San Juan 18:3 - Dibshon Mengi-kan Ni Pansigshan

³ Jet si Judas Iskariote, en engolop ni eshakel la solsharo tan kowadja ni Timplo, ja inbetkag ira nonta apo ni papashi tan sota ira Parisiyo, jet dimaw ira shima gardin ja kawad‐an nen Jesus. Sajay iren totoo, nansilew ira di, tan nanpan‐almas ira.

San Juan 18:3 Iomraidhean Croise

San Mateo 25:1

In‐arig pay nen Jesus i timpon idaw to ali, ja kowan to ey, “Say arig ni pesing nen Apo Shiyos shi pantoshayan to, sajay ya istoriya. Wara konoy sampolon memeshikit ja engita‐jon ni kingkira ja sha seskeshen sota dakin mengesawa, say mekidaw ira son si‐kato shi kasal.

San Juan 13:2

Jet si Satanas, inpannemnem tos Judas Iskariote ja anak nen Simon, ey to ibaag si Jesus so nonta makakontra son si‐kato. Nem si Jesus, amta to ey in‐akan nen Ameton emin i panakabalin son si‐kato. Tan amta to ey say edapo‐an to shorog ket si Apo Shiyos, jet si Apo Shiyos met laeng i odi‐an to. Isonga nonta mama‐shem ja nandilikob ira sota apostol ton emengan, pati si‐kato,

San Juan 18:12

Jet inshel ma ira nonta solsharo, pati sota apo sha, tan sota kowadja ni Timplo si Jesus, jet binedod sha.

San Juan 18:18

Nodtan na bo‐dayan, nan‐apoy ira sota baga‐en, tan sota ira kowadja, ta teg‐in nontan, jet ediktob ira ja emenangshang. Jet si Pedro, en nay‐eshom son si‐kara ja mekirangshang.

San Juan 18:22

Idi naksheng nga inkowan nen Jesus iyay, sota sakey so nonta ira kowadja, sinedpak to si Jesus ja kowan to ey, “Apay nga satan i moka pesing nga menongbat so nita kangeto‐an na pari?”

San Juan 19:6

Idi inon‐an nonta ira apo ni papashi, tan sota ira kowadja ni Timplo, kimeljaw ira ja kowan sha ey, “Paidansam shi koros! Paidansam shi koros!” Nem si Pilato, simongbat ja kowan to son si‐kara ey, “Si‐kayo ngoy mengilansa son si‐kato shi koros tep enshi met i nak dinoktalan na to nanbasolan!”

San Juan 7:32

Sota ira Parisiyo, intenengan sha iyay ya inkowan ira nonta totoo pangkep son Jesus jet sajay iren Parisiyo, tan sota ira apo ni papashi, engibetkag ira ni kowadja ja en mengshel so nen Jesus.

Inpaspasing 1:16

ja kowan to ey, “A‐akik shi pamati, sota insolat nen Ari David nonta bayag da ja inshalan ni Ispirito Santo nen Apo Shiyos, etongpal da nonta inpangdo nen Judas Iskariote sota ira makakontra son Jesus ni in‐eshel sha so. Jet sajay ya si Judas i istay sakey son si‐kamin pinidi nen Jesus ja meki‐obda son si‐kamin apostol to nontan. Sajay i edaga ta mesepol la metongpal sota naypadto.

Inpaspasing 10:1

Shi siyodad ni Sisaria, ẃaray manngeshan ni Cornelio ja kapitan ni sandasos sa solsharo alid Roma ja poro tima‐nil iren i‐Italia.