San Juan 17:15 - Dibshon Mengi-kan Ni Pansigshan

¹⁵ Say shawat ko para son si‐kara, aliẃen naka pan‐ishawat ey a‐kalen mo ired ja dobong, no diket ajowanim ira koma, say eg sheshalen ira nen Satanas.

San Juan 17:15 Iomraidhean Croise

San Mateo 5:37

No ẃaray mansedodsod son si‐kayo, karejo i‐eshom i sangba shi ‘Owen’ ono ‘Enshi’, ta sota songbat ja onsolok shi owen ono enshi, si Satanas i edapo‐an to.

San Mateo 6:13

Karam itolok koma ja manbesol kami, no diket si‐kam i mengiredan son si‐kami say eg kami manbesol.’

San Lucas 11:4

Si‐kam i memekawan son si‐kami ni nanbasolan mi, tep mika ngo pekawani sota ira nanbasol son si‐kami. Karam itolok koma ja manbesol kami, no diket si‐kam i mengiredan son si‐kami say eg kami manbesol.’ ”

San Lucas 22:32

Mebedin na ma‐adilaw ka Simon, ni sanka‐atikan, nem inshawat ko son Apo Shiyos ey eg mekolpin onkapoy i pamatim. Jet no may‐odi mowan i pamatim son si‐kak, si‐kam ngoy pekedsang so ni kait mo.”

I-Galasia 1:4

Si Cristo, si‐katon mismo i engikesho ni basol tayo ni inkatey to shi koros, say ma‐alsa kitod ja maramen ngaaw ja kedagdag‐a ni totoo. Edaga iyay tep sajay i piyan nen Apo Shiyos ja Ametayo.

2 I-Tisalonika 3:3

Nem si Apo Jesucristo i panshindan tayo bengat ja mengi‐kan ni kedsang ni pamatiyo, tan si‐katoy onbantay son si‐kayo, say eg shakejo ebaken nen Satanas.

2 Timoteo 4:8

Jet niman ma, ẃaray naysagana ja primiyok, jet sajay, enshiy eshom nem eg panbedin kon toon enshin polos i basol to shi dangit. Sajay ya primiyok, i‐awat nonta kostoy toka pengigsheng ja si Apo Jesus. Jet aliẃen si‐kak bengat i i‐awatan to so, no diket ẃara ngoy para so nonta ira eshom ja eman‐a‐agag ni idaw ali nen Cristo tep ensemek sha.

1 San Juan 5:18

Amta tayo ey si‐katejon annak nen Apo Shiyos, inbi‐jag tayon manbesol ma, ta si Jesucristo ja Anak nen Apo Shiyos, si‐katoy emengitoshong son si‐katejo shi mapteng. Jet si Satanas, enshiy pesing ton onsharal son si‐katejo.

1 San Juan 5:19

Amta tayo pay ey ẃara kito son Apo Shiyos, nem saja intiron dobong ja naydaokan tayo, tinngel nen Satanas.