San Juan 17:26 - Dibshon Mengi-kan Ni Pansigshan

²⁶ Inpa‐amtak son si‐kara sota maypangkep son si‐kam, jet itoloy kon ipa‐amta iyay son si‐kara, say mayda‐kam ngo ira nodta semek mo ja ẃara son si‐kak, say si‐kak, ẃara‐ak ngo son si‐kara, ja ontolong.” Sajay i shawat nen Jesus so nen Ameto.

San Juan 17:26 Iomraidhean Croise

San Juan 14:20

No onsabi ali sota timpo ja panbiyag ko mowan, si‐katoy amta‐anan jo so ey agpayson si Amak ket ẃara son si‐kak, jet angken si‐kayo ngo, ẃara kayo son si‐kak, tan si‐kak, ẃara‐ak son si‐kayo.

San Juan 14:23

Jet si Jesus, simongbat ja kowan to ey, “Sota toon ẃaray semek to son si‐kak, pati‐en to sota ikowan ko son si‐kato, jet si Amak, ensemek to ngo sotan na too. Jet si‐kak tan si Amak, man‐iyan kami son si‐kato.

San Juan 15:15

Aliẃen baga‐en may pengibidang ko son si‐kayo, ta say baga‐en, eg ikowan nonta apo to son si‐kato i emin na toka dagdaga. Isonga say awag ko son si‐kayo, kagajem takejo, ta emin sota inkowan nen Amak son si‐kak, inpa‐amtak son si‐kayo.

San Juan 15:4

Si‐kak i pati‐en jo ni olay, say ẃara‐ak ngo ni olay son si‐kayo. Sota panga, no abos to, eg mebedin na ondames; mesepol la ẃara ni olay nodta makapanga so. Sajay i kay‐eshigan jo; isonga mesepol la si‐kak ni olay i nemnemnemen jo.

San Juan 15:9

Sota semek ko son si‐kayo, inges toy kaba‐deg ni semek nen Amak son si‐kak. Isonga itodoy jon memati son si‐kak, say ẃara ni olay son si‐kayo sota semek ko.

San Juan 17:23

Wara‐ak ja ontolong son si‐kara, tan ẃara ka ja ontolong son si‐kak, say enshiy pankodangan ni panseksekey sha, tan say pati‐en ira niya tood ja dobong ey si‐kam i engibetkag son si‐kak ali et pati‐en sha pay ey ensemek mo ira ja inges toy semek mo son si‐kak.

San Juan 17:6

“Sota toom ja ẃared ja dobong ja in‐awat mo son si‐kak, inpa‐amtak son si‐kara sota maypangkep son si‐kam, jet pinatiray esel mo.

San Juan 17:8

Ta inkowan ko son si‐kara sota inkowan mo son si‐kak jet ineẃat sha, jet amtara ma ey podno ja si‐kam i edapo‐an ko, tan si‐kam i engibetkag ali son si‐kak shiya dobong.

San Juan 6:56

Jet sota mengan niya daman ko, tan menginom niya shalak, si‐karay ẃara son si‐kak, jet si‐kak, ẃara‐ak ngo ni olay son si‐kara.

San Juan 8:50

Si‐kak, aliẃa met kitdin sota pengiredjaw ni tooy naka kamkamkami. Nem si Apo Shiyos, si‐katoy kaonnemnemnem son si‐kak, jet si‐kato aliy mengigsheng ey maptengak.

I-Roma 8:10

singa etey ira. Jet angken si‐kayo ngo nontan, singa etey kayo kabol ni basol jo, nem niman, eẃad‐an kayo ngo eshan ni badon biyag ta kinosto‐an shakejo ma nen Apo Shiyos ni inpamatiyo son Cristo.

1 I-Korinto 1:30

Nem si Apo Shiyos, inda‐kam tokejo so nen Cristo Jesus; isonga ẃara may koston daing jo, jet sotan met laeng i edapo son Apo Shiyos. Aliẃen sotan bengat, no diket tokejoka ibilang ey singa enshiy basol jo jet kayoka ma mankai‐inges son si‐kato, jet anongosto ma ey maysedakan kayo.

