San Juan 18:36 - Dibshon Mengi-kan Ni Pansigshan

³⁶ Si Jesus, simongbat ja kowan to ey, “Say pantoshayan ko, aliẃen shiya dobong, ta no shiya dobong, sota ira took, istay mekibekal koma ira; eg sha itolok ja may‐eẃatak so nonta ira Hodiyos. Nem aliẃen shiyay i pantoshayan ko.”

San Juan 18:36 Iomraidhean Croise

San Mateo 26:53

Say kowan mo emo, eg mebedin na mengshawak so nen Amak ni tolong? Say agpayso, no mengshawak son si‐kato, mengibetkag alin shagos ni dinibon anghil.

San Lucas 12:14

Nem si Jesus, kowan to ey, “Kajem ko, aliẃen si‐kak i mengigsheng nita tawid jon kowan mo ey panbingay jon san‐agi.”

San Juan 18:35

Sinongbatan nen Pilato, ja kowan to ey, “Si‐kak, aliẃen Hodiyosak, jet sota engi‐ẃat ali son si‐kam shiyay, sota ira kait mo, tan sota ira apo ni papashiyon Hodiyos. Apay nganto aya i dingkam ja kowan sha ey basol mo?”

San Juan 6:15

Si Jesus, amta toy ẃared nemnem ira niyay ya too, ey piditen shen si‐katoy panbedin shen ari sha; isonga si Jesus, indekjas to ira, jet dimaw ja abos to nodta nayda‐med den shontog.

San Juan 8:15

Say joka pengilesini ey mapteng ono ngaaw i aramid ni sakey ya too ket sota ẃared nemnem jo. Nem si‐kak, aliẃen satan i naka pesing.

I-Roma 14:17

Ta say epateg koma ja nemnemen tayo niman na nayda‐kam kitod pantoshayan nen Apo Shiyos, sota mapteng nga ogadi, sota talna, tan sota imdeng ja medepod Ispirito Santo nen Apo Shiyos; eg kito koma mansosongbat pangkep nonta emengidin ja eg mekan ono ma‐inom.

1 Timoteo 6:13

Iyay i ibilin ko son si‐kam Timoteo, jet si‐katoy nemnemnemen mo. Ta si Apo Shiyos, tan si Jesucristo, shakitoka os‐osshongi ni olay. Si Apo Shiyos, si‐katoy engi‐kan ni biyag so ni emin na palsowa et si Cristo Jesus, nonta simango so nen Pontio Pilato, inkowan toy podno. Jet say bilin ko, sajay. Emin sota bilin da ja nay‐awat son si‐kam, onod mon emin, karam dabdabsan i eshom. Jet sotan ni olay ingkatod imotok ali nen Apo tayo ja si Jesucristo.