San Juan 2:10 - Dibshon Mengi-kan Ni Pansigshan

¹⁰ jet kowan to son si‐kato ey, “Say amtak ka ogadi tayo, shaka nin pangdo‐a sota en‐amis sa inom, jet no asdeg to malay ininom nonta ira totoo, angken sota endamsis malen inom i itagay sha. Nem si‐kam, iyay gayam i in‐emot mon mas en‐am‐amis ja inpan‐onod mon itagay.”

San Juan 2:10 Iomraidhean Croise

San Mateo 24:49

isonga ishogi ton sepsepdaten ira sota kait ton baga‐en, tan mesiẃat ja mekiladdadsak so nonta ira nankeboteng.

San Lucas 12:45

Nem sota sakey ya baga‐en, ja kowan to ey, ‘Angkena tep si apok, metaktak alin onmotok’, kakaasi sotan. Ishogi ton sepsepdaten ira sota kait ton baga‐en, ja daleki man tan bibii, tan mesiẃat ni dadsak ton pengan tan penginom ingkatod keboteng to.

San Lucas 16:25

Nem kowan nen Abraham ey, ‘Anak ko, nemnem mo kari iyay. Nonta ẃara ked biyag, ẃara son si‐kam ma emin nontan i mesepol mo et kinenkenas mo. Nem si Lazaro nontan, enshin polos i mebedin to, jet kakaasin pasiya. Nem niman ngo, iyay shiya mapteng nga dogad ja emannam‐ay, jet si‐kam ngoy emandikat.

Inpaspasing 2:15

Sajay iren kait ko, aliẃen eboteng ira ja si‐katoy pangkep jo; ta alas nowibi pay laeng ni agsapa!

1 I-Korinto 11:21

Ta sota eshom kono son si‐kayo, epangdo la ja kinan toy si‐kato, jet sota eshom, na‐agang ja enshi anan, jet sota eshom pay kono, na‐aminan.

I-Ipiso 5:18

Aliẃen sota boteng i jo dagdag‐en, ta sotan i panshoki‐an ni aramid ja ngaaw. Say mapteng nga onoran jo ni olay, sota itorong ni Ispirito Santo.

1 I-Tisalonika 5:7

Say timpon ka‐okip ni too, kalebi‐an, tan si‐kato pay i timpon shaka panboteng.

Inpa-Amta Nen Jesucristo 17:2

Jet si‐katoy etod‐an ira nonta a‐ashi shi dobong ni edogit ta aramid. Jet sota ira totoo shi dobong, singa eboteng ira ni adak, ta sota ngaaw wa aramid nontan na bii, si‐katoy shaka on‐onori, ja eg sha amtay shaka dagdag‐a.”

Inpa-Amta Nen Jesucristo 17:6

Sotan na bii, inon‐an kon singa inboteng toy shala ira nonta too nen Apo Shiyos, ja binbinora tep ireka mengitosho ni maypangkep son Jesus. Jet nonta in‐asas ko so nontan na bii, asdeg ton naka messhaaw ni itsora to.