San Juan 17:16 - Dibshon Mengi-kan Ni Pansigshan

¹⁶ Si‐kak, aliẃen inges ko iya tood ja dobong ja eg emati, jet saja took, inges sha‐ak ja aliẃen tood ja dobong.

San Juan 17:16 Iomraidhean Croise

San Juan 17:14

Sota inkowan mo son si‐kak, inkowan ko ngo son si‐kara, jet sajay iren too, emati ira son si‐kak. Jet sota tood ja dobong ja eg emati, kontra sha ira ja took, ta eg nay‐inges i ogadira so nodta ira eg emati.

San Juan 8:23

Jet si Jesus, simongbat ja kowan to ey, “Si‐kayo, too kayod ja dobong, isonga say emin na ẃared ta nemnem jo, sota maypangkep ngo niya dobong. Nem si‐kak, say edapo‐an ko, shi dangit, isonga say ẃared nemnem ko, aliẃen inges toy nemnem jo.

1 San Juan 4:5

Saja o‐owap i toro sha, nay‐eshom ira shima ẃared ja dobong ja makakontra son Apo Shiyos. Isonga sota toro sha ngo, inges to sota nemnem nonta nay‐eshoman sha. Jet sota karakdan shiya dobong, pipiyan shen itenengan sota kaikokowan ngo ira nonta o‐owap i toro sha.