San Juan 20:15 - Dibshon Mengi-kan Ni Pansigshan

¹⁵ Jet si Jesus, imesel ja kowan to son Maria Magdalena ey, “Ngantoy moka pannengisi? Sipay moka pan‐enapa?” Si Maria Magdalena, say ẃared nemnem to, kowan to ey sota dakin emengajowan nonta mola nodtan sota dakin imaskang son si‐kato. Isonga kowan to ey, “Apo, no si‐kam i engala nonta bakdang nen Jesus, ikowan mo no toway indawan mo la so, say nak al‐en.”

San Juan 20:15 Iomraidhean Croise

San Mateo 12:34

“Si‐kayon singa oleg i ogadiyo, enshiy mapteng nga esel ja kaonbo‐day shi bongot jo ta ngaaw i ẃared nemnem jo. Ta sota ẃared nemnem ni too, si‐kato met laeng i kaonbo‐day shi bongot to no ẃaray ikowan to.

San Mateo 28:5

Nem sota anghil, kowan to so nonta bibii ey, “Karekayo ontakot; amtak ey say piyan jon on‐an, si Jesus ja naydansa shi koros.

San Marcos 16:6

Kowan nonta balodaki son si‐kara ey, “Karekayo messhaaw. Amtak ey say piyan jon on‐an, si Jesus ja i‐Nasarit ja naydansa shi koros. Nem enshid jay, nan‐ongal da! Asas jo kari ita istay inparokolan sha so.

San Lucas 2:44

San‐akew ja nan‐akad ira ja eg sha dindinmo ey ayshi si Jesus. Kowan sha nem eki‐odop nodta kagait sha, nem idi sha inena‐enap nodta kad‐an ni kagajem sha tan partido sha, ayshi gayam.

San Lucas 24:5

Sota ira bibii, injokmos shay dopara shi bo‐day ta etakot iren pasiya. Nem kowan nonta showen anghil son si‐kara ey, “Apay nga joka pan‐enaped ja kad‐an ni etey i toon mabiday?

San Juan 1:38

Si Jesus, ẃiningi to ira ja eman‐onod ali son si‐kato, jet kowan to ey, “Ngarantoy ibaga jo?” Jet kowan sha son si‐kato ey, “Maistoro, toway moka pan‐iyani?”

San Juan 18:4

Si Jesus, amta ton sigod i mepesamak son si‐kato; isonga to inaspol ira jay ya totoo, jet kowan to son si‐kara ey, “Sipay joka pan‐enapa?”

San Juan 18:7

Jet si Jesus, inpinshowa to ja kowan to ey, “Sipay joka pan‐enapa?” Jet kowan sha mowan ey, “Si Jesus ja i‐Nasarit.”

San Juan 20:13

Jet sajay iren anghil, imesel ira ja kowan sha son Maria Magdalena ey, “Ngantoy moka pannengisi?” Jet si Maria Magdalena, simongbat ja kowan to ey, “Naka mannengis ta indara da sota bakdang nen Apok ja naydiyang shiyay, jet ekak da amta no toway indawan sha so.”