San Juan 19:23 - Dibshon Mengi-kan Ni Pansigshan

²³ Idi naksheng ma ja indansa ira nonta solsharo si Jesus shi koros, indara sota baro to, jet biningbingay sha ja inpan‐epat sha son si‐karen solsharo. Tan indara pay sota baro to ja toka ita‐kep ja emongsan ja inebel, ja enshiy to eshaitan.

San Juan 19:23 Iomraidhean Croise

San Mateo 27:35

Jet indansara ma shi koros. Idi indansara ma, nanbobonot ira sota solsharo no sipay ontompong so nonta baro nen Jesus, asan shaka panbibingayi.

San Marcos 15:24

Jet indansara ma shi koros. Jet idi naksheng nga indansara, nanbobonot sota ira solsharo no sipay ontompong so nonta ira baro nen Jesus, asan shaka panbibingayi.

San Lucas 23:34

Kowan nen Jesus son Apo Shiyos ey, “Ama, pakaẃanim ira ja nandaga niya ngaaw son si‐kak, ta eg sha amtay shaka pandag‐a.” Sota ira engilansa son Jesus, nanbobonot ira no sipay ontompong so nonta baro nen Jesus, asan shaka panbibingayi.

Inpaspasing 12:4

Jet idi inpa‐shel nen Hirodis si Pedro, inpaibalod to asan toka pabantay so ni sampolo tan enem ma solsharo. Ta say plano nen Hirodis, no meksheng sota piyasta ja kowan sha ey Paskowa, bista‐en tos Pedro shi sango‐an ni karakdan.