San Juan 2:18 - Dibshon Mengi-kan Ni Pansigshan

¹⁸ Jet sota ira pangolo ni Hodiyos, kowan sha son si‐kato ey, “Ngaranton milagro i ipa‐sas mo son si‐kami ja amta‐an mi so ey si‐kam ket podnon inbetkag ali nen Apo Shiyos? No ẃara, siya, memati kami ey ẃaray kalintegan mon dimaga so niyay.”

San Juan 2:18 Iomraidhean Croise

San Mateo 21:23

Idi mimotok ma si Jesus shi Jerusalem, nantoro shima Timplo, jet sota ira apo ni papashi tan sota ira eshom ma pangolo ni Hodiyos, dimaw ira di son si‐kato jet kowan sha son si‐kato ey, “Sipay engikowan ey dag‐en mo ira ta moka dagdag‐a shiya Jerusalem? Sipay engibetkag son si‐kam?”

San Marcos 8:11

Sota ira Parisiyo, dimaw ira so nen Jesus ja sha peshasen ni dedamsis sha. Isonga kowan sha son si‐kato ey mandeka ni milagro ja kowan sha ey asanan sha so no podnon inbetkag ali nen Apo Shiyos.

San Lucas 11:29

Kanayon na manka‐shomi sota ira too ja mantetneng son Jesus. Jet nontan, inkowan to ey, “Ngaaw iray aramid ni too ma niman! Say shaka pan‐ibaga, sota milagro, ta kowan sha ey si‐katoy asanan sha so no agpayson si Apo Shiyos i engibetkag son si‐kak. Nem enshiy milagro ja en maypa‐sas son si‐kara niman! Say pengamta‐an jo ey inbetkag towak nen Apo Shiyos, no onsabi son si‐kak sota inges toy epasemak so nen Jonas nonta bayag da.

San Juan 1:19

Sota ira pangolo ni Hodiyos shi Jerusalem, engibetkag ira ni papashi tan sota ira kaontolong so nonta papashi, ja en mengiro‐pet son Juan nem ngarantoy koston saad to.

San Juan 1:25

kowan sha pay so nen Juan ey, “Apay ngarod nga kaka memonjag, no aliẃen si‐kam sota naypadton ibetkag ali nen Apo Shiyos, ono sota mengibengon son Elias, ono sota para padton tayoka sesseskera ja ondaw ali?”

San Juan 6:30

Nem sota ira totoo, kowan sha ey, “Ngaranto ngarod i ipa‐sas mo pay son si‐kami, say pati‐en mika? Ngantoy dag‐en mo ja inges toy dingka nen Moises nonta bayag da?

Inpaspasing 4:7

Sha inda ali si Pedro nen Juan jet inpa‐adagey sha ira nodta nankinaw‐an sha, jet inbag‐an sha ira no ngarantoy inpamaal shen inpakedsang nonta toon epilay. Kowan sha ey, “Sipen ngaran i inngadnan jo nontan?”

Inpaspasing 5:28

“Apay nga eg jokami pati‐en? Inkowan mi met son si‐kayo ey kenshat ta ibi‐jag joy joka pengitosho ni maypangkep so nonta joka itorotoro, nem niman, joka et ma‐ma‐a, nakol ni inamta‐an ni emin na totoo shi Jerusalem! Say piyan jo, si‐kamiy pebesolan sha ni inkabono nonta toon joka ingadngadni?”