San Juan 19:18 - Dibshon Mengi-kan Ni Pansigshan

¹⁸ Jet shiman, indansara nodta koros to. Tan ẃara pay i showa ja in‐inshas sha ja indansa ngo shi sanseskey ya koros: sota sakey, indansara shi apit ni kanigid nen Jesus, jet sota sakey, nodta apit ni kanawan to ngo.

San Juan 19:18 Iomraidhean Croise

San Mateo 27:44

Jet sota kait ton naykoros, ja tolisan, sajay met laeng i kowan sha ni dedamsis sha.

San Juan 18:32

(Sajay i ketongpalan nonta inkowan met laeng nen Jesus pangkep son si‐kato shorog ey say itsora ni ketey to ket maydansed koros.)

San Juan 19:32

Jet sota ira solsharo nen Pilato, sha kinetdo i sedi nonta ira showen too ja naydansa shi apit ni kanawan tan kanigid nen Jesus.

Inpaspasing 2:23

Sigod ja amta nen Apo Shiyos i mepesamak ali son Jesus shiya dobong tep plano to ngoreshan na sigod. Jet siya, intolok ton metey si Jesus. Nem si‐kayon Hodiyos i mismo emono son si‐kato! Inpabonoyo so nonta ira i‐Roma ja nankekedsel jet indansara shi koros.

I-Galasia 3:13

Isonga say pantongpalan nonta toon emanshinel so nonta bilin nonta bayag da, kenshat ta meshosa, ta si‐kato i kowan met laeng ni bilin. Nem si Cristo, si‐katoy mismon engikesho ni istay keshosa tayo koma; isonga niman, eẃaya kito ma. Maybidang nga si‐kato et ngo mowan i eshosa ni inkayba‐jat tod koros, ta say kowan nonta esel nen Apo Shiyos ja naysolat nonta bayag da, kowan to ey, “No sipen too i mayba‐jat shi kiyew, si‐katoy ka‐asan to ey eshosa.”

Hodiyos 12:2

Jet topogen tayo ja si Jesus i nemnemen tayo, ta si‐katoy nanshogi‐an ni pamati tayo, jet si‐kato met laeng i onoren tayo ingkatod meksheng. Jet anam ton si‐katoy onoran tayo, ta inenosan toy digat nonta naydansa shi koros, ta amta to ey ẃaray mapmapteng ja naysagana shi dangit ja para son si‐kato; isonga angken na dinamsis sha tan binebaingan sha, inenosan to. Jet niman, ẃara ma shi petek ni kanawan nonta tinongawan nen Apo Shiyos, jet si‐kato ngo ma i Kangeto‐an na toray.