San Juan 2:4 - Dibshon Mengi-kan Ni Pansigshan

⁴ Jet si Jesus, kowan to ey, “Nanang, eg mesepol la ikowan mo son si‐kak i dag‐en ko. Aneng nin i pandekak ni obden in‐akan nen Apo Shiyos.”

San Juan 2:4 Iomraidhean Croise

San Mateo 15:28

Simongbat si Jesus so nonta bii ja kowan to ey, “Agpayson ebadeg i pamatim! Isonga sota shawat mo, medeka.” Jet nontan met laeng, sota anak nontan na bii, mimapteng nga shagos, ja bimetik sota dimonyo son si‐kato.

San Mateo 8:29

Jet pimekis ira ja kowan sha ey, “Anak nen Apo Shiyos! Nganto may pesing mo son si‐kami? Apay dimaw ka din jokami shosa‐en, ey aneng nin i timpo to?”

San Lucas 2:49

Kowan nen Jesus son si‐kara ey, “Dimaw kayo gayam ali ja jowak kepan‐enapa? Eg jo aya amta ey mesepol la man‐iyanak shi baley nen Amak?”

San Juan 12:23

Jet si Jesus, simongbat ja kowan to ey, “Sota timpon i‐olik shi dangit, simabi ma, ta si‐kak sota Anak ni Too.

San Juan 13:1

Shanshani ja manshoki sota piyasta ni Hodiyos ja kowan sha ey Paskowa, jet si Jesus, amta to ey sotan may timpo ja idekjasan to so niya dobong, ja on‐oli ma so nen Ameto shi dangit. Nontan na timpo i pengipa‐sas to ey enshiy kolang ni semek to so ni totoo ton ẃared ja dobong, ta sigod ja ensemek to ngoreshan ira.

San Juan 2:3

Nodta kasal kimolang i inom, jet sota ina nen Jesus, inkowan to son Jesus ey, “Na‐bos gayam day inomen ni too.”

San Juan 20:13

Jet sajay iren anghil, imesel ira ja kowan sha son Maria Magdalena ey, “Ngantoy moka pannengisi?” Jet si Maria Magdalena, simongbat ja kowan to ey, “Naka mannengis ta indara da sota bakdang nen Apok ja naydiyang shiyay, jet ekak da amta no toway indawan sha so.”

San Juan 20:15

Jet si Jesus, imesel ja kowan to son Maria Magdalena ey, “Ngantoy moka pannengisi? Sipay moka pan‐enapa?” Si Maria Magdalena, say ẃared nemnem to, kowan to ey sota dakin emengajowan nonta mola nodtan sota dakin imaskang son si‐kato. Isonga kowan to ey, “Apo, no si‐kam i engala nonta bakdang nen Jesus, ikowan mo no toway indawan mo la so, say nak al‐en.”

San Juan 7:30

Idi enaksheng nga inkowan to iyay son si‐kara, piyan sha ma ja a‐shelen si Jesus, nem enshiy angken sakey ya engitodoy, ta aneng nin sota timpon naykesheng nga pandikat to.

San Juan 7:6

Jet si Jesus, simongbat ja kowan to son si‐kara ey, “Si‐kak, aneng nin sota timpon pengipa‐sas ko ni maypangkep son si‐kak. Nem si‐kayo, angken bina‐ngatan mangoy dag‐anan jo so ni piyan jon dag‐en, angken ngaranton akew.

San Juan 7:8

Daw kayo mango shima piyasta, nem si‐kak, ekak nin ondaw ta aneng sota koston timpok.”

San Juan 8:20

Sajay i inkowan nen Jesus so nonta ira totoo nonta inpantoro to nodta nay‐esop shima tado‐an ni pilak ka shaka idaton son Apo Shiyos shi Timplo. Jet nontan, enshiy nangshel son si‐kato, ta aneng nin sota timpon naykesheng ja pandikat to.

2 I-Korinto 5:16

Isonga say kowan mi, no kowinta ey etey i totoo, eg mi ma ibilang i kasesaad ni angken sipen too shiya dobong. Angken si Cristo, kowan mi nem too bengat nontan da, nem niman aliẃen sotan ma i ẃared nemnem mi pangkep son si‐kato.