ma‐onod ja timpo no mantepos iya dobong. Sota Ispirito Santo nen Apo Shiyos, ja eg nagshengan i kabedinan to, ja ẃara nodta sango‐an ni tinongawan to, tan si Jesucristo, sapay koma ta si‐kara met laeng i mengi‐kan ni kaasi tan talna son si‐kayo. Si Jesucristo, agpayso i toka ikowan, tan si‐kato, nanbiyag alid patey, isonga si‐katoy singa pangodowan tayon emin ja manbiyag shi patey. Si‐kato pay i mengitoshay so nonta ira emin na ari shiya dobong. Si Jesucristo, imayos i shaleto ni inkatey to shi koros pangkep nonta ebadeg ga semek to son si‐katejo et sotan i kabol la epakaẃanan ni emin na basol tayo.