San Juan 17:21 - Dibshon Mengi-kan Ni Pansigshan

²¹ Tan say shawat ko pay son si‐kam Ama, manseksekey koma iren emin, ja inges toy kawashak son si‐kam, tan kawasham ngo son si‐kak, say maykasakey ira son si‐kata, say pati‐en ira nonta tood ja dobong ey agpayson si‐kam i engibetkag ali son si‐kak shiyay.

San Juan 17:21 Iomraidhean Croise

San Marcos 3:24

Ta amta to ey sajay, arig toy ilin manshowa. No manshowen shorog i sakey ya ili, kenshat ta mansisi‐jan ira sota totoo nontan na ili.

San Juan 10:16

Waray eshom ma kalnirok ja apil i naykoralan sha, jet mesepol la si‐kak met laeng i mengikasakey son si‐kara so nonta sigod ja kalnirok. No itenengan shay esel ko, ondaw ira di jet maykasakey ma ira, jet sota mengajowan son si‐kara, sakey ngo bengat ma.

San Juan 10:30

Si‐kamin Amak, saksakey kami.”

San Juan 10:38

Nem no eg jowak pati‐en, istay sota obden naka dagdag‐a, si‐kato koma mangoy pati‐en jo, ta sotan na dingkak, si Apo Shiyos i edapo‐an to, jet si‐katoy amta‐an jo so koma ey si‐kak, ẃara‐ak son Apo Shiyos ja Amak, jet si Apo Shiyos, ẃara ngo son si‐kak.” Kowan nen Jesus.

San Juan 11:42

Amtak ey moka itenengi ni olay i naka ishawat son si‐kam, nem say engibolikasan ko so niyay ya shawat son si‐kam, say itenengan ira niya toon ẃared jay niman, say memati ira ey agpayso ja si‐kam i engibetkag son si‐kak shiya dobong.”

San Juan 13:32

No si Apo Shiyos ket sota dag‐en ko i kayda‐kaman to ni shayaw, si‐kato ngoy mengiredjaw son si‐kak. Jet sajay, medeka son si‐kak ka shagos.

San Juan 13:35

Ta sajay i amta‐an so ni totoo ey si‐kayo ket agpayson too takejo.”

San Juan 17:11

Niman, idekjas ko iya dobong, jet on‐oli‐ak da son si‐kam. Nem saja ira took ja in‐awat mo son si‐kak, mebay‐an nin ira shiya dobong, jet si‐kam Ama, i maka‐amta ja mengajowan son si‐kara. Si‐kam i napno‐an ni emin na kinamapteng; isonga i‐osal moy panakabalin mo, say manseksekey ira ja inges toy inpansaksakey ta.

San Juan 17:18

Si‐kam i engibetkag son si‐kak shiya dobong, jet inges to ngon ibetkag ko ira shiya emin na sakop niya dobong.

San Juan 17:20

“Aliẃen saja ira took bengat i naka pan‐ishawati son si‐kam, no diket angken pay sota ira toon memati ali son si‐kak, ja pengikowanan ira niya took ni esel mo.

San Juan 17:25

Si‐kam ja Amak, amtak ey enshiy moka pankodangi. Saja tood ja dobong, eg shaka amta; nem si‐kak, amta taka. Jet sajay iren took, amtara ey si‐kam i engibetkag ali son si‐kak.

San Juan 17:3

Jet no meẃad‐an ma ira ni biyag ja enshiy to engintegan, si‐kato may amta‐an sha son si‐kam, ey si‐kam i podnon Shiyos ja enshiy eshom, tan si‐kato ngoy amta‐an sha son si‐kak, ey si‐kak si Jesucristo ja inbetkag mo alid ja dobong.

San Juan 17:8

Ta inkowan ko son si‐kara sota inkowan mo son si‐kak jet ineẃat sha, jet amtara ma ey podno ja si‐kam i edapo‐an ko, tan si‐kam i engibetkag ali son si‐kak shiya dobong.

San Juan 3:17

Ta si Apo Shiyos, aliẃen inbetkag to ali sota Anak tod ja dobong ja si‐katoy mengigsheng ey meshosa iray totoo, no diket say isalakan to koma ira.

San Juan 5:23

say emin na too, si‐kak i shedjawen sha ja inges toy shaka pengiredjaw son Amak. Sota eg mengiredjaw son si‐kak, eg sha ngo ishayaw si Amak, ta si‐kak sota inbetkag to di.

Inpaspasing 2:46

Inakew ja ireka ondaw shi Timplo, jet shima balebaley sha, ireka mandilikob, jet ebadeg i imdeng sha ni shaka pengan, ta saksakey i nemnem sha son Jesucristo.

Inpaspasing 4:32

Jet emin ira sota emati, nansaksakey i pangkep sha tan nemnem sha, ja ayshiy kowan ni sakey tan sakey son si‐kara ey sota kokowa to, mos‐an to, no diket kokowaren emin.

I-Roma 12:5

Isonga angken eshakel kito, naykasakey kito son Cristo pangkep ni pamati tayo son si‐kato, jet sankagait kito ma.

1 I-Korinto 1:10

Niman, iyay i kekshawen ko son si‐kayo ja a‐akik shi pamati. Nemnem jo si Jesucristo ja Apo tayon emin, say man‐i‐inawatan kayo koma. Eg kayo koma mebodak; pansaksakey jo et i nemnem jo say saksakey ngoy pangkep jo.

1 I-Korinto 12:12

Sajay ya kai‐akan ni Ispirito Santo nen Apo Shiyos so ni emati, arig toy bakdang ja eshakel i parti to. Jet sotan na parti, eshakel nem sakey bengat i bakdang ja naypeketan sha. Sajay i kay‐ingesan ni emati son Cristo, ta eshakel kito, nem sakey i bakdang nen Cristo ja naymongsanan tayo.

1 I-Korinto 6:17

Nem sota emati ja naykasakey son Apo Jesus, saksakey ma i nemnem sha nen Apo Jesus.

I-Galasia 3:28

Isonga si‐kayon ẃara son Cristo, nansaksakey kayod pamati; enshiy en nandasinan ni sakey tan sakey — Hodiyos man ono aliẃen Hodiyos, baga‐en man ono aliẃen baga‐en, daleki ono bibii.

I-Pilipos 1:27

Asas joy itsora ni ogadiyo. Mesepol la may‐enam shi toro pangkep so nen Cristo, say no angken bilang ey ondawak da, ono enshi, mapteng ali komay shamag maypangkep son si‐kayod tan, ja saksakey i nemnem jo; kasta met i pangkep jo. Amta‐en ko koma di ey kayoka mantitinolong, say eg kayo ma‐ebak no kontra‐en shay pamatiyo ja edapo nodta mapteng nga shamag pangkep son Cristo.

1 San Juan 5:7

Isonga ẃaray tedo ja sesakey i kowan sha pangkep son Cristo, jet sajay ira sota tedo: sota Ispirito Santo nen Apo Shiyos, sota shanom, tan sota shala, jet saja tedo, nan‐i‐inges i kowan sha.