San Juan 20:18 - Dibshon Mengi-kan Ni Pansigshan

¹⁸ Jet si Maria Magdalena, dimaw ja to inkowan so nonta ira too nen Jesus ey inon‐an tos Apo Jesus, jet insodsod to pay sota inkowan nen Jesus son si‐kato.

San Juan 20:18 Iomraidhean Croise

San Mateo 27:56

Jet say ngaran ira nonta eshom ma bibii ja ẃara nodtan, sajay: si Maria Magdalena, si Maria ja ina nen Santiago nen Jose, tan sota aseẃa nen Sibidi ja ina nen Santiago nen Juan.

San Mateo 28:10

Jet kowan nen Jesus son si‐kara ey, “Karekayo ontakot. Daw kayo, jo ikowan so nonta ira took ja naka ikarin a‐akik ey ondaw ired Galilia, jet ikowan jo ey shiman i asanan sha‐ak so.” Kowan nen Jesus.

San Lucas 24:10

(Say ngaran ira nonta bibiin en engikowan so nonta ira apostol nen Jesus, sajay: si Maria Magdalena, si Joana, tan si Maria ja ina nen Santiago, tan ẃara pay i eshom ma kait sha.)

San Juan 19:25

Jet nontan na maramen sajay i kepandag‐a ira nonta solsharo so nen Jesus, ẃara ngo si Maria ja ina nen Jesus, ja dimayat nodtan ja nay‐esop shi koros nen Jesus; ẃara pay sota agi met laeng nen Maria, sota si Maria ja aseẃa nen Kliopas, tan ẃara pay sota sakey ya si Maria Magdalena.

San Juan 20:1

Nonta daem ni Domingko, si Maria Magdalena, dimaw shima naydiyangan ni bakdang nen Jesus. Idi mimotok nodtan, inon‐an ton imadaw sota baton naypokit nodta bongot ni diyang ja naydiyangan nen Jesus, isonga edo‐katan sota diyang.