San Juan 18:8 - Dibshon Mengi-kan Ni Pansigshan

⁸ Jet si Jesus, kowan to mowan ey, “Inkowan ko met son si‐kayo ey si‐kak sotan, jet no si‐kak i joka pan‐enapa, baybay‐iyo mango ira ja took. Jet angken ondaw ira.”

San Juan 18:8 Iomraidhean Croise

San Mateo 26:56

Nem mesepol la sajay i medeka ta say metongpal sota insolat ni para padto nonta bayag da.” Kowan nen Jesus. Jet emin ira sota too to, namtik ira jet indekjas shes Jesus.

San Juan 10:28

Jet sotan iren kokowak, naka akni ira ni biyag ja enshiy to engintegan, jet eg sha ma da‐kaman i shosa ingkatod ingka, jet enshiy makabaal ja onpiliw son si‐kak ni angken sakey son si‐kara.

San Juan 13:1

Shanshani ja manshoki sota piyasta ni Hodiyos ja kowan sha ey Paskowa, jet si Jesus, amta to ey sotan may timpo ja idekjasan to so niya dobong, ja on‐oli ma so nen Ameto shi dangit. Nontan na timpo i pengipa‐sas to ey enshiy kolang ni semek to so ni totoo ton ẃared ja dobong, ta sigod ja ensemek to ngoreshan ira.

San Juan 13:36

Inkowan nen Simon Pedro ey, “Apo, toway kowan mo ey daẃan mo?” Simongbat si Jesus ja kowan to ey, “Eg mebedin na on‐onod ka niman son si‐kak, nem ẃara diy timpon onoren mowak.”

San Juan 16:32

Nem simabi ma sota timpon kebodak jo, jet emin kayo, sakey ey on‐akad shi baley to. Si‐kayo, bay‐an jowak, nem aliẃen saksakey kon mebay‐an, ta si Amak, ẃara son si‐kak.

San Juan 18:7

Jet si Jesus, inpinshowa to ja kowan to ey, “Sipay joka pan‐enapa?” Jet kowan sha mowan ey, “Si Jesus ja i‐Nasarit.”

San Juan 18:9

(Sajay ya inkowan nen Jesus, si‐katoy ketongpalan met laeng nonta inkowan to nonta epangdo len akew, ja kowan to ey, “Sota toon in‐awat mo son si‐kak, angken sakey son si‐kara, enshiy en epokaw.”)

1 I-Korinto 10:13

Ingkato niman, sota kaonsabi son si‐kayon awis ja manbesol, aliẃa et ngon epalado, no diket kenshat ta sotan i kaonsabi so ni emin na totoo. Nem angken ngantoy onsabi ali, si Apo Shiyos i panshindan jo, ta eg tokejo i‐oway no eg jo posi‐en. Si‐kato met laeng i mengi‐kan ni kedsang jo ja mengenos say eg kayo ma‐ebak.

2 I-Korinto 12:9

Nem eg to ingkal. Say songbat to et, kowan to ey, “Sota kaasik son si‐kam, on‐anay ja pekedsang son si‐kam. Ta sota panakabalin kon mengaasi, agdalon naka i‐akan so nonta ekapoy.” Kowan nen Apo Jesus. Isonga naka man‐imdeng nga pasiya ja mengenos niyay ya digat ko, say sota panakabalin nen Cristo ja toka penodong, ipakat to ngo son si‐kak. Jet angken ekapoyak, si‐katoy naka idastog.

I-Ipiso 5:25

Jet si‐kayo ngon daleki, semek jo ni olay i aseẃayo, ja inges toy semek nen Cristo son si‐katejon emati son si‐kato. Ta sajay met i kabol la intolokan to so ni bakdang to ja metey para son si‐katejo.

1 San Pedro 5:7

Angken ngantoy shanag ja ẃara son si‐kayo, ipiyal jo so nen Apo Shiyos ja si‐kato may maka‐amta so, ta si‐katoy ebadeg i toka pengisekit son si‐kayo.