San Juan 2:2 - Dibshon Mengi-kan Ni Pansigshan

² Jet si Jesus tan sota ira too to, ineẃis sha ira nodtan na kasal.

San Juan 2:2 Iomraidhean Croise

San Mateo 12:19

Sajay ali, eg mekibekal, ono onkeljaw, jet eg to ikedsang shi karakdan no ẃaray ikowan to.

San Mateo 25:40

Jet onsongbat sota ari ja kowan to ey, ‘Podno iya ikowan ko son si‐kayo. Sajay den inkowan ko, dingkayo so ira nonta kabeba‐an na kait ko, jet maybidang ey si‐kak i dingka‐an jo so nontan.’

San Mateo 25:45

Jet songbatan to ngo ira ja kowan to ey, ‘Agpayso iya ikowan ko son si‐kayo. Sota eg jo so insintil so ira niya kabeba‐an na kait ko, maybidang ey si‐kak i eg jo sinintil.’

San Juan 2:12

Jet idi enaksheng iyay, si Jesus, dimaw shi Kapirnaom, jet ekidaw si ineto, sota a‐aki to, tan sota ira too to. Nan‐iyan nin ired man ni pigen akew.

San Juan 2:17

Jet sota ira too to, ninemnem sha nontan sota padton naysolat nonta bayag da ey, “Apo Shiyos, sota naka pengisekit ni baley mo, si‐kato met laeng i onsharal son si‐kak.”

San Juan 2:22

Isonga nonta inpan‐ongal nen Jesus nonta maykatdon akew ni inkatey to, ninemnem nonta ira too to sotan na inkowan to, jet sajay i kabol la pinati‐an sha so ni emin na inpasodat nen Apo Shiyos nonta bayag da, tan sota emin na inkowan nen Jesus.)

San Juan 2:3

Nodta kasal kimolang i inom, jet sota ina nen Jesus, inkowan to son Jesus ey, “Na‐bos gayam day inomen ni too.”

San Juan 3:22

Idi enaksheng iyay, si Jesus tan sota ira too to, dimaw ired sakop ni Jodia. Jet si Jesus, eki‐iyan nin shiman tep emonbonjag nin.

San Juan 4:33

Jet sota ira too to, nanbibinaga ira ja kowan sha ey, “Sigosho ẃaray engi‐kan ali ni kinan to?”

San Juan 6:12

Idi enaksheng ma ira sota totoo ja engan, inkowan nen Jesus so nonta ira too to ey, “Sa‐nop jo sota ira sobden tinapay, say enshiy en onkawas.”

San Juan 6:16

Idi mama‐shem mala, sota ira too nen Jesus, enalong ira nodta kad‐an da ni baybay,

San Juan 6:60

Jet eshakel so nonta ira too nen Jesus i eg makakosto niyay. Idi itenengan sha iyay ya toro to, kowan sha ey, “Polibas ira jay ya toro to. Enshi emoy makabaal la on‐awat so!”

San Juan 6:66

Idi naksheng ma ja inkowan nen Jesus iyay, eshakel nodta ira istay too to i eg timoloy ja meki‐odo‐odop son si‐kato.

San Juan 6:67

Jet si Jesus, kowan to so nonta ira sampolo tan showa ja apostol to ey, “Si‐kayo ngay? Piyan jo ngon maysi‐jan son si‐kak?”

San Juan 6:70

Jet si Jesus, simongbat ja kowan to ey, “Say pinidik, sampolo tan showa, nem ẃaray sakey son si‐kayo ja dimonyo.”

San Juan 6:71

(Sajay i inkowan nen Jesus, ta si Judas ja anak nen Simon Iskariote ja sakey nodta sampolo tan showen apostol to, si‐kato aliy mengibaag son Jesus so nonta ira toon makakontra son Jesus.)

San Juan 6:8

Waray sakey nodta too nen Jesus ja si Andres i ngaran to ja agi nen Simon Pedro; kowan to ey,

San Juan 7:3

Jet sota a‐aki nen Jesus, kowan sha son si‐kato ey, “Ilekjas mo iyay ya dogad, jet daw ka shi Jodia, say asen ira nonta emati son si‐kam shiman sota ira moka dagdag‐a ja kaskasshaaw.

Inpaspasing 11:26

Idi simbi to si Saulo, in‐ilaw tod Antiok, jet makatawen shen nantoro so nonta ira eshakel la emati. Jet shi Antiok i pilmiron nanshogi‐an ni kowan sha ey Kristiyano i ngaran ni emati son Cristo.

Inpaspasing 11:29

Jet nontan ma, sota ira emati, ninemnem ni sakey tan sakey son si‐kara ey ipakat shay kabaalan sha ja mengi‐kan ni tolong sha so nonta kakaasin a‐akira shi pamati ja ẃared Jodia.

1 I-Korinto 10:31

Nem say kowan ko, no mengan kayo, ono menginom kayo, ono ngarantoy kowan jo ey dag‐en jo, nemnem jo nin no kayshedjawan nen Apo Shiyos.

1 I-Korinto 7:39

Sota biin ẃaray aseẃa to, eg to koma isi‐jan sota sigod ja aseẃa to. Nem no metey sota daki, eẃaya ma, mebedin na meki‐esawa mowan shi eshom, no kait ton emati son Apo Jesus.

I-Kolosas 3:17

Jet emin na dag‐en jo, ono ikowan jo, nemnem jo nin koma sota kayshedjawan nen Apo Jesus. Pan‐iyaman kayo ni olay son Apo Shiyos ja Ametayo, ta too shakejo pangkep son Cristo.

Hodiyos 13:4

Sota maypangkep ni pengesawa, mesepol la ipateg jo. Isonga sota san‐aseẃa, mesepol la manpinateg ja enshi komay eshom ma sha peki‐esholan. Ta sota mekileki ono memii, agdalo no ẃaray aseẃa to, shosa‐en nen Apo Shiyos.

Inpa-Amta Nen Jesucristo 3:20

Itnengi jo, ta singa ẃara‐ak shi sakepan ja emenogtog. Naka on‐esel pay jet sota mengitneng, no idokatan towak, onsekepak et mekipenganak son si‐kato; man‐okob kamin showa.