San Juan 17:22 - Dibshon Mengi-kan Ni Pansigshan

²² Sota shayaw ja in‐akan mo son si‐kak, inges to met laeng i in‐akan ko son si‐kara, say manseksekey ira ja inges toy inpansaksakey ta.

San Juan 17:22 Iomraidhean Croise

San Marcos 6:7

Sina‐nop ma nen Jesus ira sota shinotokan ton sawal ni showen apostol to et inkowan to ey ondaw iren sansheshedẃa shi eshom ma dogad. Jet kowan to son si‐kara ey, “Ipiyal ko son si‐kayo ey angken sama ira dimonyo ja pimeket shi totoo, mebedin na pebtik jo.”

San Lucas 22:30

Mekiladsak kayo son si‐kak ni pantoshay ko, tan ontongaw kayo pay ja mengigsheng ni panbenagan ni emin na Hodiyos ja poli nonta sampolo tan showa ja annak nen Israel.” Kowan nen Jesus.

San Juan 1:14

Sotan na sigod ja ẃara son Apo Shiyos, ja engipa‐amta ali ni maypangkep son Apo Shiyos, nanbalin ni too, jet eki‐iyan son si‐katejon too. Inon‐an min mismoy kina‐Shiyos to — sota kina‐Shiyos ja in‐akan nen Ameto ta si‐kato bengat i Anak to. Emin na inon‐an min dingka to, ma‐sas ni olay ey ebadeg i semek to tan podnon emin i kowan to.

San Juan 1:16

Saja dimaw ali son si‐katejo, ebadeg ga pasiyay semek to, jet engi‐kan ni nansigshan tayon emin.

San Juan 14:20

No onsabi ali sota timpo ja panbiyag ko mowan, si‐katoy amta‐anan jo so ey agpayson si Amak ket ẃara son si‐kak, jet angken si‐kayo ngo, ẃara kayo son si‐kak, tan si‐kak, ẃara‐ak son si‐kayo.

San Juan 17:24

Ama, si‐kam i engi‐ẃat ira niyay ya too son si‐kak, jet say piyan ko, ondaw ngo ira shi dangit ja daẃan ko, say asen sha sota shayaw ja in‐akan mo son si‐kak, nonta pilmiro ja eg pay laeng epalsowa iya dobong. Sajay i inpasing mo nontan da ta ensemek mowak ngoreshan.

Inpaspasing 5:41

Jet sota ira apostol, indekjas sha ira sota esa‐nop pa toray ja ireka eman‐imdeng nga pasiya tep si Jesus i kabol ni ebebaingan sha. Ninemnem sha ey sajay i ka‐asan to ey kinosto‐an ira nen Apo Shiyos.

I-Roma 8:30

Sotan iren toon pinidi to, si‐karay ninemnem to ngo eshan ja mayda‐kam son si‐kato, jet si‐kara met laeng sota too ton toka kosto‐i niman. Jet si‐kara, i‐inges to ira so nen Cristo.

2 I-Korinto 3:18

Jet emin kiton emati son Cristo, aliẃen inges tayos Moises ja sina‐dinan toy dopa to, ta si‐katejo, singa ispiko kito ja emengipa‐sas nonta itsora nen Apo Jesus. Niman ma, ẃaray ootik ka nay‐ingesan tayo son Apo Shiyos, nem emanka‐shomi ni olay, jet no ekay ingesen tayo ma si Apo Jesus, ta si‐katoy emengi‐kan ni Ispirito Santo.

2 I-Korinto 5:20

Shinotokan shakami nen Apo Shiyos ja mengi‐edagey son Cristo, isonga no mengadok kami ni too, aliẃen nemnem mi ni abos, no diket nemnem nen Apo Shiyos sota mika pan‐i‐adok. Isonga sheẃaten mi ngarod son si‐kayo kabol so nen Cristo ey ipalobos jon i‐esop shakejo nen Apo Shiyos son si‐kato met laeng.

2 I-Korinto 6:1

Sajay ya obda, mika pan‐atngi si Apo Shiyos ni obda to; isonga iyay i kekshawen mi son si‐kayo. Niman na kinaasi‐an shakejo nen Apo Shiyos, osal jod pansigshan jo, karejo pekeẃas sota inkaasi to.

I-Ipiso 2:20

Si‐katejon too nen Apo Shiyos, may‐eshig kitod baley ya naypilmid na‐det ta bato. Say arig nonta na‐det ta bato ja naypilmi‐an tayo, sota intoro ira nonta apostol, tan para padto. Si Cristo Jesus i singa enapaja nonta baton naysaashan tayo, jet emin son si‐katejon emati son Apo Jesus, singa nanmomongsan kitejo ngo son si‐kato. Jet no anongosto ma, singa manbedin ni Timplo nen Apo Shiyos.

I-Pilipos 1:29

jet eẃatan sha ey angken sota joka pandikat, ontolong si Apo Shiyos son si‐kayo, ja eg shakayo i‐oway. Ta aliẃen sota inpamatiyo son Cristo bengat i inpalobos nen Apo Shiyos son si‐kayo, no diket inpalobos to pay ja manda‐kam kayo ngo ni digat pangkep son si‐kato.

I-Kolosas 1:24

Jet niman, angken naka emedigdikati pangkep son si‐kayo, ebadeg i imdeng ko, tep saja naka pandikat, toloy ni inpandigat nen Cristo, pangkep nonta emati ja may‐eshig ey bakdang to.

1 San Juan 3:24

Sota ira ememati ni bilin nen Apo Shiyos, si‐karay ẃara son Apo Shiyos, jet si Apo Shiyos, ẃara ngo son si‐kara. Say amta‐an tayo so ey si Apo Shiyos ket ẃara ni olay son si‐katejo, ẃara sota Ispirito Santo to ja nan‐iyan son si‐katejo ja edapo son si‐kato.

1 San Juan 4:17

Isonga sota semek ja inamta‐an tayo, si‐kato sota semek ja enshiy kolang to. Jet angken onsabi ali sota akew ja pengigsheng nen Apo Shiyos no sipay maysedakan, ẃaray shinel tayo, enshiy tayo panshanagan, ta angken niman shiya dobong, ẃaray semek tayo so ni kait tayo ja inges tos Cristo.

Inpa-Amta Nen Jesucristo 21:14

Jet sotan na siyodad, ẃaray sampolo tan showen tokod to et naysolat nodtan na tokod iray ngaran nonta sampolo tan showen apostol nonta Kalniro.