San Juan 17:4 - Dibshon Mengi-kan Ni Pansigshan

⁴ Sota obda ja inkowan mo son si‐kak ey dag‐en ko shiya dobong, kinsheng ko jet si‐katoy nayshayawan mo.

San Juan 17:4 Iomraidhean Croise

San Juan 12:28

Jet si Jesus, nanshawat son Apo Shiyos ja kowan to ey, “Ama, si‐kam i mengipa‐sas met laeng ni kayshedjawan mo.” Idi enaksheng iya shawat nen Jesus, ẃara aliy esel ja edapod dangit, ja kowan to ey, “Inpa‐sas koy kayshedjawan ko, pangkep nonta kaskasshaaw ja dingkam, nem pinshowa‐en kon ipa‐sas pay i kayshedjawan ko, pangkep nita dag‐en mo di.”

San Juan 14:13

No ngarantoy sheẃaten jo son Amak pangkep ni joka pengi‐edagey son si‐kak, i‐akan ko son si‐kayo, say si Amak i mayshedjaw.

San Juan 14:31

Dag‐en ko ngo eshan sota inbilin nen Amak ja obda‐en ko, say amta‐en ni tood ja dobong ey ensemek ko si Amak.” Idi enaksheng nga inkowan nen Jesus iyay, kowan to son si‐kara ey, “Eti ondaw kito; idekjas tayo iyay ya dogad.”

San Juan 15:10

No say nemnemnemen jo ket sota inkowan ko la son si‐kayo ja bilin, ẃara ni olay son si‐kayo sota semek ko. Ta si‐kak ngo, naka pati‐a i bilin nen Amak, jet ẃara ni olay son si‐kak sota semek to.

San Juan 19:28

Jet nontan ma, amta nen Jesus ey nontan ma i kepospos nonta obda to, jet inkowan to ey, “Na‐keẃak ni shanom.” Ta piyan ton metongpal sota inkowan ni padto ja naysolat nonta bayag da ja pangkep son si‐kato.

San Juan 19:30

Jet idi ninamtan nen Jesus sota tapey ya inka‐ẃat nonta solsharo shi bongot to, kowan nen Jesus ey, “Naksheng ma.” Jet nanjokmos, asan ma ma‐bosi.

San Juan 4:34

Si Jesus kowan to son si‐kara ey, “Say singa naka kena, ja emengi‐kan ni kedsang ko, sota pandekak ni piyan nen Apo Shiyos ja engibetkag son si‐kak; sota obden inpiyal to son si‐kak i dag‐en ko ingkatod meksheng.

San Juan 5:36

Si Juan, inkowan to i maypangkep son si‐kak, nem sota mismon dingdingkak, sotan i epateg ja ka‐amta‐an to ey inbetkag towak ali nen Amak, ta si‐kak i shinotokan ton ondaga so ni obda to.

San Juan 9:3

Si Jesus, simongbat ja kowan to ey, “Aliẃen sota basol niyay ya too, ono sota basol ni maka‐anak i ekoraban to, no diket inpalobos nen Apo Shiyos, say si‐kato met laeng i mengekas son si‐kato, say amta‐en ni totoo ey ebadeg i panakabalin to.

Inpaspasing 20:24

Nem si‐kak, say biyag ko, ekak ibilang ey epateg ono ebanol son si‐kak. Say ẃared nemnem ko, piyan kon meksheng sota obda ja in‐awat nen Apo Jesus son si‐kak ja mengitosho ni mapteng nga shamag pangkep ni kaasi nen Apo Shiyos.

2 Timoteo 4:7

Dingkak i kabaalan ko shi obdak ja singa ekigobatak shi kobatan, ono singa ekilongba‐ak ni betik, jet siningpet kon inonod tan intoro shi eshom sota pamatin naypiyal son si‐kak.