San Juan 19:34 - Dibshon Mengi-kan Ni Pansigshan

³⁴ Nem sota sakey ya solsharo, intebek toy kayang to shi tagdang nen Jesus, jet imayos alin shagos i shala, tan shanom.

San Juan 19:34 Iomraidhean Croise

San Mateo 27:62

Idi nonta maykadẃen akew, ja naksheng ma sota akew ni shaka pansekana ni piyasta ni Paskowa, sota ira apo ni papashi, tan sota ira Parisiyo, nan‐o‐odop iren dimaw so nen Pilato,

San Juan 19:33

Nem idi onsabi ira sota solsharo so nen Jesus, inon‐an sha ja etey ma si Jesus; isonga binay‐an sha ja eg sha kinetdoy sedi to.

San Juan 20:20

Idi naksheng nga inkowan nen Jesus iyay, inpa‐sas to sota takday to son si‐kara ja kawad‐an ni sogat nonta indansara so shi koros, tan sota tagdang ton natbek. Jet nontan ma, ireka man‐imdeng nga pasiya tep inon‐an shen mismo si Apo Jesus.

Inpaspasing 22:16

Jet niman, enshiy eshom ma mo seskeshen. Dayat ka et panpabonjag ka. Sota basol mo, mepekawanan no si Jesucristo i panshindan mo.’ Sajay i inkowan nen Ananias son si‐kak.

1 I-Korinto 1:30

Nem si Apo Shiyos, inda‐kam tokejo so nen Cristo Jesus; isonga ẃara may koston daing jo, jet sotan met laeng i edapo son Apo Shiyos. Aliẃen sotan bengat, no diket tokejoka ibilang ey singa enshiy basol jo jet kayoka ma mankai‐inges son si‐kato, jet anongosto ma ey maysedakan kayo.

1 I-Korinto 6:11

Waray eshom nontan da son si‐kayo ja inges niyay i aramid to. Nem niman ma, ta emati kayo son Apo Jesucristo, tan ẃara sota Ispirito Santo nen Apo Shiyos son si‐kayo, epakaẃanan ira jay den aramid jet may‐eshig ey edinis kayo ma. Too kayo ma nen Apo Shiyos, ja para mansilbi son si‐kato, jet si Apo Shiyos, kinosto‐an tokejo ngo.

I-Ipiso 5:26

Sajay i dingka nen Jesus, say sota emati son si‐kato, ẃara ma ira so nen Apo Shiyos. Jet nonta ineẃat to ira, dininisan to ira ni basol sha nonta esel to met laeng, tan singa dininisan to pay ira ni shanom nonta inkabonjag sha.

Tito 2:14

ta intolok toy bakdang to shorog ja etey shi koros, say sa‐datan toy emin na ngaaw wa aramid tayo ni mapteng, say manbedin kiton too to ja masi‐met ni olay ja mandeka ni mapteng.

Hodiyos 9:13

Agpayso ja sota shala ni kanshing, ono sota shala ni baka, tan sota ngaep ni epoolan na kilaw, no nayẃalki nonta timpo ni daton, makedsang nga mengkal nonta kowan ni pamatira nontan da ey dogit sha say maypedobos mowan ja mekiredjaw ira son Apo Shiyos,

Hodiyos 9:22

Say agpayso, no sota sigod ja bilin i onoren sha, ngannganin shalen emin i ema‐osal no piyan shen ibilang nen Apo Shiyos ey mapteng sota kompormin banag ga ẃara son si‐kara. No enshiy shalen maybokbok, eg mebedin ja mepekawan i basol ni too.

1 San Pedro 3:21

Sajay i arig nonta shanom ma ebonjagan jo, ta si‐katoy naysalakanan jo. Say bonjag, aliẃen maypangkep ni inkalinis ni bakdang jo, no diket sota inshawat jo so nen Apo Shiyos ey pekawanan to sota naksheng den dingkayo tan say todongan shakejon mandisi ni basol. Isonga ẃaray kedsang ni bonjag ja mengisedakan, ta nan‐ongal si Jesucristo.

1 San Juan 5:6

Sajay ya si Jesucristo, dimaw ali shiya dobong, jet nonta indaw to ali, ebonjagan ni shanom, tan imayos i shaleto ni inkatey tod koros. Eg maykowan ey shanom bengat i takshol to ni indaw to di, no diket naytakshol pay son si‐kato sota shala. Jet sota Ispirito Santo nen Apo Shiyos i emengikowan ey podno iyay, ta sotan na Ispirito Santo, podnon emin i ẃara son si‐kato.

Inpa-Amta Nen Jesucristo 7:14

Simongbatak ja kowan ko ey, “Apo, ekak amta. Isonga ikowan mo son si‐kak.” Jet kowan to son si‐kak ey, “Sajay iray nansilbi son Apo Shiyos ja enganos nonta ebadeg ga digat ja marama niman. Empoti ma niman i baro sha tep inbel‐ak sha nodta shala ni Kalniro.