San Juan 17:18 - Dibshon Mengi-kan Ni Pansigshan

¹⁸ Si‐kam i engibetkag son si‐kak shiya dobong, jet inges to ngon ibetkag ko ira shiya emin na sakop niya dobong.

San Juan 17:18 Iomraidhean Croise

San Mateo 10:5

Sajay iren apostol to ja sampolo tan showa, inbetkag to ira, ja kowan to ey, “Karekayo ondaw shima angken towen kawad‐an ira nonta aliẃen kait tayon Hodiyos, ono shima angken towen ili ni i‐Samaria,

San Mateo 23:34

Jet niman, mengibetkagak da ngo son si‐kayo ni toon mengikowan ni esel nen Apo Shiyos, tan mengibetkagak ni eshom ma toon edaing nga mantosho ja ondaw son si‐kayo. Nem bono‐en jo ira sota eshom ja idansa shi koros, jet sota eshom son si‐kara, sepsepdaten jo ira shima sa‐nopan jo. Jet emin sota mebay‐an ja eg jo bono‐en, osilen jo pay ira shi ka‐ili‐ili.

San Juan 17:21

Tan say shawat ko pay son si‐kam Ama, manseksekey koma iren emin, ja inges toy kawashak son si‐kam, tan kawasham ngo son si‐kak, say maykasakey ira son si‐kata, say pati‐en ira nonta tood ja dobong ey agpayson si‐kam i engibetkag ali son si‐kak shiyay.

San Juan 17:23

Wara‐ak ja ontolong son si‐kara, tan ẃara ka ja ontolong son si‐kak, say enshiy pankodangan ni panseksekey sha, tan say pati‐en ira niya tood ja dobong ey si‐kam i engibetkag son si‐kak ali et pati‐en sha pay ey ensemek mo ira ja inges toy semek mo son si‐kak.

San Juan 17:25

Si‐kam ja Amak, amtak ey enshiy moka pankodangi. Saja tood ja dobong, eg shaka amta; nem si‐kak, amta taka. Jet sajay iren took, amtara ey si‐kam i engibetkag ali son si‐kak.

San Juan 17:3

Jet no meẃad‐an ma ira ni biyag ja enshiy to engintegan, si‐kato may amta‐an sha son si‐kam, ey si‐kam i podnon Shiyos ja enshiy eshom, tan si‐kato ngoy amta‐an sha son si‐kak, ey si‐kak si Jesucristo ja inbetkag mo alid ja dobong.

San Juan 17:8

Ta inkowan ko son si‐kara sota inkowan mo son si‐kak jet ineẃat sha, jet amtara ma ey podno ja si‐kam i edapo‐an ko, tan si‐kam i engibetkag ali son si‐kak shiya dobong.

San Juan 20:21

Jet si Jesus, inpinshowa to mowan ja kowan to ey, “Sapay koma ta sota talna ket, si‐katoy meẃesha son si‐kayo.” Tan kowan to pay ey, “Ibetkag takejo, ja inges toy inpangibetkag nen Amak son si‐kak.”

San Juan 3:17

Ta si Apo Shiyos, aliẃen inbetkag to ali sota Anak tod ja dobong ja si‐katoy mengigsheng ey meshosa iray totoo, no diket say isalakan to koma ira.

San Juan 4:38

Isonga si‐kayo, si‐kayoy ibetkag ko, ja singa en mengepit nonta dames ni in‐esek ni eshom, angken na aliẃen si‐kayoy nandigat.” Sajay i kowan nen Jesus so nonta ira too to.

2 I-Korinto 5:20

Shinotokan shakami nen Apo Shiyos ja mengi‐edagey son Cristo, isonga no mengadok kami ni too, aliẃen nemnem mi ni abos, no diket nemnem nen Apo Shiyos sota mika pan‐i‐adok. Isonga sheẃaten mi ngarod son si‐kayo kabol so nen Cristo ey ipalobos jon i‐esop shakejo nen Apo Shiyos son si‐kato met laeng.

I-Ipiso 3:7

Jet say kabol la kinaasi‐an towak so nen Apo Shiyos, pinidi towak ja ontolong ja mengitosho ni mapteng nga shamag maypangkep son Cristo Jesus. Jet si‐kato met laeng i mengosal ni panakabalin ton ontolong son si‐kak.