San Juan 2:21 - Dibshon Mengi-kan Ni Pansigshan

²¹ (Nem say piyan nen Jesus ja a‐seden niya timplon kowan to ket aliẃen sota Timplon to‐to‐ẃa, no diket sota ketey ni bakdang to tan sota pan‐ongal to nem maykatdon akew.

San Juan 2:21 Iomraidhean Croise

San Juan 1:14

Sotan na sigod ja ẃara son Apo Shiyos, ja engipa‐amta ali ni maypangkep son Apo Shiyos, nanbalin ni too, jet eki‐iyan son si‐katejon too. Inon‐an min mismoy kina‐Shiyos to — sota kina‐Shiyos ja in‐akan nen Ameto ta si‐kato bengat i Anak to. Emin na inon‐an min dingka to, ma‐sas ni olay ey ebadeg i semek to tan podnon emin i kowan to.

San Juan 2:22

Isonga nonta inpan‐ongal nen Jesus nonta maykatdon akew ni inkatey to, ninemnem nonta ira too to sotan na inkowan to, jet sajay i kabol la pinati‐an sha so ni emin na inpasodat nen Apo Shiyos nonta bayag da, tan sota emin na inkowan nen Jesus.)

1 I-Korinto 3:16

Ngantoy intolokan jo so nonta ira apil i toro sha? Singa dinibkan jo ey si‐kayon emati, may‐eshig kayo ey Timplo nen Apo Shiyos, ta sota Ispirito Santo to, ẃara son si‐kayo.

1 I-Korinto 6:19

Baka et ey dinibkan jo ey say bakdang jo ket, Timplo ni Ispirito Santo ja inpan‐iyan nen Apo Shiyos son si‐kayo. Isonga say bakdang jo, aliẃen kokowayo.

2 I-Korinto 6:16

Si‐katejo i may‐eshig ey Timplo nen Apo Shiyos et na‐alas no ikadẃa i Timplo nen Apo Shiyos nodta inemag ni toon sinan shiyos. Ta si Apo Shiyos, ẃared biyag. Isonga ẃara sota naysolat nonta bayag ja esel to, ja kowan to ey, “Panbedin ko ira ja may‐eshig ey baley ko et man‐iyanak son si‐kara say ẃara‐ak ni olay son si‐kara. Jet si‐kak ma i metopog ga Shiyos sha et si‐kara ngo ma i took.”

I-Kolosas 1:19

Si Apo Shiyos, ninemnem to ey i‐inges to si Jesucristo ja Anak to son si‐kato met laeng, say emin na ẃara son si‐kato, ẃara ngo son Cristo.

I-Kolosas 2:9

Nemnem jos Cristo, ta si‐katoy nay‐anak ja inges tayon too met laeng, nem ẃara pay ngon emin son si‐kato sota ẃara son Apo Shiyos.

Hodiyos 8:2

Si‐kato i koston kangeto‐an na pari shima kad‐an nen Apo Shiyos ja emansilbi nodta koskoston Timplo ja aliẃen inemag ni too, no diket si Apo Shiyos ja mismo i dimaga so.