1 I-Korinto 12:12

Sajay ya kai‐akan ni Ispirito Santo nen Apo Shiyos so ni emati, arig toy bakdang ja eshakel i parti to. Jet sotan na parti, eshakel nem sakey bengat i bakdang ja naypeketan sha. Sajay i kay‐ingesan ni emati son Cristo, ta eshakel kito, nem sakey i bakdang nen Cristo ja naymongsanan tayo.

I-Galasia 2:20

Singa eteyak ja inpakidansara‐ak son Cristo shi koros, jet niman, sajay ya biyag ko, aliẃen sota sigod, no diket si Cristo iya ẃara ma son si‐kak. Isonga say emengitoshong ni biyag ko niman, sota naka pemati son Cristo ja Anak nen Apo Shiyos. Si‐katoy ebadeg i semek to son si‐kak, jet si‐katoy mismon etey shi koros say ikaro to sota istay ikarok koma.

I-Ipiso 1:6

ja man‐iyaman kito son si‐kato nonta ebadeg ga kaasi to ja asdeg ton in‐akan to son si‐katejo, ta ẃara kitejo so nen Jesucristo ja epateg ga Anak to.

I-Ipiso 3:17

say si Cristoy nemnemen jo koma ni olay, ni joka pemati son si‐kato. Say shawat ko pay son Apo Shiyos, maynadnad kayo shi pamati ja singa ondamot i semek jo,

I-Ipiso 5:30

ta si‐katejon emati, may‐eshig ey nay‐eshom kito shi bakdang to.

I-Ipiso 5:32

Eshakel i kaytoshongan niyay ya toro, nem say epateg ja piyan kon amta‐en jo, maytoshong iyay so nonta ira emati ja naykasakey so nen Cristo.

I-Kolosas 1:27

Jet sota plano ton inpa‐amta to niman, enshiy eshom nem eg sajay: si Cristo, ẃaren mismo son si‐kayo. Eg to nin inpa‐amta iyay ya plano to nonta bayag da, ta say piyan ton pa‐amta‐an so, sota memati son si‐kato niman, jet sajay ya plano ton epateg, enshiy to kay‐ingesan. Jet si‐kayon aliẃen Hodiyos, nayda‐kam kayo ma. Isonga niman ẃara may namnama jo ja mayda‐kam son Apo Shiyos shi dangit.

I-Kolosas 2:10

Isonga karejo sintilen i kowan ni eshom, ta niman na emati kayo son Cristo, ẃara son si‐kayon emin, enshiy kolang jo ja pepno‐an ni eshom. Si Cristo, si‐katoy Kangeto‐an ni angken nganto, pati anghil.

I-Kolosas 3:11

Isonga niman ma, enshiy en nandasinan ni angken sipen too ja binado‐an nen Apo Shiyos. Nan‐i‐inges i toon aliẃen Hodiyos ono sota Hodiyos, nan‐ashal ono eg nan‐ashal, baga‐en ono aliẃen baga‐en. Nan‐i‐inges ta say menemnem ma, si Cristo i ẃara son si‐katejon emin.

2 I-Tisalonika 2:16

Jet niman, say shawat mi, sapay koma ta si Apo Jesucristo, tan si Apo Shiyos ja Ametayo, si‐karay pekedsang so ni nemnem jo, say eg kayo medismaya, tan say mapteng ni olay i dag‐en jo, tan ikowan jo. Sajay i shawat mi ja pesing nen Apo Shiyos, ta ensemek shakito, tan si‐katoy mismon engaasi son si‐katejo ja engi‐kan ni naynay ya kedsang ni nemnem, tan sota ebadeg ga namnama.

Hodiyos 2:12

ta ẃara met i naysolat nonta bayag da, ja kowan to ey, “Ikowan koy maypangkep son si‐kam Apo Shiyos so nonta ira a‐akik. Jet ikansiyon koy panshedjaw ko son si‐kam ni ka‐olnong sha.”

1 San Juan 3:24

Sota ira ememati ni bilin nen Apo Shiyos, si‐karay ẃara son Apo Shiyos, jet si Apo Shiyos, ẃara ngo son si‐kara. Say amta‐an tayo so ey si Apo Shiyos ket ẃara ni olay son si‐katejo, ẃara sota Ispirito Santo to ja nan‐iyan son si‐katejo ja edapo son si‐kato.